Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Suttas 28-30[ed1]

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

Sutta 28

Upaasaka Vipatti Sutta.m

[28.1][pts] EVA.M ME SUTA.M.|| ||

Saavatthinidaana.m|| ||

Satt'ime bhikkhave, dhammaa upaasakassa vipattiyo sa'nvattanti.|| ||

Katame satta?|| ||

2. Bhikkhu dassana.m haapeti.|| ||

Saddhammasava.na.m pamajjati.|| ||

Adisiile na sikkhati.|| ||

Appasaadabahulo hoti bhikkhuusu theresu c'eva||
navesu ca||
majjhamesu ca.|| ||

Upaarambhacitto dhamma.m su.naati randhagavesii.|| ||

Ito ca bahiddhaa dakkhi.neyya.m gavesati.|| ||

Idha ca pubbakaara.m karoti.|| ||

Ime kho bhikkhave, satta dhammaa upaasakassa vipattiyo sa'nvattanti.|| ||

 


 

Satt'imi bhikkhave, dhammaa upaasakassa sampattiyo sa'nvattanti.|| ||

Katame satta?|| ||

Bhikkhudassana.m na haapeti.|| ||

Saddhammasava.na.m na ppamajjati.|| ||

Adhisiile sikkhati.|| ||

Pasaadabahulo hoti bhikkhuusu theresu c'eva||
navesu ca||
majjhamesu ca.|| ||

Anupaarambhacitto dhamma.m su.naati na randhagavesii.|| ||

Na ito bahiddhaa dakkhi.neyya.m gavesati.|| ||

Idha ca pubbakaara.m karoti.|| ||

Ime kho bhikkhave, satta dhammaa upaasakassa sampattiyo sa'nvattantii ti.|| ||

Dassana.m bhaavitattaana.m yo haapeti upaasako,||
Sava.na.m ca ariyadhammaana.m adisile na sikkhati.|| ||

Appasaado ca bhikkhuusu bhiyyo bhiyyo pava.d.dhati,||
Upaarambhacitto ca saddhamma.m sotumicchati.|| ||

Ito ca bhahiddhaa a~n~na.m dakkhi.neyya.m gavesati,||
Tatth'eva ca pubbakaara.m yo karoti upaasako,|| ||

Ete kho parihaaniiye satta dhamme sudesite,||
Upaasako sevamaano saddhammaa parihaayati.|| ||

Dassana.m bhaavitattaana.m yo na haapeti upaasako,||
Sava.na.m ca ariyadhammaana.m adhisiile ca sikkhati.|| ||

Pasaado c'assa bhikkhuusu bhiyyo bhiyyo pava.d.dhati,||
Anupaarambhacitto ca saddhamma.m sotumicchati.|| ||

Na ito bahiddhaa a~n~na.m dakkhi.neyya.m gavesati,||
Idh'eva ca pubbakaara.m yo karoti upaasako.|| ||

Ete ko aparihaaniiye satta dhamme sudesite,||
Upaasako sevamaano saddhammaa na parihaayatii ti.|| ||

 


 

Sutta 29

Upaasaka Vipatti Sutta.m; Upaasaka Paraabhava Sutta.m

[29.1][pts] EVA.M ME SUTA.M.|| ||

Saavatthinidaana.m|| ||

Satt'ime bhikkhave, dhammaa upaasakassa paraabhavaa sa'nvattanti.|| ||

Katame satta?|| ||

2. Bhikkhu dassana.m haapeti.|| ||

Saddhammasava.na.m pamajjati.|| ||

Adisiile na sikkhati.|| ||

Appasaadabahulo hoti bhikkhuusu theresu c'eva||
navesu ca||
majjhamesu ca.|| ||

Upaarambhacitto dhamma.m su.naati randhagavesii.|| ||

Ito ca bahiddhaa dakkhi.neyya.m gavesati.|| ||

Idha ca pubbakaara.m karoti.|| ||

Ime kho bhikkhave, satta dhammaa upaasakassa paraabhavaa sa'nvattanti.|| ||

 


 

Satt'imi bhikkhave, dhammaa upaasakassa sambhavaa sa'nvattanti.|| ||

Katame satta?|| ||

Bhikkhudassana.m na haapeti.|| ||

Saddhammasava.na.m na ppamajjati.|| ||

Adhisiile sikkhati.|| ||

Pasaadabahulo hoti bhikkhuusu theresu c'eva||
navesu ca||
majjhamesu ca.|| ||

Anupaarambhacitto dhamma.m su.naati na randhagavesii.|| ||

Na ito bahiddhaa dakkhi.neyya.m gavesati.|| ||

Idha ca pubbakaara.m karoti.|| ||

Ime kho bhikkhave, satta dhammaa upaasakassa sambhavaa sa'nvattantii ti.|| ||

Dassana.m bhaavitattaana.m yo haapeti upaasako,||
Sava.na.m ca ariyadhammaana.m adisile na sikkhati.|| ||

Appasaado ca bhikkhuusu bhiyyo bhiyyo pava.d.dhati,||
Upaarambhacitto ca saddhamma.m sotumicchati.|| ||

Ito ca bhahiddhaa a~n~na.m dakkhi.neyya.m gavesati,||
Tatth'eva ca pubbakaara.m yo karoti upaasako,|| ||

Ete kho parihaaniiye satta dhamme sudesite,||
Upaasako sevamaano saddhammaa parihaayati.|| ||

Dassana.m bhaavitattaana.m yo na haapeti upaasako,||
Sava.na.m ca ariyadhammaana.m adhisiile ca sikkhati.|| ||

Pasaado c'assa bhikkhuusu bhiyyo bhiyyo pava.d.dhati,||
Anupaarambhacitto ca saddhamma.m sotumicchati.|| ||

Na ito bahiddhaa a~n~na.m dakkhi.neyya.m gavesati,||
Idh'eva ca pubbakaara.m yo karoti upaasako.|| ||

Ete ko aparihaaniiye satta dhamme sudesite,||
Upaasako sevamaano saddhammaa na parihaayatii ti.|| ||

 


[ed1] It is possible that the missing 3rd sutta here is indicated by the discrepancy in versions pointed out by Hardy where in S. the second sutta begins with 'asambhavaa' rather than the text's paraabhavaa. The alternative may have been 'sambhava' and 'asambhava': rebirth and no rebirth.


Contact:
E-mail
Copyright Statement