Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 31

Appamaadagaarava Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][ati][pts] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Atha kho a~n~nataraa devataa abhikkantaaya rattiyaa abhikkantava.n.naa kevalakappa.m Jetavana.m obhaasetvaa yena Bhagavaa ten'upasa'nkamii.|| ||

Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

Eka-m-anta.m .thitaa kho saa devataa Bhagavanta.m etad avoca:|| ||

Satt'ime bhante, dhammaa bhikkhuno aparihaanaaya sa.mvattanti.|| ||

Katame satta?|| ||

Satthugaaravataa,||
dhammagaaravataa,||
sa'nghaaraaravataa,||
sikkhaagaaravataa,||
samaadigaaravataa,||
appamaadagaaravataa,||
pa.tisatthaaragaaravataa.|| ||

Ime kho bhante, satta dhammaa bhikkhuno aparihaanaaya sa.mvattantii, tii|| ||

Idam avoca saa devataa,||
Samanu~n~no Satthaa avosi.|| ||

Atha kho saa devataa||
'samanu~n~no me Satthaa'ti.|| ||

Bhagavanta.m abhivaadetvaa padakkhi.na.m katvaa tatth'ev'antaradhaayii.|| ||

2. Atha kho Bhagavaa tassaa rattiyaa accayena bhikkhuu aamantesi:|| ||

Ima.m bhikkhave, ratti.m a~n~nataraa devataa abhikkantaaya ratatiyaa abhikkantava.n.naa kelakappa.m Jetavana.m obhaasetvaa yenaaha.m ten'upasa'nkami.|| ||

Upasa'nkamitvaa ma.m abhivaadetvaa eka-m-anta.m a.t.thaasi.|| ||

Eka-m-anta.m .thitaa kho bhikkhave saa devataa ma.m etad avoca:|| ||

'Satt'ime bhante, dhammaa bhikkhuno aparihaanaaya sa.mvattanti.|| ||

Katame satta?|| ||

Satthugaaravataa,||
dhammagaaravataa,||
sa'nghaaraaravataa,||
sikkhaagaaravataa,||
samaadigaaravataa,||
appamaadagaaravataa,||
pa.tisatthaaragaaravataa.|| ||

Ime kho bhante, satta dhammaa bhikkhuno aparihaanaaya sa.mvattantii, tii.|| ||

Idam avoca bhikkhave saa devataa.|| ||

Ida.m vatvaa ma.m abhivaadetvaa padakkhi.na.m katvaa tatth'ev'antaradhaayi, tii.

Satthugaru dhammagaru sa'nghe ca tibbagaaravo,||
Samaadhigaru aataapi sikkhaaya tibbagaaravo.||
Appamaadagaru bhikkhuu pa.tisatthaaragaaravo,||
Abhabbo parihaanaaya nibbaanass'eva santike, ti.|| ||


Contact:
E-mail
Copyright Statement