Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 32

Hirigaarava Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Ima.m bhikkhave, ratti.m a~n~nataraa devataa abhikkantaaya rattiyaa abhikkantava.nnaa kevalakappa.m Jetavana.m obhaasetvaa yenaaha.m ten'upasa'nkami.|| ||

Upasa'nkamitvaa ma.m abhivaadetvaa eka-m-anta.m a.t.thaasi.|| ||

Eka-m-anta.m .thitaa ko bikkhave,||
saa devataa ma.m etad avoca:|| ||

Satt'imi bhante, dhammaa bhikkhuno aparihaanaaya sa.mvattantii.|| ||

Katame satta?|| ||

Satthugaaravataa,||
dhammagaaravataa,||
sa'nghagaaravataa,||
sikkhaagaaravataa,||
samaadhigaaravataa,||
hirigaaravataa,||
ottappagaaravataa.|| ||

Ime kho bhante, satta dhammaa bhikkhuno aparihaanaaya sa.mvattanti, ti.|| ||

Idam avoca bikkhave, saa devataa.|| ||

Ida.m vatvaa ma.m abhivaadetvaa padakkhi.na.m katvaa tatth'ev'antaradhaayii, ti.

Satthugaru dhammagaru sa'nghe ca tibbagaaravo,||
Samaadhigaru aataapi sikkhaaya tibbagaaravo.||
Hirottappasampanno sappatisso sagaaravo,||
Abhabbo parihaanaaya nibbaanasseva santike" ti.|| ||


Contact:
E-mail
Copyright Statement