Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 34

U-N-A-B-B-R-E-V-I-A-T-E-D

Dutiya Sovacassataa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Ima.m bhikkhave,||
ratti.m a~n~nataraa devataa abhikkantaaya rattiyaa abhikkantava.nnaa kevalakappa.m Jetavana.m obhaasetvaa yenaaha.m ten'upasa'nkami.|| ||

Upasa'nkamitvaa ma.m abhivaadetvaa eka-m-anta.m a.t.thaasi.|| ||

Eka-m-anta.m .thitaa ko bikkhave,||
saa devataa ma.m etad avoca:|| ||

Satt'ime bhante,||
dhammaa bhikkhuno aparihaanaaya sa.mvattanti.|| ||

Katame satta?|| ||

Satthugaaravataa,||
dhammagaaravataa,||
sa'nghagaaravataa,||
sikkhaagaaravataa,||
samaadhigaaravataa,||
sovacassataa,||
kalyaa.namittataa.|| ||

Ime kho bante,||
satta dhammaa bhikkhuno aparihaanaaya sa.mvattantii ti.|| ||

Idam avoca bhikkave, saa devataa.|| ||

Ida.m vatvaa ma.m abhivaadetvaa padakkhi.na.m katvaa tatth'ev'antaradhaayii ti.|| ||

2. Eva.m vutte aayasmaa Saariputto Bhagavanta.m etad avoca:|| ||

3. Imassa kho aha.m bhante,||
Bhagavataa sa'nkhittena bhaasitassa eva.m vitthaarena attha.m aajaanaami:|| ||

Idha bhante, bhikkhu||
attanaa ca satthugaaravo hoti||
satthugaaravataaya ca va.n~naavaadii;||
ye c'a~n~ne bhikkhuu na satthugaaravaa,||
te ca satthugaaravataaya samaadapeti;||
ye c'a~n~ne bhikkhuu satthugaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca dhammagaaravo hoti||
dhammagaaravataaya ca va.n~naavaadii;||
ye c'a~n~ne bhikkhuu na dhammagaaravaa,||
te ca dhammagaaravataaya samaadapeti;||
ye c'a~n~ne bhikkhuu dhammmagaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca sa'nghagaaravo hoti||
sa'nghagaaravataaya ca va.n~naavaadii;||
ye c'a~n~ne bhikkhuu na sa'nghagaaravaa,||
te ca sa'nghagaaravataaya samaadapeti;||
ye c'a~n~ne bhikkhuu sa'nghagaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca sikkhaagaaravo hoti||
sikkhaagaaravataaya ca va.n~naavaadii;||
ye c'a~n~ne bhikkhuu na sikkhaagaaravaa,||
te ca sikkhaagaaravataaya samaadapeti;||
ye c'a~n~ne bhikkhuu sikkhaagaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca samaadhigaaravo hoti||
samaadhigaaravataaya ca va.n~naavaadii;||
ye c'a~n~ne bhikkhuu na samaadhigaaravaa,||
te ca samaadhigaaravataaya samaadapeti;||
ye c'a~n~ne bhikkhuu samaadhigaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca suvaco hoti||
suvacataaya ca va.n~naavaadii;||
ye c'a~n~ne bhikkhuu na suvacaa,||
te ca suvacataaya samaadapeti;||
ye c'a~n~ne bhikkhuu suvacaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca suvaco hoti||
suvacataaya ca va.n~naavaadii;||
ye c'a~n~ne bhikkhuu na suvacaa,||
te ca suvacataaya samaadapeti;||
ye c'a~n~ne bhikkhuu suvacaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca kalyaa.namitto hoti||
kalyaa.namittataaya ca va.n~naavaadii;||
ye c'a~n~ne bhikkhuu na kalyaa.namittaa,||
te ca kalyaa.namittaaya samaadapeti;||
ye c'a~n~ne bhikkhuu kalyaa.namittaa||
tesa.m ca va.n.na.m bha.nati bhuuta.m taccha.m kaalena, ti.|| ||

Imassa kho aha.m bhante,||
Bhagavataa sa'nkhittena bhaasitassa eva.m vitthaarena attha.m aajaanaami=ii ti.|| ||

5. Saadhu saadhu Saariputta,||
saadhu kho tva.m Saariputta,||
imassa mayaa sa'nkhittena bhaasitassa eva.m vitthaarena attha.m ajaanaasi.|| ||

Idha Saariputta, bhikkhu||
attanaa ca satthugaaravo hoti||
satthugaaravataaya ca va.n~naavaadii;||
ye c'a~n~ne bhikkhuu na satthugaaravaa,||
te ca satthugaaravataaya samaadapeti;||
ye c'a~n~ne bhikkhuu satthugaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca dhammagaaravo hoti||
dhammagaaravataaya ca va.n~naavaadii;||
ye c'a~n~ne bhikkhuu na dhammagaaravaa,||
te ca dhammagaaravataaya samaadapeti;||
ye c'a~n~ne bhikkhuu dhammmagaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca sa'nghagaaravo hoti||
sa'nghagaaravataaya ca va.n~naavaadii;||
ye c'a~n~ne bhikkhuu na sa'nghagaaravaa,||
te ca sa'nghagaaravataaya samaadapeti;||
ye c'a~n~ne bhikkhuu sa'nghagaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca sikkhaagaaravo hoti||
sikkhaagaaravataaya ca va.n~naavaadii;||
ye c'a~n~ne bhikkhuu na sikkhaagaaravaa,||
te ca sikkhaagaaravataaya samaadapeti;||
ye c'a~n~ne bhikkhuu sikkhaagaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca samaadhigaaravo hoti||
samaadhigaaravataaya ca va.n~naavaadii;||
ye c'a~n~ne bhikkhuu na samaadhigaaravaa,||
te ca samaadhigaaravataaya samaadapeti;||
ye c'a~n~ne bhikkhuu samaadhigaaravaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca suvaco hoti||
suvacataaya ca va.n~naavaadii;||
ye c'a~n~ne bhikkhuu na suvacaa,||
te ca suvacataaya samaadapeti;||
ye c'a~n~ne bhikkhuu suvacaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca suvaco hoti||
suvacataaya ca va.n~naavaadii;||
ye c'a~n~ne bhikkhuu na suvacaa,||
te ca suvacataaya samaadapeti;||
ye c'a~n~ne bhikkhuu suvacaa||
tesa.m ca va.n.na.m bha.nati bhuuta.m taccha.m kaalena.|| ||

Attanaa ca kalyaa.namitto hoti||
kalyaa.namittataaya ca va.n~naavaadii;||
ye c'a~n~ne bhikkhuu na kalyaa.namittaa,||
te ca kalyaa.namittaaya samaadapeti;||
ye c'a~n~ne bhikkhuu kalyaa.namittaa||
tesa.m ca va.n.na.m bha.nati bhuuta.m taccha.m kaalena, ti.|| ||

Imassa kho Saariputta,||
mayaa sa'nkhittena bhaasitassa eva.m vitthaarena attho da.t.thabbo' ti.|| ||


Contact:
E-mail
Copyright Statement