Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 47

Methuna Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][bd] EVA.M ME SUTA.M.||
Eka.m samaya.m Bhagavaa Saavatthiya.m viharati.|| ||

Atha kho Jaanusso.nii braahma.no yena ten'upasa'nkami.|| ||

Upasa'nkamitvaa Bhagavataa saddhi.m sammodi,||
sammodaniiya.m katha.m saaraa.niiya.m viitisaaretvaa eka-m-anta.m nisidi.|| ||

Eka-m-anta.m nisinno kho Jaanusso.ni braahma.no Bhagavanta.m etad avoca:|| ||

'Bhavam pi no Gotamo brahmacaarii pa.tijaanaatii' ti?|| ||

'Ya.m hi ta.m braahma.na,
sammaa vadamaano vadeyya:||
"Akha.n.da.m acchidda.m asabala.m akammaasa.m||
paripu.n.na.m||
parisuddha.m||
brahmacariya.m caratii" ti;
mam'eva ta.m braahma.na,
sammaa vadamaano vadeyya,
aha.m hi braahma.na,
akha.n.da.m acchidda.m asabala.m akammaasa.m||
paripu.n.na.m||
parisuddha.m||
brahmacariya.m caraamii' ti.|| ||

'Kim pana bho Gotama,||
brahmacariyassa kha.n.dam pi chiddam pi sabalam pi kammaasam pii' ti?|| ||

2. Idha braahma.na,||
ekacco sama.no vaa braahma.no vaa sammaa brahmacaarii pa.tijaanamaano na h'eva kho maatugaamena saddi.m dvayandvayasamaapatti.m samaapajjati,||
api ca kho maatugaamassa ucchaadanaparimaddananahaapanasambaahana.m saadiyati.|| ||

So ta.m assaadeti,||
ta.m nikaameti||
tena ca vitti.m aapajjati.|| ||

Idam pi kho braahma.na,||
brahmacariyayassa kha.n.dam pi chiddam pi sabalam pi kammaasam pi.|| ||

Aya.m vuccati braahma.na,||
aparisuddha.m brahmacariya.m carati sa.myutto methunena sa.myogena,||
na parimuccati jaatiyaa jaraamara.nena sokehi paridevehi dukkhehi domanassehi upaayaasehi,||
na parimuccati dukkhasmaati vadaami.|| ||

3. Puna ca para.m braahma.na,||
idh'ekacco sama.no vaa braahma.no vaa sammaa brahmacaarii pa.tijaanamaano na h'eva kho maatugaamena saddhi.m dvayandvayasamaapatti.m samaapajjati,||
na pi maatugaamassa ucchaadanaparimaddananahaapanasambaahana.m saadiyati,||
api ca kho maatugaamena saddhi.m sa~njagghati sankii'ati sanke'aayati.|| ||

4. Puna ca para.m braahma.na,||
idh'ekacco sama.no vaa braahma.no vaa sammaa brahmacaarii pa.tijaanamaano na h'eva kho maatugaamena saddhi.m dvayandvayasamaapatti.m samaapajjati,||
na pi maatugaamassa ucchaadanaparimaddananahaapanasambaahana.m saadiyati||
na pi maatugaamena saddhi.m sa~njagghati sankii'ati sanke'aayati||
api ca kho maatugaamassa cakkhunaa cakkhu.m upanijjhaayati pekkhati.|| ||

5. Puna ca para.m braahma.na,||
idh'ekacco sama.no vaa braahma.no vaa sammaa brahmacaarii pa.tijaanamaano na h'eva kho maatugaamena saddhi.m dvayandvayasamaapatti.m samaapajjati,||
na pi maatugaamassa ucchaadanaparimaddananahaapanasambaahana.m saadiyati,||
na pi maatugaamena saddhi.m sa~njagghati sankii'ati sanke'aayati,||
na pi maatugaamassa cakkhunaa cakkhuu.m upanijjhaayatipekkhati||
api ca kho maatugaamassa sadda.m su.naati,||
tiroku.d.da.m vaa tiropaakaara.m vaa hasantiyaa vaa bha.nantiyaa vaa gaayantiiyaa vaa rodantiyaa vaa.|| ||

6. Puna ca para.m braah.na,||
idh'ekacco sama.no vaa braahma.no vaa sammaa brahmacaarii pa.tijaanamaano na h'eva kho maatugaamena saddi.m dvayandvayasamaapatti.m samaapajjati,||
na pi maatugaamassa ucchaadanaparimaddananahaapanasambaahana.m saadiyati,||
na pi maatugaamena saddhi.m sa~njagghati sankii'ati sanke'aayati,||
na pi maatugaamassa cakkhunaa cakkhuu.m upanijjhaayatipekkhati,||
na pi maatugaamassa sadda.m su.naati,||
tiroku.d.da.m vaa tiropaakaara.m vaa hasantiyaa vaa bha.nantiiyaa vaa gaayantiyaa vaa rodantiyaa vaa||
api ca kho yaani'ssa taani pubbe maatugaamena saddhi.m hasitalapitakii'itaanitaani anussarati.|| ||

7. Puna ca para.m braahma.na,||
idh'ekacco sama.no vaa braahma.no vaa sammaa brahmacaarii pa.tijaanamaano na h'eva kho maatugaamena saddhi.m dvayandvayasamaapatti.m samaapajjati,||
na pi maatugaamassa ucchaadanaparimaddananahaapana sambaahana.m saadiyati,||
na pi maatugaamena saddhi.m sa~njagghati sankii'ati sanke'aayati,||
na pi maatugaamassa cakkhunaa cakkhu.m upanijjhaayati pekkhati,||
na pi maatugaamassa saddha.m su.naati,||
tiroku.d.da.m vaa tiropaakaara.m vaa hasantiyaa vaa bha.nantiyaa vaa gaayantiyaa vaa rodantiyaa vaa,||
na pi yaanissa taani pubbe maatugaa mena saddhi.m hasitalapitaki'itaani taani anussarati||
api ca kho passati gahapati.m vaa gahapatiputta.m vaa pa~ncahi kaamagu.nehi samappita.m sama'ngibhuuta.m parivaariyamaana.m.|| ||

8. Puna ca para.m braahma.na,||
idh'ekacco sama.no vaa braahma.no vaa sammaa brahmacaarii pa.tijaanamaano na h'eva kho maatugaamena saddhi.m dvayandvayasamaapatti.m samaapajjati,||
na pi maatugaamassa ucchaadanaparimaddananahaapana sambaahana.m saadiyati,||
na pi maatugaamena saddhi.m sa~njagghati sankii'ati sanke'aayati,||
na pi maatugaamassa cakkhunaa cakkhu.m upanijjhaayati pekkhati,||
na pi maatugaamassa saddha.m su.naati,||
tiroku.d.da.m vaa tiropaakaara.m vaa hasantiyaa vaa bha.nantiyaa vaa gaayantiyaa vaa rodantiyaa vaa,||
na pi yaanissa taani pubbe maatugaa mena saddhi.m hasitalapitaki'itaani taani anussarati,||
na pi passati pahapati,||
vaagahapatiputta.m vaa pa~ncahi kaama-gu.nehi samappita.m sama'ngibhuuta.m parivaariyamaana.m||
api ca kho a~n~natara.m devanikaaya.m pa.nidhaaya brahmacariya.m carati 'iminaaha.m siilena vaa vatena vaa tapena vaa brahmacariyena vaa devo vaa bhavissaami deva~n~nataro vaa' ti.|| ||

So ta.m assaadeti,||
ta.m nikaameti,||
tena ca vitti.m aapajjati.|| ||

Idam pi kho braahma.na,||
brahmacariyassa kha.n.dam pi chiddam pi sabalam pi kammaasam pi.|| ||

Aya.m vuccati braahma.naa,||
aparisuddha.m brahmacariya.m carati,||
sa.myutto methunena sa.myogena na parimuccati,||
jaatiyaa jaraayamara.nena sokehi paridevehi dukkhehi domanassehi upaayaasehi.|| ||

Na parimuccati dukkhasmaa ti vadaami.|| ||

Yaavakiiva~n caaha.m braahma.na||
imesa.m sattanna.m methunasa.myogaana.m a~n~natara~n~natara.m methunasa.myoga.m attani appahiina.m samanupassi.m,||
n'eva taavaaha.m braahma.na,||
sadevake loke samaarake sabrahmake,||
sassama.nabraahma.niyaa pajaayaa sadevamanussaaya anuttara.m sammaasambodhi.m abhisambuddho pacca~n~naasi.m.|| ||

Yato ca kho aha.m braahma.na,||
imesa.m sattanna.m methunasa.myogaana.m na a~n~natara~n~natara.m methunasa.myoga.m attani appahiina.m samanupassi.m,||
athaaha.m braahma.na,||
sadevake loke samaarake sabrahmake,||
sassama.nabraahma.niyaa pajaaya sadevamanussaaya anuttara.m sammaasambodi.m abhisambuddho pacca~n~naasi.m.|| ||

~Naa.na~n ca pana me dassana.m udapaadi:|| ||

'Akuppaa me ceto-vimutti,||
ayam antimaa jaati,||
n'atthi daani punabbhevo' ti.|| ||

Eva.m vutte Jaanusso.nii braahma.no Bhagavanta.m etad avoca:|| ||

'Abhikkanta.m bho Gotama||
abhikkanta.m bho Gotama,||
seyyathaa pi bho Gotama nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya andhakaare vaa telapajjota.m dhaareyya,||
"cakkhuumanto ruupaani dakkhinti" ti,||
evam eva hotaa Gotamena aneka-pariyaayena dhammo pakaasito.|| ||

Upaasaka.m ma.m bhava.m Gotamo dhaaretu ajja-t-agge paa.nupeta.m sara.na.m gatan' ti.|| ||

 


Contact:
E-mail
Copyright Statement