Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 48

Sa.myogavisa.myoga Dhammapariyaaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati][upal] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Sa.myogavisa.myoga.m vo bhikkhave,||
dhamma-pariyaaya.m desissaami.|| ||

Ta.m sunaatha saadhuka.m manasikarotha bhaasissaamiti.|| ||

Eva.m bhante' ti kho te bhikkhuu Bhagavato paccassosu.m.|| ||

Bhagavaa etad avoca:|| ||

Katamo ca so bhikkhave sa.myogavisa.myogo dhamma-pariyaayo?|| ||

Itthi bhikkhave ajjhatta.m itthindriya.m manasikaroti itthikutta.m itthaakappa.m itthividha.m itthicchanda.m itthi'ssara.m itthaala'nkaara.m saa tattha rajjati, tatraabhiramati.|| ||

Saa tattha rattaa tatraabhirataa bahiddhaa purisindriya.m manasikaroti purisakutta.m purisaakappa.m purisavidha.m purisacchanda.m purisassara.m purisaala'nkaara.m.|| ||

Saa tattha rajjati tatraabhiramati.|| ||

Saa tattha rattaa tatraabhirataa bahiddhaa sa yoga.m aaka'nkhati.|| ||

Ya~n c'assaa sa.myogapaccayaa uppajjati sukha.m menassa, ta~n ca aaka'nkhati.|| ||

Itthatte bhikkhave, abhirataa sattaa purisesu sa.myoga.m gataa.|| ||

Eva.m kho bhikkhave, itthi itthatta.m naativattati.|| ||

Puriso bhikkhave, ajjhatta.m purisindriya.m manasikaroti purisakutta.m purisaakappa.m purisavidha.m purisacchanda.m purisassara.m purisaala'nkaara.m.|| ||

So tattha rajjati tatraabhiramati.|| ||

So tattha ratto tatraabhirato bahiddhaa itthindriya.m manasikaroti ittikutta.m itthaakappa.m itthividha.m itthicchanda.m itthi'ssara.m itthaala'nkaara.m.|| ||

So tattha rajjati tatraabhiramati.|| ||

So tattha ratto tatraabhirato bahiddhaa sa.myoga.m aaka'nkhati.|| ||

Ya~n c'assa sa.myogapaccayaa uppajjati sukha.m somanassa.m, ta~n ca aaka'nkhati.|| ||

Purisatte bhikkhave, abhirataa sattaa itthisu sa.myoga.m gataa.|| ||

Eva.m kho bhikkhave, purise purisatta.m naativattati.|| ||

Eva.m kho bhikkhave, sa.myogo hoti.|| ||

Katha~n ca bhikkhave, visa.myogo hoti?|| ||

Itti bhikkhave, ajhatta.m itthindriya.m na manasikaroti ittikutta.m itthaakappa.m itthividha.m itthicchanda.m itthi'ssara.m itthaala'nkaara.m.|| ||

Saa tattha na rajjati.|| ||

Tattha naabhiramati.|| ||

Saa tattha arattaa tatra anabhirataa bahiddhaa purisindriya.m na manasikaroti purisakutta.m purisaakappa.m purisavidha.m purisacchanda.m purisassara.m purisaala'nkaara.m.|| ||

Saa tattha na rajjati, tattha naabhiramati.|| ||

Saa tattha arattaa tatra anabhirataa bahiddhaa sa.myoga.m naaka'nkhati.|| ||

Ya.m vassaa sa.myogapaccayaauppajjati sukha.m somanassa.m, ta~n ca naaka'nkhati.|| ||

Itthatte kho bhikkhave, anabhirataa sattaa purisesu visa.myoga.m gataa.|| ||

Eva.m kho bhikkhave, itthi itthatta.m ativattati.|| ||

Puriso bhikkhave, ajjhatta.m purisindriya.m na manasikaroti purisakutta.m purisaakappa.m purisavidha.m purisacchanda.m purisassara.m purisaala'nkaara.m.|| ||

So tattha na rajjati tatraabhiramati.|| ||

So tattha ratto tatraa anabhirato bahiddhaa itthindriya.m namanasikaroti ittikutta.m itthaakappa.m itthividha.m itthicchanda.m itthi'ssara.m itthaala'nkaara.m.|| ||

So tattha na rajjati, tatraabhiramati.|| ||

So tattha aratto tatraabhirato bahiddhaa sa.myoga.m aaka'nkhati.|| ||

Ya~n c'assa sa.myogapaccayaa uppajjati sukha.m somanassa.m, ta~n ca naaka'nkhati.|| ||

Purisatte bhikkhave, anabhirataa sattaa itthisu visa.myoga.m gataa.|| ||

Eva.m kho bhikkhave, purise purisatta.m ativattati.|| ||

Eva.m kho bhikkhave, visa.myogo hoti.|| ||

Aya.m kho bhikkhave, sa.myoga visa.myogo dhamma-pariyaayo ti.|| ||

 


Contact:
E-mail
Copyright Statement