Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Avyaakata Vaggo

Sutta 50

Nandamaatu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][upal] EVA.M ME SUTA.M.|| ||

Eka.m samaya.m aayasmaa ca Saariputto aayasmaa ca Mahaamoggallaano Dakkhi.naagirismi.m caarika.m caranti mahataa bhikkhu sa'nghena saddhi.m.|| ||

Tena kho pana samayena Ve.luka.n.takii Nandamaataa upaasikaa rattiyaa paccuusa-samaya.m paccuu.t.thaaya paaraaya.na.m sarena bhaasati.|| ||

Tena kho pana samayena Vessava.no Mahaaraajaa uttaraaya disaaya dakkhi.na.m disa.m gacchati kenaci-d'eva kara.niiyena.|| ||

Assosi kho Vessava.no Mahaaraajaa Nandamaataaya upaasikaaya paaraaya.na.m sarena bhaasantiyaa.|| ||

Sutvaa kathaapariyosaana.m aagamayamaano a.t.thaasi.|| ||

Atha kho Nandamaataa upaasikaa paaraaya.na.m sarena bhaasitvaa tu.nhii ahosi.|| ||

Atha kho Vessava.no Mahaaraajaa Nandamaataaya upaasikaaya kathaapariyosaana.m viditvaa abbhanumodii:|| ||

'Saadhu bhagini, saadhu bhaginii' ti.|| ||

'Ko panesa bhadramukhaa' ti?|| ||

'Aha.m te bhaginii bhaataa Vessava.no Mahaaraajaa' ti.|| ||

'Saadhu bhadramukha,||
tena hiiyo me aya.m dammapariyaayo bha.nito,||
idan te hotu aatitheyyan' ti.|| ||

'Saadhu bhaginii, eta.m c'eva me [64] hotu aatitheyya.m:
sve ca Saariputta-Moggallaanapamukho bhikkhusa'ngho akatapaataraaso Ve.luka.n.taka.m aagamissati.|| ||

Ta~n ca bhikkhusa'nga.m parivisitvaa mama.m dakkhi.na.m aadiseyyaasi,||
eta~n ca me bhavissati aatitheyyan' ti.|| ||

2. Atha ko Nandamaataa upaasikaa tassaa rattiyaa accayena sake nivesane pa.niita.m khaadaniiya.m bhojaniiya.m pa.tiyaadaapesi.|| ||

Atha kho Saariputta-Moggallaanapamukho bhikkhusa'ngho akatapaataraaso yena Ve.luka.n.tako tad avasarii.|| ||

Atha kho Nandamaataa upaasikaa a~n~natara.m purisa.m aamantesi:|| ||

'Ehi tva.m ambho purisa,||
aaraama.m gantvaa bhikkhuusa'nghassa kaala.m aarocehi:|| ||

"Kaalo bhante, ayyaaya Nandamaatuyaa nivesane ni.t.thita.m bhattan"' ti.|| ||

'Eva.m ayye', ti kho so puriso Nandamaataaya upaasikaaya pa.tissutvaa aaraama.m gantvaa bhikkhuusa'nghassa kaala.m aarovesi:|| ||

'Kaalo bhante, ayyaaya Nandamaatuyaa nivesane ni.t.thita.m bhattan' ti.|| ||

Atha kho Saariputata-Moggallaanapamukho bhikkhusa'ngho pubba.nhasamaya.m nivaasetvaa pattaciivara.m aadaaya yena Nandamaatuyaa upaasikaaya nivesana.m ten'upasa'nkami.|| ||

Upasa'nkamitvaa pa~n~natte aasane nisiidi.|| ||

Atha kho Nandamaataa upaasikaa Saariputta-Moggallaanapamukha.m bhikkhu-sa'ngha.m pa.niitena khaadaniiyena bhojaniiyena sahatvaa santappesi sampavaaresi.|| ||

Atha kho Nandamaataa upaasikaa aayasmanta.m Saariputta.m bhuttaavi.m oniitapattapaa.nii.m eka-m-anta.m nisiidi.

Eka-m-anta.m nisinna.m kho Nandamaatara.m upaasika.m aayasmaa Saariputto etad avoca:|| ||

'Ko pana te Nandamaate, bhikkhusa'nghassa abbhaagamana.m aarocesii ti?|| ||

'Idhaaha.m bhante, rattiyaa paccuusasamaya.m paccu.t.thaaya paaraaya.na.m sarena bhaasitvaa tu.nhii ahosi.m.|| ||

Atha kho bhante, Vessava.no [65] Mahaaraajaa mama kathaapariyosaana.m viditvaa abbhanumodi:|| ||

"Saadhu bhaginii, saadhu bhaginii", ti.|| ||

"Ko pan'eso bhadramukhaa" ti?|| ||

"Aha.m te bhagini, bhaataa Vessava.no Mahaaraajaa" ti.|| ||

"Saadhu bhadramukha, tena hiiyo me aya.m dhammapariyaayo bha.nito,||
ida.m te hotu aatitheyyan" ti.|| ||

"Saadhu bhagini, eta~n c'eva me hotu aatitheyya.m:||
sve ca Saariputta-Moggallaanapamukho bhikkhusa'ngho akatapaataraaso Ve.luka.n.taka.m aagamissati.|| ||

Ta~n ca bhikkhuusa'ngha.m parivisitvaa mama.m dakkhi.na.m aadiseyyaasi.|| ||

Eta~n ca me bhavissati aatitheyyan" ti.|| ||

Yad ida.m bhante, daane pu~n~na.m hi ta.m Vessava.nassa mahaaraajassa sukhaaya hotuu' ti.|| ||

3. 'Acchariya.m Nandamaate, abbhuuta.m Nandamaate,||
yatra hi naama Vessava.nena mahaaraajena eva.m mahiddhikena eva.m mahesakkhena devaputtena sammukhaa sallapissatii' ti.|| ||

'Na kho me bhante, es'eva acchariyo abbhuuto dhammo.|| ||

Atthi me a~n~no pi acchariyo abbhuto dhammo:

Idha me bhante Nando naama eko puttako piyo manaapo.|| ||

Ta.m raajaano kismi~nci-d'eva kara.ne okkassa pasayha jivitaa voropesu.m.|| ||

Tasmi.m kho panaaha.m bhante, daarake gahite vaa gayhamaane vaa vadhe vaa vajjhamaane vaa hate vaa ha~n~namaane vaa naabhijaanaami cittassa a~n~nathattan' ti.|| ||

4. 'Acchariya.m Nandamaate, abbhuuta.m Nandamaate,||
yatra hi naama cittuppaadam pi parisodhessasii' ti.|| ||

'Na kho me [66] bhante, es'eva acchariyo abbhuto dhammo.|| ||

Atti me a~n~no pi acchariyo abbhuto dhammo:|| ||

Idha me bhante, saamiko kaalakato a~n~natara.m yakkhayoni.m upapanno.|| ||

So me ten'eva purimena attabhaavena uddasseti.|| ||

Na kho panaaha.m bhante, abhijaanaami tato nidaana.m cittassa a~n~nathattan' ti.|| ||

5. 'Acchariya.m Nandamaate, abbhuuta.m Nandamaate,||
yatra hi naama cittuppaadam pi parisodhessatii' ti.|| ||

'Na kho me bhante, es'eva acchariyo abbhuto dhammo.|| ||

Atti me a~n~no pi acchariyo abbhuto dhammo:|| ||

Yato'ha.m bhante, saamikassa daharass'eva daharaa aaniitaa,||
naabhijaanaami saamika.m manasaa pi aticarittaa,||
kuto pana kaayenaa' ti.|| ||

6. 'Acchariya.m Nandamaate, abbhuta.m Nandamaate,||
yatra hi naama cittuppaadamattam pi parisodhessatii' ti.|| ||

'Na kho me bhante, es'eva acchariyo abbhuto dhammo.|| ||

Atthi me a~n~no pi acchariyo abbhuto dhammo:|| ||

Yadaaha.m bhante, upaasikaa pa.tidesitaa,||
naabhijaanaami ki~nci sikkhaapada.m sa~ncicca viitikkamitaa' ti.|| ||

7. 'Acchariya.m Nandamaate, abbhuta.m Nandamaate' ti.|| ||

Na kho me bhante, es'eva acchariyo abbhuto dhammo.|| ||

Atti me a~n~no pi acchariyo abbhuto dhammo:|| ||

Idhaaha.m bhante, yaava-d'eva aaka'nkhaami||
vivicc'eva kaamehi||
vivicca akusalehi dhammehi
savitakka.m savicaara.m
vicekaja.m piiti-sukha.m
pa.thama.m-jhaana.m upasampajja viharaami.|| ||

Vitakkavicaaraana.m vuupasamaa||
ajjhatta.m sampasaadana.m||
cetaso ekodibhaava.m||
avitakka.m avicaara.m||
samaadhija.m piiti-sukha.m||
dutiya.m-jhaana.m upasampajja viharaami.|| ||

Piitiyaa ca viraagaa||
upekkhakaa ca viharaami,||
sataa ca sampajaanaa sukha~n ca [67] kaayena pa.tisa.mvedemi.|| ||

Ya.m ta.m ariyaa aacikkhantii
'upekkhako satimaa sukhavihaari' ti||
tatiya.m jhana.m upasampajja viharaami.|| ||

Sukhassa ca pahaanaa||
dukkhassa ca pahaanaa||
pubb'eva somanassa domanassaana.m attha-gamaa||
adukkha.m-asukha.m||
upekkhaa-sati-paarisuddhi.m||
catuttha.m-jhaana.m upasampajja viharaami' ti.|| ||

8. 'Acchariya.m Nandamaane abbhuta.m Nandamaate' ti.|| ||

'Na kho me bhante es'eva acchariyo abbhuto dhammo.|| ||

Atti me a~n~no pi acchariyo abbhuto dhammo:|| ||

Yaaniimaani bhante, Bhagavataa desitaani pa~ncorambhaagiyaani sa~n~nojanaani,||
naaha.m tesa.m ki~nci attani appahiina.m samanupassaami' ti.|| ||

'Acchariya.m Nandamaate, abbhutaa Nandamaate' ti.|| ||

Atha kho aayasmaa Saariputto Nandamaatara.m upaasika.m dhammiyaa kathaaya sa nadassetvaa samaadapetvaa samuttejetvaa sampaha.msetvaa u.t.thaay aasanaa pakkaami ti.|| ||

 


Contact:
E-mail
Copyright Statement