Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Avyaakata Vaggo

Sutta 54

Siiha Senaapati Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.|| ||

Eka.m samaya.m Bhagavaa Vesaaliya.m viharati Mahaavane Kuu.taagaarasaalaaya.m.|| ||

Atha kho Siiho senaapati yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisidi.|| ||

Eka-m-anta.m nisinno kho Siiho senaapati Bhagavanta.m etad avoca:|| ||

'Sakkaa nu kho bhante sandi.t.thika.m daanaphala.m pa~n~naapetun' ti?|| ||

2. Tenhi Siiha, ta.m yev'ettha pa.tipucchissaami.|| ||

Yathaa te khameyya tathaa na.m vyaakareyyaasi.|| ||

Ta.m ki.m ma~n~nasi Siiha?|| ||

Idh'assa dve purisaa,||
eko puriso assaddho maccharii kadariyo paribhaasako,||
eko puriso saddho daanapati anuppadaanarato.|| ||

Ta.m ki.m ma~n~nasi Siiha?|| ||

Ka.m nu kho arahanto pa.thama.m anukampantaa anukampeyyu.m:||
yo vaa so puriso assaddho maccharii kadariyo paribhaasako,||
yo vaa puriso saddho daanapati anuppadaanarato' ti?|| ||

'Yo so bhante, puriso assaddho maccharii kadariyo paribhaasako,||
kin ta.m arahanto pa.thama.m anukampantaa anukampessantii?|| ||

Yo ca kho so bhante, puriso saddho daanapati anuppadaanarato,||
ta.m yeva arahanto pa.thama.m anukampantaa anukampeyyu.m.|| ||

3. Ta.m ki.m ma~n~nasi Siiha?|| ||

Ka.m nu kho arahanto pa.thama.m upa sa'nkamantaa upasa'nkameyyu.m:||
yo vaa so puriso assaddho maccharii kadariyo paribhaasako,||
yo vaa puriso saddho daanapati anuppadaanarato' ti?|| ||

'Yo so bhante, puriso assaddho machcharii kadariyo paribhaasako,||
ki.m ta.m arahanto pa.thama.m upasa'nkamantaa upasa'nkamissanti?|| ||

Yo ca kho so bhante, puriso saddho daanapati anuppadaanarato,||
ta.m yeva arahanto pa.thama.m upasa'nkamantaa upasa'nkameyyu.m'.|| ||

4. Ta.m ki.m ma~n~nasi Siiha?|| ||

Kassa nu kho arahanto pa.thama.m patiga.nhantaa patiga.nheyyu.m:||
yo vaa so puriso assaddho maccharii kadariyo paribhaasako,||
yo vaa puriso saddho daanapati anuppadaanarato' ti?|| ||

'Yo so bhante, puriso assaddho machcharii kadariyo paribhaasako,||
ki.m tassa arahanto pa.thama.m upasa'nkamantaa upasa'nkamissanti?|| ||

Yo ca kho so bhante, puriso saddho daanapati anuppadaanarato,||
tass'eva arahanto pa.thama.m patiga.nhantaa patiga.nheyyu.m'.|| ||

5. Ta.m ki.m ma~n~nasi Siiha?|| ||

Kassa nu kho arahanto pa.thama.m dhamma.m desentaa deseyyum:||
yo vaa so puriso assaddho maccharii kadariyo paribhaasako,||
yo vaa puriso saddho daanapati anuppadaanarato' ti?|| ||

'Yo so bhante, puriso assaddho machcharii kadariyo paribhaasako,||
ki.m tassa arahanto pa.thama.m dhamma.m desentaa desissanti?|| ||

Yo ca kho so bhante, puriso saddho daanapati anuppadaanarato,||
tass'eva arahanto pa.thama.m dhamma.m desentaa deseyyum'.|| ||

6. Ta.m ki.m ma~n~nasi Siiha?|| ||

Kassa nu kho kalyaa.no kittisaddo abbhuggaccheyya:||
yo vaa so puriso assaddho machcharii kadariyo parihaasako,||
yo vaa puriso saddho daanapati anuppadaanarato' ti?|| ||

'Yo so bhante, puriso assaddho maccharii kadariyo paribhaasako,||
ki.m tassa kalyaa.no kittisaddo abbhuggacchissati?|| ||

Yo ca kho so bhante, puriso saddho daanapati anuppadaanarato,||
tass'eva kalyaa.no kittisaddo abbhuggaccheyya.'|| ||

7. Ta.m ki.m ma~n~nasi Siiha?|| ||

Ko nu kho ya~n ~nad eva parisa.m upasa'nkameyya,||
yadi khattiyaparisa.m||
yadi braahma.naparisa.m||
yadi gahapatiparisa.m||
yadi sama.naparisa.m,||
visaarado upasa'nkameyya ama'nkubhuto:||
yo vaa so puriso assaddho maccharii kadariyo paribhaasako,||
yo vaa puriso saddho daanapati anuppadaanarato' ti?|| ||

'Yo so bhante, puriso assaddho maccharii kadariyo paribhaasako,||
ki.m so ya~n ~nad eva parisa.m upasa'nkamissati,||
yadi khattiiyaparisa.m||
yadi braahma.naparisa.m||
yadi gahapatiparisa.m||
yadi sama.naparisa.m,||
visaarado upasa'nkamati ama'nkubhuuto?|| ||

Yo ca kho so bhante, puriso saddho daanapati anuppadaanarato,||
so ya~n ~nad eva parisa.m upasa'nkameyya||
yadi khattiyaparisa.m||
yadi braahma.naparisa.m||
yadi gahapatiparisa.m||
yadi sama.naparisa.m,||
visaarado upasa'nkameyya ama'nkubhuto'.|| ||

8. Ta.m ki.m ma~n~nasi Siiha?|| ||

Ko nu ko kaayassa bhedaa param mara.naa sugati.m sagga.m loka.m upapajjeyya:||
yo vaa so puriso assaddho maccharii kadariyo paribhaasako,||
yo vaa puriso saddho daanapati anuppadaanarato' ti?|| ||

'Yo so bhante puriso assaddho maccharii kadariyo paribhaasako,||
ki.m so kaayassa bhedaa param mara.naa sugati.m sagga.m loka.m upapajjissati?|| ||

Yo ca ko so bhante, puriso daanapati anuppadaanarato,||
so kaayassa bhedaa param mara.naa sugati.m sagga.m loka.m upapajjeyya.'|| ||

9. 'Yaanimaani bhante, Bhagavataa cha sandi.t.thikaani daanaphalaani akkhaataani,||
naaha.m ettha Bhagavato saddhaaya gacchaami -||
Aham p'etaani jaanaami.|| ||

Aha.m bhante, daayako daanapati.|| ||

Ma.m arahanto pa.thama.m anukampantaa anukampantii.|| ||

Aha.m bhante, daayako daanapati.|| ||

Ma.m arahanto pa.thama.m upasa'nkamantaa upasa'nkamanti.|| ||

Aha.m bhante, daayako daanapati.|| ||

Mayha.m arahanto pa.thama.m patiga.nhantaa patiga.nhanti.|| ||

Aha.m bhante, daayako daanapati.|| ||

Mayha.m arahanto pa.thama.m dhamma.m desentaa desentii.|| ||

Aha.m bhante, daayako daanapati.|| ||

Mayha.m kalyaa.no kitatisaddo abbhuggato:|| ||

"Siiho senaapati daayako kaarako sa'nghuupa.t.thaako," ti.|| ||

Aha.m bhante, daayako daanapati.|| ||

Ya~n ~nad eva parisa.m upasa'nkamaami,||
yadi khattiyaparisa.m,||
yadi braahma.naparisa.m,||
yadi gahapatiparisa.m||
yadi sama.naparisa.m,||
visaarado upasa'nkamaami ama'nkuubhuuto.|| ||

Yaaniimaani bhante, Bhagavataa cha sandi.t.thikaani daanaphalaani akkhaataani,||
naaha.m ettha Bhagavato saddhaaya gacchaami -||
aham petaani jaanaami.|| ||

Ya.m ca kho ma.m bhante, Bhagavaa evam aaha:|| ||

"Daayako Siiha, daanapati kaayassa bhedaa param mara.naa sugati.m sagga.m loka.m upapajjatii" ti|| ||

etaaha.m na jaanaami.|| ||

Ettha ca panaaha.m Bhagavato saddhaaya gacchaami' ti.|| ||

Evam eta.m Siiha,||
evam eta.m Siiha,||
daayako Siiha, daanapati kaayassa bhedaa param mara.naa sugati.m sagga.m loka.m upapajjatii ti.|| ||

 


Contact:
E-mail
Copyright Statement