Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Avyaakata Vaggo

Sutta 55

Arakkheyya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][olds] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Cattaarimaani bhikkhave, Tathaagatassa arakkheyyaani,||
tiihi ca anupavajjo.|| ||

Katamaani cattaari Tathaagatassa arakkheyyaani?|| ||

2.1. Parisuddha-kaaya-samaacaaro bhikkhave, Tathaagato.|| ||

N'atthi Tathaagatassa kaayaduccarita.m,||
ya.m Tathaagato rakkheyya||
"maa me ida.m paro a~n~naasii" ti.|| ||

2.2. Parisuddha-vacii-samaacaaro bhikkhave, Tathaagato.|| ||

N'atthi Tathaagatassa vaciiduccarita.m,||
ya.m Tathaagato rakkheyya||
"maa me ida.m paro a~n~naasii" ti.|| ||

2.3. Parisuddha-mano-samaacaaro bhikkhave, Tathaagato.|| ||

N'atthi Tathaagatassa manoduccarita.m,||
ya.m Tathaagato rakkheyya||
"maa me ida.m paro a~n~naasii" ti.|| ||

2.4. Parisuddhaa-jivo bhikkhave, Tathaagato.|| ||

Natti Tathaagatassa micchaajivo||
ya.m Tathaagato rakkheyya||
"maa me ida.m paro a~n~naasii" ti.|| ||

Imaani cattaari Tathaagatassa arakkheyyaanii.|| ||

Katamehi tiihi anupavajjo?|| ||

3.1. Svaakkhaatadhammo bhikkhave, Tathaagato.|| ||

Tatra vata ma.m sama.no vaa braahma.no vaa devo vaa Maaro vaa Brahmaa vaa koci vaa lokasmi.m sahadhammena pa.ticodessati:|| ||

"Iti pi te na svaakkhaatadhammo" ti.|| ||

Nimittam eta.m bhikkhave,||
na samanupassaami.|| ||

Etam p'aha.m bhikkhave, nimitta.m asamanupassanto khemappatto abhayappatto vesaarajjappatto viharaami.|| ||

3.2. Supa~n~nattaa kho pana me bhikkhave,||
saavakaana.m nibbaanagaami.nii pa.tipadaa,||
yathaa pa.tipannaa mama saavakaa aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharanti.|| ||

Tatra vata ma.m sama.no vaa braahma.no vaa devo vaa Maaro vaa Brahmaa vaa koci vaa lokasmi.m sahadhammana pa.ticodessati:|| ||

"Iti pi te na supa~n~nattaa saavakaana.m nibbaanagaami.nii pa.tipadaa,||
yathaa pa.tipannaa Tathaagata saavakaa aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharantii" ti.|| ||

Nimittam eta.m bhikkhave,||
na samanupassaami.|| ||

Etam p'aha.m bhikkhave, nimitta.m asamanupassanto khemappatto abhayappatto vesaarajjappatto viharaami.|| ||

3.3. Anekasataa kho pana me bhikkhave,||
saavakaparisaa aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharantii.|| ||

Tatra vata ma.m sama.no vaa braahma.no vaa devo vaa Maaro vaa Brahmaa vaa koci vaa lokasmi.m sahadhammena pa.ticodessati:|| ||

"Iti pi te na anekasataa saavakaparisaa aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharantii" ti.|| ||

Nimittame ta.m bhikkhave,||
na samanupassaami.|| ||

Etam p'aha.m bhikkhave, nimitta.m asamanupassanto khemappatto abhayappatto vesaarajjappatto viharaami.|| ||

Imehi tiihi anupavajjo.|| ||

Imaani kho bhikkhave, cattaari Tathaagatassa arakkheyyaani.|| ||

Imehi tiihi anupavajjo ti.|| ||

 


Contact:
E-mail
Copyright Statement