Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Avyaakata Vaggo

Sutta 59

Sattabhariyaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

EVA.M ME SUTA.M.|| ||

Eka.m samaya.m Bhagavaa saavattiya.m viharati Jetavane Anaathapi.n.dikassa aaraame.|| ||

Atha kho Bhagavaa pubba.nhasamaya.m nivaasetvaa pattaciivara.m aadaaya yena Anaathapi.n.dikassa gahapatissa nivesana.m ten'upasa'nkami.|| ||

Upasa'nkamitvaa pa~n~natte aasane nisiidi.|| ||

Tena kho pana samayena Anaathapi.n.dikassa gahapatissa nivesane manussaa uccaasaddaa mahaasaddaa honti.|| ||

Atha kho Anaathapi.n.diko gahapati yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho Anaathapi.n.dika.m gahapati.m Bhagavaa etad avoca:|| ||

Kin nu te gahapati nivesane manussaa uccaasaddaa mahaasaddaa, keva.t.taa ma~n~ne macchavilopeti?|| ||

Aya.m bhante, sujaataa gharasu.nhaa a.d.dhaa a.da.dhakulaa aaniitaa.|| ||

Saa n'eva sassu.m aadiyati.|| ||

Na sasura.m aadiyati.|| ||

Na saamika.m aadiyati.|| ||

Bhagavantampi na sakkaroti,||
na garukaroti na maaneti,||
na puujetii ti.|| ||

Atha kho Bhagavaa sujaata.m gharasu.nha.m aamantesi ehi sujaateti.|| ||

Eva.m bhante' ti kho sujaataa gharasu.nhaa Bhagavato pa.tissutvaa yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho sujaata.m gharasu.nha.m Bhagavaa etad avoca:|| ||

Satta kho imaa sujaate, purisassa bhariyaayo.|| ||

Katamaa satta?|| ||

Vadhakasamaa,||
vorisamaa,||
ayyasamaa,||
maatusamaa,||
bhaginiisamaa,||
sakhiisamaa,||
daasisamaa,||
imaa kho sujaate, satta purisassa bhariyaayo|| ||

Taasa.m tva.m katamaati.|| ||

Na kho aha.m bhante,||
imassa Bhagavataa sa'nkhittena bhaasitassa vitthaarena attha.m aajaanaami.|| ||

Saadhu me bhante, Bhagavaa tathaa dhamma.m desetu,||
yathaa aha.m imassa Bhagavataa sa'nkhittena bhaasitassa vitthaarena attha.m aajaaneyyanti.|| ||

Tena hi sujaate,||
suu.naahi,||
saadhuka.m manasikarohi,||
bhaasissaamiti.|| ||

Eva.m bhante' ti kho sujaataa gharasu.nhaa Bhagavato paccassosi.|| ||

Bhagavaa etad avoca:|| ||

 

Padu.t.thacittaa ahitaanukampinii||
A~n~nesu rattaa atima~n~nate pati.m,||
Dhanena kiitassa vadhaaya ussukaa,||
Yaa evaruupaa purisassa bhariyaa||
Vadhakaa ca bhariyaati ca saa pavuccati|| ||

Ya.m itthiyaa vindati saamiko dhana.m||
Sippa.m va.nijja~nca kasi.m adhi.t.thaha.m,||
Appampi tasmaa1 apahaatumicchati,||
Yaa evaruupaa purisassa bhariyaa||
Cori ca bhariyaati ca saa pavuccati.|| ||

Akammakaamaa alasaa mahagghasaa||
Pharusaa ca.n.dii ca duruttavaadinii,||
U.t.thaayakaana.m abhibhuuyya vattati,||
Yaa evaruupaa purisassa bhariyaa||
Ayyaa ca bhariyaati ca saa pavuccati.|| ||

Yaa sabbadaa hoti hitaanukampinii||
Maataava putta.m anurakkhate pati.m,||
Tato dhana.m sambhatamassa rakkhati,||
Yaa evaruupaa purisassa bhariyaa||
Maataa ca bhariyaati ca saa pavuccati.|| ||

Yathaapi je.t.the bhaginii kani.t.thaa||
Sagaaravaa hoti sakamhi saamike,||
Hirimanaa3 bhattuvasaanuvattiinii,||
Yaa evaruupaa purisassa bhariyaa||
Bhagini ca bhariyaati ca saa pavuccati.|| ||

Yaa ciidha disvaana pati.m pamodati||
Sakhii sakhaara.mva cirassamaagata.m,||
Koleyyakaa siilavatii patibbataa,||
Yaa eva ruupaa purisassa bhariyaa||
Sabhii ca bhariyaati ca saa pavuccati.|| ||

Akkuddhasantaa vadhada.n.datajjitaa,||
Adu.t.thacittaa patino titikkhati,||
Akkodhanaa bhattuvasaanuvattiinii,||
Yaa evaruupaa purisassa bhariyaa||
Daasii ca bhariyaati ca saa pavuccati.|| ||

Yaa ciidha bhariyaa vadhakaati vuccati,||
Cori ca ayaati ca yaa pavuccati,||
Dussiilaruupaa pharusaa anaadaraa||
Kaayassa bhedaa Niraya.m vajanti taa.|| ||

Yaa ciidhaamaataa bhaginii sakhii ca||
Daasii ca hariyaati ca yaa pavuccati,||
Siile .thitattaa cirarattasa.mvutaa||
Kaayassa bhedaa sugati.m vajanti taa.|| ||

Imaa kho sujaate satta purisassa bhariyaayo.|| ||

Taasa.m tva.m katamaati?|| ||

[94] Ajjatagge ma.m bhante,||
Bhagavaa daasi sama.m saamikassa bhariya.m dhaaretuuti.|| ||

 


Contact:
E-mail
Copyright Statement