Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Mahaa Vaggo

Sutta 61

Hirottappa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Hirottappe bhikkhave, asati||
hirottappa-vipannassa||
hatuupaniso hoti indriya-sa'nvaro.|| ||

Indriyasa'nvare asati||
indriyasa'nvara-vipannassa||
hatuupanisa.m hoti siila.m.|| ||

Siile asati||
siila-vipannassa||
hatuupaniso hoti sammaa-samaadhi.|| ||

Sammaa-samaadhimhi asati||
sammaa-samaadhi-vipannassa||
hatuupanisa.m hoti yathaabhuuta-~naa.na-dassana.m.|| ||

Yathaabhuuta-~naa.na-dassane asati||
yathaabhuuta-~naa.na-dassana-vipannassa||
hatuupaniso hoti nibbidaa-viraago.|| ||

Nibbidaa-viraage asati||
nibbidaa-viraaga-vipannassa||
hatuupanisa.m hoti vimutti-~naa.na-dassana.m.|| ||

Seyyathaa pi bhikkhave rukkho saakhaapalaasavipanno,||
tassa papa.tikaa pi na paaripuuri.m gacchati,||
taco pi pheggu pi saaro pi na paaripuuri.m gacchati,||
evam eva kho, bhikkhave,||
hirottappe asati||
hirottappa-vipannassa||
hatuupaniso hoti indriyasa'nvaro;||
indriyasa'nvare asati||
indriyasa'nvara-vipannassa||
hatuupanisa.m hoti siila.m;||
siile asati||
siila-vipannassa||
hatuupaniso hoti sammaa-samaadhi;||
sammaa-samaadhimhi asati||
sammaa-samaadhi-vipannassa||
hatuupanisa.m hoti yathaabhuuta-~naa.na-dassana.m;||
yathaabhuuta-~naa.na-dassane asati||
yathaabhuuta-~naa.na-dassana-vipannassa||
hatuupaniso hoti nibbidaa-viraago;||
nibbidaa-viraage asati||
nibbidaa-viraaga-vipannassa||
hatuupanisa.m hoti vimutti-~naa.na-dassana.m.|| ||

3. Hirottappe bhikkhave sati||
hirottappa-sampannassa||
upanisa-sampanno hoti indriya-sa'nvaro.|| ||

Indriya-sa'nvare sati||
indriya-sa'nvara-sampannassa||
upanisa-sampanna.m hoti siila.m.|| ||

Siile sati||
siila-sampannassa||
upanisa-sampanno hoti sammaa-samaadhi.|| ||

Sammaa-samaadhimhi sati||
sammaa-samaadhi-sampannassa||
upanisa-sampanna.m hoti yathaabhuuta-~naa.na-dassana.m.|| ||

Yathaabhuuta-~naa.na-dassane sati||
yathaabhuuta-~naa.na-dassana-sampannassa||
upanisa-sampanno hoti nibbidaa-viraago.|| ||

Nibbidaa-viraage sati||
nibbidaa-viraaga-sampannassa||
upanisa-sampanna.m hoti vimutti-~naa.na-dassana.m.|| ||

Seyyathaa pi bhikkhave, rukkho saakhaapalaasasampanno,||
tassa papa.tikaapi paaripuuri.m gacchati,||
taco pi pheggu pi saaro pi paaripuuri.m gacchati,||
evam eva kho, bhikkhave,||
hirottappe sati||
hirottappa-sampannassa||
upanisa-sampanno hoti indriya-sa'nvaro;||
indriya-sa'nvare sati||
indriya-sa'nvara-sampannassa||
upanisa-sampanna.m hoti siila.m;||
siile sati||
siila-sampannassa||
upanisa-sampanno hoti sammaa-samaadhi;||
Sammaa-samaadhimhi sati||
sammaa-samaadhi-sampannassa||
upanisa-sampanna.m hoti yathaabhuuta-~naa.na-dassana.m;||
yathaabhuuta-~naa.na-dassane sati||
yathaabhuuta-~naa.na-dassana-sampannassa||
upanisa-sampanno hoti nibbidaa-viraago;||
nibbidaa-viraage sati||
nibbidaa-viraaga-sampannassa||
upanisa-sampanna.m hoti vimutti-~naa.na-dassana.m.|| ||

 


Contact:
E-mail
Copyright Statement