Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 63

Nagaruupama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] EVA.M ME SUTA.M.|| ||

Saavattinidaana.m|| ||

Yato kho bhikkhave, ra~n~no paccantima.m nagara.m sattahi nagaraparikkhaarehi suparikkhata.m hoti,||
catunna~n ca aahaaraana.m nikaamalaabhi hoti akicchalaabhii akasiralaabhii.|| ||

Ida.m vuccati bhikkhave ra~n~no paccantima.m nagara.m akara.niiya.m baahirehi paccattikehi paccaamittehi.|| ||

Katamehi sattahi nagaraparikkhaarehi suparikkhata.m hoti?|| ||

(1) Idha, bhikkhave,, ra~n~no paccantime nagare esikaa hoti gambhiiranemaa sunikhaataa acalaa asampavadhii.|| ||

Iminaa pa.thamena nagaraparikkhaarena suparikkhata.m hoti ra~n~no paccantima.m nagara.m abbhantaraana.m guttiyaa baahiraana.m pa.tighaataaya.|| ||

(2) Puna ca para.m bhikkhave, ra~n~no paccantime nagare parikhaa khataa hoti gambhiraa c'eva vitthataa ca.|| ||

Iminaa dutiyena nagara parikkhaarena suparikkhata.m hoti ra~n~no paccantima.m nagara.m abbhantaraana.m guttiyaa baahiraana.m pa.tighaataaya.|| ||

(3) Puna ca para.m bhikkhave, ra~n~no paccantime nagare anupariyaaya patho hoti ucco c'eva vitthato ca.|| ||

Iminaa tatiyena nagara pariikkhaarena suuparikkhata.m hoti ra~n~no paccantima.m nagara.m abbhantaraana.m guttiyaa baahiraana.m pa.tighaataaya.|| ||

(4) Puna ca para.m bhikkhave, ra~n~no paccantime nagare bahu.m aavudha.m sannicita.m hoti salaaka.m c'eva jevaniya~n ca.|| ||

Iminaa catutthena nagaraparikkhaarena suparikkhata.m hoti ra~n~no paccantima.m nagara.m abbhantaraana.m guttiyaa baahiraana.m pa.tighaataaya.|| ||

(5) Puna ca para.m bhikkhave, ra~n~no paccantime nagare bahu balakaayo pa.tivasati - seyyath'ida.m:||
hatthaarohaa assaarohaa rathikaa dhanuggahaa velakaa calakaa pi.n.dadaayiikaa uggaa raajaputtaa pakkhandino mahaanaagaa suraa papphaalikaa.|| ||

Cammayodhino daasakaputtaa.|| ||

Iminaa pa~ncamena nagaraparikkhaarena suparikkhata.m hoti ra~n~no paccantima.m nagara.m abbhantaraana.m guttiyaa baahiraana.m pa.tighaataaya.|| ||

(6) Puna ca para.m bhikkhave, ra~n~no paccantime nagare dovaariko hoti pa.n.dito vyatto medhaavi a~n~naataana.m nivaaretaa ~naataana.m pavesetaa.|| ||

Iminaa cha.t.thena nagaraparikkhaarena suparikkhata.m hoti ra~n~no paccantima.m nagara.m abbhantaraana.m guttiyaa baahiraana.m pa.tighaataaya.|| ||

(7) Puna ca para.m bhikkhave, ra~n~no paccantime nagare paakaaro hoti uccaa c'eva vitthato ca vaasanalepanasampanno ca.|| ||

Iminaa sattamena nagaraparikkhaarena suparikkhata.m hoti ra~n~no paccantima.m nagara.m abntaraana.m guttiyaa baahiraana.m pa.tighaataaya.|| ||

Imehi sattahi nagara-parikkhaarehi suparikkhata.m hoti.|| ||

Katamesa.m catunna.m aahaaraana.m nikaamalaabhi hoti akicchalaabhii akasiralaabhii:|| ||

(1) Idha, bhikkhave, ra~n~no paccantime nagare bahu.m ti.nka.t.thodaka.m santicita.m hoti abbhantaraana.m ratiyaa aparitassaaya phaasuvihaaraaya,||
baahiraana.m pa.tighaataaya.|| ||

(2) Puna ca para.m bhikkhave, ra~n~no paccantime nagare bahu.m saaliyavaka.m sannicita.m hoti abbhantaraana.m ratiyaa aparitassaaya phaasuvihaaraaya baahiraana.m pa.tighaataaya.|| ||

(3) Puna ca para.m bhikkhave, ra~n~no paccantime nagare bahu.m tilamaasamuggaaparanna.m sanniciita.m hoti abbhantaraana.m ratiyaa aparitassaaya phaasuvihaaraaya,||
baahiraana.m pa.tighaataa ya.|| ||

(4) Puna ca para.m bhikkhave, ra~n~no paccantime nagare bahu.m bhesajja.m santicita.m hoti seyyathiida.m:||
sappi navaniita.m tela.m madhu phaa.nita.m lo.na.m abbhantaraana.m ratiyaa aparitassaaya phaasuvihaaraaya, baahiraana.m pa.tighaataaya.|| ||

Imesa.m kho bhikkhave, catunna.m aahaaraana.m nikaamalaabhii hoti akicchalaabhi akasiralaabhii.|| ||

Yato kho bhikkhave, ra~n~no paccantima.m nagara.m imehi sattahi nagaraparikkhaarahi suparikkhata.m hoti,||
imesa.m catunna.m aahaaraana.m nikaamalaabhii hoti akicchalaabhii akasiralaabhii,||
ida.m vuccati bhikkhave, ra~n~no paccantima.m nagara.m akara.niiya.m baahirehi paccattikehi paccaamittehi.|| ||

Evam eva kho bhikkhave, yataa ariyasaavako sattahi saddhammehi samannaagato hoti,||
catunna~n ca jhaanaana.m abhicetasikaana.m di.t.tha-dhamma-sukha-vihaaraana.m nikaamalaabhii hoti akicchalaabhii akasiralaabhii.|| ||

Aya.m vuccati bhikkhave, ariyasaavako akara.niiyo maarassa akara.niyo paapimato.|| ||

Katamehi sattahi saddhammehi samannaagato?|| ||

(1) seyyathaa pi, bhikkhave,, ra~n~no paccantime nagare esikaa hoti gambhiiranemaa sunikhaataa acalaa asampavedhii abbhantaraana.m guttiyaa baahiraana.m pa.tighaataaya,||
evam eva kho, bhikkhave,,||
ariyaasaavako saddho hoti,||
saddahati Tathaagatassa bodhi.m - iti pi so Bhagavaa araha.m sammaa sambuddho vijjaa-cara.na-sampanno sugato lokavinduu anuttaro purisadammasaarathi satthaa deva-manussaana.m buddho Bhagavaati.|| ||

Saddhesiko bhikkhave,||
ariyasaavako akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Iminaa pa.thamena saddhammena samannaagato hoti.|| ||

(2) seyyathaa pi, bhikkhave,, ra~n~no paccantime nagare parikhaa hoti gambhiiraa c'eva vitthataa ca abbhantaraana.m guttiyaa baahiraana.m pa.tighaataaya,||
evam eva kho, bhikkhave,,||
ariyasaavako hirimaa hoti,||
hiriiyati kaayaduccaritena vaciiduccaritena manoduccaritena hiriiyati paapakaana.m akusalaana.m dhammaana.m samaapattiyaa.|| ||

Hiriparikho bhikkhave, ariyasaavako akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Iminaa dutiyena saddhammena samannaagato hoti.|| ||

(3) seyyathaa pi, bhikkhave,, ra~n~no paccantime nagare anupariyaaya patho hoti ucco c'eva vitthataa ca abbhantaraana.m guttiyaa baahiraana.m pa.tighaataaya,||
evam eva kho, bhikkhave,,||
ariyasaavako ottappii hoti,||
ottappati kaayaduccaritena vaciiduccaritena manoduccaritena,||
ottappati paapakaana.m akusalaana.m dhammaana.m samaapattiyaa ottappapariiyaaya bhikkhave,||
ariyasaavako akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Iminaa dutiyena saddhammena samannaagato hoti.|| ||

(4) seyyathaa pi, bhikkhave,, ra~n~no paccantime nagare bahu.m aavudha.m sannicita.m hoti,||
salaaka.m c'eva jevaniya~n ca abbhantaraana.m guttiyaa baahiraana.m pa.tighaataaya,||
evam eva kho, bhikkhave,,||
ariyasaavako bahussuto hoti sutadharo sutasannicayo,||
ye te dhammaa aadikalyaa.naa majjhe kalyaa.naa pariyosaanakalyaa.naa saatthaa savya~njanaa kevalaparipu.nnaa parisuddha.m brahmacariya.m abhivadanti,||
kathaaruupaassa dhammaa bahussutaa honti dhataa vavasaa paricitaa manasaanupekkhitaa di.t.thiyaa suppa.tividdhaa.|| ||

Sutaavudho bhikkhave, ariyasaavako akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Iminaa catutthena saddhammena samannaagate hoti.|| ||

(5) seyyathaa pi, bhikkhave,, ra~n~no paccantime nagare bahu balakaayo pa.tivasati,||
seyyathiida.m: hatthaarohaa assaarohaa rathikaa dhanuggahaa celakaa calakaa pi.n.dadaayikaa uggaa raajaputtaa pakkhandino mahaanaagaa suuraa cammayodhino daasakaputtaa abbhantaraana.m guttiyaa baahiraana.m pa.tighaataaya,||
evam eva kho, bhikkhave,,||
ariyasaavako aaraddhaviriyo viharati akusalaana.m dhammaana.m pahaanaaya kusalaana.m dhammaana.m upasampadaaya thaamavaada.lhaparakkamo anikkhittadhuuro kusalesu dhammesu.|| ||

Viriyabalakaayo bhikkhave,||
ariyasaavako akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Iminaa pa~ncamena saddhammena samannaagato hoti.|| ||

(6) seyyathaa pi, bhikkhave,, ra~n~nopaccantime nagare dovaariko hoti pa.ni.dito viyatto medhaavii a~n~naataana.m nivaretaa ~naataana.m pavasetaa abbhantaraana.m guttiyaa baahiraana.m pa.tighaataaya,||
evam eva kho, bhikkhave,,||
ariyasaavako satimaa hoti paramena satinepakkena samannaagato cirakampi cirabhaasitampi saritaa anussaritaa.|| ||

Sati dovaariko bhikkhave, ariyasaavako akusala.m pajahati,||
kusala.mbhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Iminaa cha.t.thena saddhammena samannaagato hoti.|| ||

(7) seyyathaa pi, bhikkhave,, ra~n~no paccantime nagare paakaaro hoti ucco c'eva vitthato ca vaasanalepanasampanno ca abbhantaraana.m guttiyaa baahiraana.m pa.tighaataaya,||
evam eva kho, bhikkhave,,||
ariyaavako pa~n~navaa hoti udayatthagaaminiiyaa pa~n~n~naaya samannaagato ariyaaya nibbedhikaaya sammaadukkhakkhayagaaminiyaa.|| ||

Pa~n~naavaasanalepanasampanno bhikkhave,||
ariyasaavako akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Iminaa sattamena saddhammena samannaagato hoti.|| ||

Imehi sattahi dhammehi samannaagato hoti.|| ||

Katamesa.m catunna.m jhaanaana.m aabhivetasikaana.m di.t.tha-dhamma-sukha-vihaaraana.m nikaamalaabhii hoti akicchalaabhii akasiralaabhii: (1) seyyathaa pi, bhikkhave,, ra~n~no paccantime nagare bahu.m ti.naka.t.thodaka.m sannicita.m hoti abbhantaraana.m ratiyaa aparitassaaya phaasuvihaaraaya baahiraana.m pa.tighaataaya,||
evam eva kho, bhikkhave,,||
ariyasaavako,||
vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati,||
attano ra6tiyaa aparitassaaya phaasuvihaaraaya,||
okkamanaaya nibbaanassa.|| ||

(2) seyyathaa pi, bhikkhave,, ra~n~no paccantime nagare bahu.m saaliyavaka.m sannicita.m hoti abbhantaraana.m ratiyaa aparitassaaya phaasuvihaaraaya,||
baahiraana.m pa.tighaataaya,||
evam eva kho, bhikkhave,,||
ariyasaavako citakkavicaaraana.m vuupasamaa ajajhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati attano ratiyaa aparitassaaya phaasuvihaaraaya,||
okkamanaaya nibbaanassa.|| ||

(3) Yyethaapi bhikkhave ra~n~no paccantime nagare bahu.m tilamuggamaasaaparanna.m sannicita.m hoti abbhantaraana.m ratiyaa aparitassaaya phaasuvihaaraaya baahiraana.m pa.tighaataaya,||
evam eva kho, bhikkhave,,||
ariyasaavako piitiyaaca viraagaa upekkhaco ca viharati,||
sato ca sampajaano sukha~nca kaayena pa.tisa'nvedeti,||
ya.m ta.m ariyaa aaciikkhanti 'Upekkhako satimaa sukha-vihaarii' ti tatiya.m-jhaana.m upasampajja viharati attano ratiyaa aparitassaaya phaasuvihaaraaya,||
okkamanaaya nibbaanassa.|| ||

(4) seyyathaa pi, bhikkhave,, ra~n~no paccantime nagare bahu.m bhesajja.m sannicita.m hoti seyyathiida.m: sappi navaniita.m tela.m madhu phaa.nita.m lo.na.m abbhantaraana.m ratiyaa aparitassaaya phaasuvihaaraaya baahiraana.m pa.tighaataaya,||
evam eva kho, bhikkhave,,||
ariyasaavako sukhassa ca pahaanaa dukkhassa ca pahaanaa pubb'eva somanassa-domanassaana.m attha-gamaa adukka.m asukha.m upekkhaa-sati-paarisuddhi.m catuttha.m-jhaana.m upasampajja viharati attano ratiyaa aparitassaaya phaasuvihaaraaya,||
okkamanaaya nibbaanassa.|| ||

Imesa.m catunna.m jhaanaana.m aabhicetasikaana.m di.t.tha-dhamma-sukha-vihaaraana.m nikaamalaabhii hoti akicchalaabhii akasiralaabhii.|| ||

Yato ca kho bhikkhave, ariyasaavako imehi sattahi saddhammehi samannaagato hoti,||
imesa.m catunna.m jhaanaana.m aabhicetasikaana.m di.t.tha-dhamma-sukha-vihaaraana.m nikaamalaabhii hoti akicchalaabhii akasiralaabhii.|| ||

Aya.m vuccadi bhikkhave,||
ariyasaavako akara.niiyo maarassa akara.niiyo paapimatoti.|| ||

 


Contact:
E-mail
Copyright Statement