Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 64

Dhamma~n~nuu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] EVA.M ME SUTA.M.|| ||

Saavatthinidaana.m|| ||

Sattahi bhikkave, dhammehi samannaagato bhikkhu aahuneyyo hoti paahuneyyo hoti dakkhineyyo hoti a.mjalikaraneyyo hoti anuttara.m pu~n~nakkhetta.m lokassa.|| ||

Katamehi sattahi?|| ||

Idha, bhikkhave, bhikkhu dhamma~n~nuu ca hoti attha~n~nu ca atta~n~nu ca matta~n~nu ca kaala~n~nuu caparisa~n~nuu ca puggalaparovara~n~nuu ca.|| ||

2. Katha~n ca bhikkhave bhikkhuu dhamma~n~nuu hoti?|| ||

Idha, bhikkhave,, bhikkhuu dhamma.m jaanaati sutta.m geyya.m veyyaakara.na.m gaatha.m udaana.m itivuttaka.m jaataka.m abbhuutadhamma.m vedalla.m.|| ||

No ve bhikkhave, bhikkhuu dhamma.m jaaneyya sutta.m geyya.m veyyaakara.na.m gaatha.m udaana.m itivuttaka.m jaataka.m abbhuudhamma.m vedalla.m nayidha dhamma~n~nuti vucceyya.|| ||

Yasmaa ca kho bhikkhave, bhikkhuu dhamma.m jaanaati sutta.m geyya.m veyyaakara.na.m gaatha.m udaana.m itivuttaka.m jaataka.m abbhuutadhamma.m vedalla.m,||
no ce bhikkhave,||
bhikkhu dhathamma.m jaaneyyati sutta.m geyya veyaakara.na.m gaata.m udaana.m itivuttaka.m jaataka.m abbhuutadhamma.m vedalla.m nayidha dhamma~n~nuti vucceyya.|| ||

Yasmaa ca kho bhikkhave, bhikkhuu dhamma.m jaanaati sutta.m geyya.m abbhuutadhamma.m vedalla.m,||
tasmaa bhikkhuu dhamma~n~nuti vuccati.|| ||

Iti dhamma~n~nuu.|| ||

3. Attha~n~nu ca katha.m hoti?|| ||

Idha bhikakhave, bhikkhuu tassa tass'eva bhaasitassa atta.m jaanaati "aya.m imassa bhaasitassa attho,||
aya.m imassa bhaasitassa attho" ti.|| ||

No ce bhikkhave, bhikkhuu tassa tass'eva bhaasitassa attha.m jaaneyya||
"aya.m imassa bhaasitassa attho,||
aya.mimassa bhaasitassa atthoti"||
nayidha attha~n~nuuti vucceyya.|| ||

Yasmaa ca kho bhikkhave, bhikkhuu tassa tass'eva bhaasitassa attha.m jaanaati||
"aya.m imassa bhaasitassa attho,||
aya.m imassa bhaasitassa attho" ti.|| ||

Tasmaa attha~n~nuuti vuccati.|| ||

Iti dhamma~n~nuu attha~n~nuu.|| ||

4. Atta~n~nu ca katha.m hoti?|| ||

Idha, bhikkhave,, bhikkhuu attaana.m jaanaati ettakho'mhi saddhaa ya siilena sutena caagena pa~n~naaya pa.tibhaanenaati.|| ||

No ce bhikkhave, bhikkhuu attaana.m jaa neyya ettakho'mhi saddhaaya siilena sutena caagena pa~n~naaya pa.tibhaanenaati,||
nayidha atta~n~nuuta vucceyya.|| ||

Yasmaa ca kho bhikkhave, bhikkhuu attaana.m jaanaati ettakomhii saddhaaya siilena sutena caagena pa~n~naaya pa.tibhaanenaati.|| ||

Tasmaa atta~n~nuuti vuccati.|| ||

Iti dhamma~n~nuu attha~n~nuu a tta~n~nuu.|| ||

5. Matta~n~nuu ca kata.m hoti?|| ||

Idha, bhikkhave,, bhikkhuu matta.m jaanaati ciivarapi.n.dapaatasenaasa nagilaanapaccayabhesajjapakkhaaraana.m pa.tiggaha.naaya.|| ||

No ce bhikakhave, bhikkhuu matta.m jaaneyya ciivarapi.n.daatasenaasanagilaanapaccayabhesajjaparikkhaaraana.m pa.tiggaha.naaya.|| ||

Nayidha matta~n~nuuti vucce yya.|| ||

Yasmaa ca kho bhikkhave, bhikkhuu matta.m jaanaati ciivarapi.n.dapaatasenaasanagilaanapaccayabhe sajjaparikkhaaraana.m pa.tiggaha.naaya,||
tasmaa matta~n~nuuti vuccati.|| ||

Iti dhamma~n~nuu attha~n~nuu, atta~n~nuu matta~n~nuu.|| ||

6. Kaala~n~nuu ca katha.m hoti?|| ||

Idha, bhikkhave,, bhikkhuu kaala.m jaanaati:||
aya.m kaalo udde sassa,||
aya.m kaalo paripucchaayaa,||
aya.m kaalo yogassa,||
aya.m kaalo pa.tisalalaanaayaa ti.|| ||

No ce bhikkhave, bhikkhuu kaala.m jaaneyya,||
aya.m kaalo uddesassa,||
aya.m kaalo paripucchaaya,||
aya.m kaalo yogassa,||
aya.m kaalo pa.tisallaanaayaati1 nayidha kaala~n~nuuti vucceyya.|| ||

Yasmaa ca kho bhikkhave, bhikkhu kaala.m jaanaati: aya.m kaalo uddesassa,||
aya.m kaalo paripucchaaya,||
aya.m kaalo yogassa,||
aya.m kaalo pa.tisallaanaayaa,||
ti tasmaa kaala~n~nuti vuccati.|| ||

Iti dhamma~n~nu attha~n~nu atta~n~nuu matta~n~nu kaala~n~nuu.|| ||

7. Parisa~n~nuu ca katha.m hoti.|| ||

Idha, bhikkhave, bhikkhuu parisa.m jaanaati:||
aya.m khattiya parisaa,||
aya.m braahma.na parisaa,||
aya.m gahapatiparisaa,||
aya.m sama.naparisaa,||
tattha eva.m upasa'nkamitabba.m,||
eva.m .thaatabba.m,||
eva.m kattabba.m,||
eva.m nisiiditabba.m,||
eva.m bhaasitabba.m,||
eva.m tu.nhiibhavitabbanti.|| ||

No ve bhikkhave, bhikkhuu parisa.m jaaneyya: aya.m khattiyaparisaa,||
aya.m brahma.naparisaa,||
aya.m gahapati parisaa,||
aya.m sama.naparisaa,||
tattha eva.m upasa'nkamitabba.m,||
eva.m .thaatabba.m,||
eva.m kattabba.m,||
eva.m nisiiditabba.m,||
eva.m bhaasitabba.m,||
eva.m tu.nhiibhavitabbanti.|| ||

Nayidha parisa~n~nuuti vucceyya.|| ||

Yasmaa ca kho bhikkhave, bhikkhu parisa jaanaati: aya.m khattiya parisaa,||
aya.m braahma.naparisaa aya.m gahapatiparisaa,||
aya.m sama.naparisaa,||
tattha eva.m upasa'nkamitabba.m,||
eva.m .thaatabba.meva.m kattabba.m,||
eva.m nisiiditabba.m,||
eva.m bhaasitabba.m,||
eva.m tu.nhiibhavitabbanti.|| ||

Tasmaa parisa~nu~nuuti cuccati.|| ||

Iti dhamma~n~nuu attha~n~nuu atta~n~nuu matta~n~nuu kaala~n~nuu parisa~n~nuu.|| ||

8. Puggalaparovara~n~nuu ca kata.m hoti?|| ||

Idha, bhikkhave,, bhikkhuno dvayena puggalaa viditaa honti.|| ||

Dve puggalaa eko ariyaana.m dassanakaamo,||
eko ariyaana.m na dassanakaamo.|| ||

Yvaaya.m puggalo ariyaana.m na dassanakaamo eva.m so tena'ngena gaarayho.|| ||

Yvaaya.m puggalo ariyaana.m dassanakaamo eva.m so tena'ngena paasa.mso.|| ||

Dve puggalaa ariyaana.m dassanakaamaa:||
eko saddhamma.m sotukaamo,||
eko saddhamma.m na sotukaamo.|| ||

Yvaaya.m puggalo saddhamma.m na sotukaamo,||
eva.m so tena'ngena gaarayho.|| ||

Yvaayaa puggalo saddhamma.m sotukaamo,||
eva.m so tena'ngena paasa.mso.|| ||

Dve puggalaa saddhamma.m sotukaamaa:||
eko ohitasotaa dhamma.m su.naati,||
eko anohitasoto dhamma.m su.naati.|| ||

Yvaaya.m puggalo anohitasoto dhamma.m su.naati,||
eva.m so tena'ngena gaarayho,||
yvaaya.m puggalo ohitasoto dhamma.m su.naati,||
eva.m so tena'ngena paasa.mso.|| ||

Dve puggalaa ohitasotaa dhamma.m su.nanti:||
eko sutvaa dhamma.m dhaareti,||
eko sutvaa dhamma.m na dhaareti.|| ||

Yvaaya.m puggalo sutvaa dhamma.m na dhaareti,||
eva.m so tena'ngena gaarayho,||
yvaaya.m puggalo sutvaa dhamma.m dhaareti,||
eva.m so tena'ngena paasa.mso.|| ||

Dve puggalaa sutvaa dhammaa dhaarenti:||
eko dhataana.m dhammaana.m attha.m upaparikkhati,||
eko dhataana.m dhammaana.m attha.m na upaparikkhati.|| ||

Yvaaya.m puggalo dhataana.m dhammaana.m.m attha.m na upaparikkhati,||
eva.m so tena'ngena gaarayho.|| ||

Yvaaya.m puggalo dhataana.m dha maana.m attha.m upaparikkhati,||
eva.m so tena'ngena paasa.mso.|| ||

Dve puggalaa dhataana.m dhammaan attha.m upaparikkhanti:||
eko attham a~n~naaya dhammam a~n~naaya dhammaanudhammapa.tipanno,||
eko na attham a~n~naaya dhammam a~n~naaya dhammaanudhammapa.tipanno.|| ||

Yvaaya.m puggalo na attham a~n~naaya dhammam a~n~naaya dhammaanudhammapa.tipanno,||
eva.m so tena'ngena1 gaarayho.|| ||

Yvaaya.m puggalo attham a~n~naaya dhamma~n~naaya dhammaanudhammapa.tipanno,||
eva.m so tena'ngena1 paasa.mso.|| ||

Dve puggalaa attham a~n~naaya dhammam a~n~naaya dhammaanudhammapa.tipannaa.|| ||

Eko attahitaaya pa.tipanne no parahitaaya.|| ||

Eko attahitaaya ca pa.tipanno parahitaaya ca.|| ||

Yvaaya.m puggalo attahitaaya pa.tipanno no parahitaaya,||
eva.m so tena'ngena gaarayho yvaaya.m puggalo.|| ||

Yvaaya.m puggalo attahitaaya ca pa.tipanno parahitaaya ca,||
eva.m so tena'ngena1 paasa.mso.|| ||

Eva.m kho bhikkhave, bhikkhuno dvayena puggalaa viditaa honti.|| ||

Eva.m kho bhikkhave bhikkhuu puggalaparovara~n~nuu hoti.|| ||

Imehi kho bhikkhave sattahi saddhammehi samannaagato bhikkhuu aahuneyyo hoti paahunoyyo hoti dakkhineyyo hoti a.mjalikaraneyyo hoti anuttara.m pu~n~nakkhetta.m lokassaa ti.|| ||

 


Contact:
E-mail
Copyright Statement