Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 65

Paaricchattaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Yasmi.m bhikkhave, samaye devaana.m Taavati.msaana.m paaricchattako kovi.laaro pa.n.dupalaaso hoti,||
attamanaa bhikkhave, devaa Taavati.msaa tasmi.m samaye honti:|| ||

"Pa.n.dupalaaso daani paaricchattako kovi.laaro,||
na cirass'eva daani sattapa.laaso bhavissatii" ti.|| ||

Yasmi.m bhikkhave, samaye devaana.m Taavati.msaana.m paaricchattako kovi.laaro sattapa.laaso hoti,||
attamanaa bhikkhave, devaa Taavati.msaa tasmi.m samaye honti:|| ||

"Sattapa.laaso daani paaricchattako kovi.laaro,||
na cirass'eva daani jaalakajaato bhavissatii" ti.|| ||

Yasmi.m bhikkhave, samaye devaana.m Taavati.msaana.m paaricchattako kovi.laaro jaalakajaato hoti,||
attamanaa bhikkhave, devaa Taavati.msaa tasmi.m samaye honti:|| ||

"Jaalakajaato daani paaricchattako kovi.laaro,||
na cirass'eva daani khaarakajaato bhavissatii" ti.|| ||

Yasmi.m bhikkhave, samaye devaana.m Taavati.msaana.m paaricchattako kovi.laaro khaarakajaato hoti,||
attamanaa bhikkhave, devaa Taavati.msaa tasmi.m samaye honti:|| ||

"Khaarakajaato daani paaricchattako kovi.laaro,||
na cirass'eva daani ku.dumalakajaato bhavissatii" ti.|| ||

Yasmi.m bhikkhave, samaye devaana.m Taavati.msaana.m paaricchattako kovi.laaro ku.dumakajaato hoti,||
attamanaa bhikkhave, devaa Taavati.msaa tasmi.m samaye honti:|| ||

"Ku.dumakajaato daani paaricchattako kovi.laaro,||
na cirass'eva daani kokaasakajaato bhavissatii" ti.|| ||

Yasmi.m bhikkhave, samaye devaana.m Taavati.msaana.m paaricchattako kovi.laaro kokaasakajaato hoti,||
attamanaa bhikkhave, devaa Taavati.msaa honti:

"Kokaasakajaato daani paaricchattako kovi.laaro,||
na cirass'eva daani sabbapaaliphullo bhavissatii" ti.|| ||

Yasmi.m bhikkhave, samaye devaana.m Taavati.msaana.m paaricchattako kovi.laaro sabbapaaliphullo hoti,||
attamanaa bhikkhave, devaa Taavati.msaa paaricchattakassa kovi.laarassa muule dibba cattaaro maase pa~ncahi kaama-gu.nehi samappitaa sama'ngibhuutaa paricaarenti.|| ||

Sabbapaaliphullassa kho pana bhikkhave,||
paaricchattakassa kovi.laarassa samantaa pa~n~naasa yojanaani aabhaaya phuu.ta.m hoti.|| ||

Anuvaata.m yojanasata.m gandho gacchati.|| ||

Ayam anubhaavo paaricchattakassa kovi.laarassa.|| ||

3. Evam eva kho bhikkhave, yasmi.m samaye ariyasaavako agaarasmaa anagaariya.m pabbajjaaya ceteti,||
pa.n.dupalaaso bhikkhave, ariyasaavako tasmi.m samaye hoti devaana.m va Taavati.msaana.m paaricchattako kovi.laaro.|| ||

Yasmi.m bhikkhave, samaye ariyasaavako kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajito hoti,||
sattapa.laaso bhikkhave ariyasaavako tasmi.m samaye hoti devaana.m va Taavati.msaana.m paaricchattako kovi.laaro.|| ||

Yasmi.m bhikkhave, samaye ariyasaavako vivicc'eva kaamehi
vivicca akusalehi dhammehi
savitakka.m savicaara.m
vivekaja.m piiti-sukha.m
pa.thama.m-jhaana.m upasampajja viharati,||
jaalakajaato bhikkhave, ariyasaavako tasmi.m samaye hoti devaana.m va Taavati.msaana.m paaricchattako kovi.laaro.|| ||

Yasmi.m bhikkhave samaye ariyasaavako vitakka-vicaaraana.m vuupasamaa
ajjhatta.m sampasaadana.m||
cetaso ekodibhaava.m||
avitakka.m avicaara.m||
samaadhija.m piiti-sukha.m||
dutiya.m-jhaana.m upasampajja viharati,||
khaarakajaato bhikkhave, ariyasaavako tasmi.m samaye hoti devaana.m va Tavati.msaana.m paaricchattako kovi.laaro.|| ||

Yasmi.m bhikkhave, samaye ariyasaavako piitiyaa ca viraagaa upekkhako ca viharati||
sato ca sampajaano,||
sukha~n ca kaayena pa.tisa.mvedeti||
ya.m ta.m ariyaa aacikkhantii:|| ||

'Upekkhako satimaa sukha-vihaarii' ti,|| ||

tatiya.m-jhaana.m upasampajja viharati||
ku.dumalakajaato bhikkhave, ariyasaavako tasmi.m samaye hoti devaana.m ca Taavati.msaana.m paaricchattako kovi.laaro.|| ||

Yasmi.m bhikkhave, samaye ariyasaavako sukhassa ca pahaanaa||
dukkhassa ca pahaa.naa||
pubb'eva somanassa-domanassaana.m attha'ngamaa||
adukkha.m-asukha.m||
upekkhaa-sati-paarisuddhi.m||
catutta.m jhaana.m upasampajja viharati,||
kokaasakajaato bhikkhave ariyasaavako tasmi.m samaye hoti devaana.m va Taavati.msaana.m paaricchattako kovi.laaro.|| ||

Yasmi.m bhikkhave, samaye ariyasaavako aasavaana.m khayaa||
aanaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharati,||
sabbapaaliphullo bhikkhave,||
ariyasaavako tasmi.m samaye hoti devaana.m va Taavati.msaana.m paaricchattako kovi.laaro.|| ||

Tasmi.m bhikkhave, samaye Bhummaa devaa saddam anussaaventi:|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Bhummaana.m devaana.m sadda.m sutvaa Caatummahaaraajikaa devaa saddam anussaaventi|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Caatummahaaraajikaana.m devaana.m sadda.m sutvaa Taavati.msaa devaa saddam anussaaventi|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Taavati.msaana.m devaana.m sadda.m sutvaa Yaamaa devaa saddam anussaaventi|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Yaamaana.m devaana.m sadda.m sutvaa Tusitaa devaa saddam anussaaventi|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Tusitaana.m devaana.m sadda.m sutvaa Nimmaanaratii devaana.m saddam anussaaventi,|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Nimmaanaratiina.m devaana.m sadda.m sutvaa Paranimmitavasavatti devaana.m saddam anussaaventi|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Paranimmitavasavattina.m devaana.m sadda.m sutvaa Brahmakaayikaa devaa saddam anussaaventi|| ||

"Eso itthannaamo aayasmaa itthinnaamassa aasasmato saddhivihaariko amukamhaa gaamaa vaa nigamaa vaa agaarasmaa anagaariya.m pabbajito aasavaana.m khayaa||
anaasava.m ceto-vimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa upasampajja viharatii" ti.|| ||

Iti ha tena kha.nena tena muhuttena yaava brahmalokaa saddo abbhuggacchati.|| ||

Ayam anubhaavo khii.naasavassa bhikkhuno ti.|| ||

 


Contact:
E-mail
Copyright Statement