Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Mahaa Vaggo

Sutta 66

Sakkaaragarukaara Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.|| ||

Saavatthinidaana.m.|| ||

2. Atha kho aayasmato Saariputtassa rahogatassa patisalliinassa eva.m cetaso paricitakko udapaadi:|| ||

'Kin nu kho bhikkhu sakkatvaa garukatvaa upanissaaya viharanto akusala.m pajaheyya kusala.m bhaaveyyaa' ti?|| ||

Atha kho aayasmato Saariputtassa etad ahosi:|| ||

"Satthaara.m kho bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Dhamma.m kho bhikkhu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Sa'ngha.m kho bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Sikkha.m kho bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Samaadhi.m kho bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Appamaada.m kho bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Pa.tisanthaara.m kho bhikkhu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya" ti.|| ||

Atha kho aayasmato Saariputtassa etad ahosi:|| ||

'Ime kho me dhammaa parisuddhaa pariyodaataa,||
yan nuunaaha.m ime dhamme gantvaa Bhagavato aaroceyya.m,||
evam me ime dhammaa parisuddhaa c'eva bhavissanti parisuddha-sa'nkhatataraa ca.|| ||

Seyyathaa pi naama puriso suva.n.nanikkha.m adigaccheyya parisuddha.m pariyodaana.m,||
tassa evam assa:|| ||

"Aya.m kho me suva.nnanikkho parisuddho parayodaato,||
yan nuunaaha.m ima.m suva.n.nanikkha.m gantvaa kammaaraana.m dasseyya.m,||
evam me aya.m suuva.n.nanikkho kammaaragato parisuddho c'eva bhavissati parisuddha-sa'nkhattaro caa" ti.|| ||

Evam eva me ime dhammaa parisuddhaa pariyodaataa,||
yan nuunaaha.m ime dhamme gantvaa Bhagavato aaroceyya.m,||
evam me ime dhammaa parisuddhaa c'eva bhavissanti parisuddha-sa'nkhatataraa caa' ti.|| ||

Atha kho aayasmaa Saariputto saaya.nhasamaya.m patisallaanaa vu.t.thito yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Saariputto Bhagavanta.m etad avoca:|| ||

3. Idha mayha.m bhante, rahogatassa patisalliinassa eva.m cetaso parivitakko udapaadi:|| ||

"Kin nu kho bhikkhuu sakkatva garukatvaa upanissaaya viharanto akusala.m pajaheyya,||
kusala.m bhaaveyyaa" ti?|| ||

Tassa mayha.m bhante etad ahosi:|| ||

'Satthaara.m kho bhikkhuu sakkatva garukatva upanissaaya viharanto akusala.m pajaheyya,||
kusala.m bhaaveyya.|| ||

Dhamma.m kho bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Sa'ngha.m ko bhikkhuu sakkataa garukataa upanissaaya viharanto akusala.m pajaheyya,||
kusala.m bhaaveyya.|| ||

Sikkha.m kho bhikkhuu sakkatva garukatvaa upanissaaya viharanto akusala.m pajaheyya,||
kusala.m bhaaveyya.|| ||

Samaadhi.m kho bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Appamaada.m kho bhikkhuu sakkatvaa garukatvaa unissaaya viharanto akusala.m pajaheyya,||
kusala.m bhaaveyya.|| ||

Pa.tisatthaara.m kho bhikkhu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya' ti.|| ||

Tassa mayha.m bhante, etad ahosi:|| ||

'Ime kho me dhammaa parisuddha pariyodaa,||
yan nuunaaha.m ime dhamme gantvaa Bhagavato aaroceyya.m,||
evam me ime dhammaa parisuddhaa c'eva bhavissanti parisuddha-sa'nkhatataraa ca."|| ||

Seyyathaa pi naama purise suva.n.nanikkha.m adhigaccheyya,||
parisuddha.m pariyodaata.m,||
tassa evam assa:|| ||

"Aya.m kho me suva.n.nanikkho parisuddho pariyodaato,||
yan nuunaaha.m ima.m suva.n.nanikkha.m gantvaa kammaaraana.m dasseyya.m,||
evam me aya.m suva.n.nanikkho kammaaragato parisuddho c'eva bhavissati parasuddha-sa'nkhatataro caa" ti.|| ||

Evam eva me ime dhammaa parisuddhaa pariyodaataa,||
yan nuunaaha.m ime dhamme gantvaa Bhagavato aaroceyya.m,||
evam me ime dhammaa parisuddhaa c'eva bhavissanti parisuddha-sa'nkhatataraa caa' ti.|| ||

Saadhu saadhu Saariputta.|| ||

Satthaara.m kho Saariputta, bhikkhu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Dhamma.m kho Saariputta, bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Sa'ngha.m ko Saariputta, bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Sikkha.m kho Saariputta, bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Samaadhi.m kho Saariputta bhikkhuu sakkatvaa garukatvaa upanissaa viharanto akusala.m pajaheyya,||
kusala.m bhaaveyya.|| ||

Appamaada.m kho Saariputta, bhikkhu sakkatva garukatvaa upanissaaya viharanto akusala.m pajaheyya,||
kusala.m bhaaveyya.|| ||

Pa.tisatthaara.m kho Saariputta, bhikkhuu sakkatvaa garukatvaa upanissaaya viharanto akusala.m pajaheyya,||
kusala.m bhaaveyya.|| ||

Eva.m vutte aayasmaa Saariputto Bhagavanta.m etad avoca:|| ||

3. 'Imassa kho aha.m bhante Bhagavataa sa'nkhittena bhaasitassa eva.m vitthaarena attha.m aajaanaami:|| ||

So vata bhante, bhikkhuu Satthari agaaravo dhamme sagaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari agaaravo,||
dhamme pi so agaaravo.|| ||

So vata bhante, bhikkhuu Satthari agaaravo dhamme agaaravo sa'nghe sagaaravo bhavissatii ti||
n'eta.m .thaana.m vijjatii.|| ||

Yo so bhante bhikkhuu Satthari agaaravo dhamme agaaravo, sa'nghe pi so agaaravo.|| ||

So vata bhante, bhikkhuu Satthari agaaravo, dhamme agaaravo, sa'ngho agaaravo sikkhaaya sagaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari agaravo, dhamme agaaravo, sa'ngho agaaravo sikkhaaya pi so agaaravo.|| ||

So vata bhante, bhikkhuu Satthari agaaravo, dhamme agaaravo, sa'nghe agaaravo, sikkhaaya agaaravo samaadismi.m sagaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari agaaravo, dhamme agaaravo, sa'ngho agaaravo, sikkhaaya agaaravo, samaadhismim pi so agaaravo.|| ||

So vata bhante, bhikkhuu Satthari agaaravo, dhamme agaaravo, sa'nghe agaaravo, sikkhaaya agaaravo, samaadhismi.m agaaravo appamaade sagaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari agaaravo, dhamme agaravo, sa'nghe agaaravo, sikkhaaya agaaravo, samaadhismi.m agaaravo appamaade pi so agaaravo.|| ||

So vata bhante bhikkhu Satthari agaaravo, dhamme agaaravo, sa'nghe agaaravo, sikkhaaya agaaravo, samaadismi.m agaaravo, appamaade agaravo, pa.tisatthaare sagaaravo bhavissatii ti||
n'eta.m .thaana.m vijjati.|| ||

Yo so bhante, bhikkhu Satthari agaaravo, dhamme agaravo, sa'nghe agaaravo, sikkhaaya agaaravo, samaadismi.m agaaravo, appamaade agaaravo pa.tisatthaare pi so agaaravo.|| ||

 


 

So vata bhante, bhikkhuu Satthari sagaaravo||
dhamme agaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari sagaaravo||
dhamma pi so sagaaravo.|| ||

So vata bhante, bhikkhuu Satthari sagaaravo, dhamme sagaaravo,||
sa'nghe agaaravo bhavissatii ti||
n'eta.m .thaana.m vijjati|| ||

Yo so bhante, bhikkhuu Satthari sagaaravo, dhamme sagaaravo||
sa'nghe pi so sagaaravo.|| ||

So vata bhante bhikkhuu Satthari sagaaravo, dhamme sagaaravo, sa'nghe sagaaravo,||
sikkhaaya agaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari sagaaravo, dhamme sagaaravo, sa'nghe sagaaravo||
sikkhaaya pi so sagaaravo.|| ||

So vata bhante, bhikkhuu Satthari sagaaravo, dhamme sagaaravo, sa'ngho sagaaravo, sikkhaaya sagaaravo,||
samaadhismi.m agaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo||
samaadismi.m pi so saagaaravo.|| ||

So vata bhante, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadhismi.m sagaaravo||
appamaade agaaravo bhavissatii ti||
n'eta.m .thaana.m vijjati.|| ||

Yo so bhante bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadhismi.m sagaaravo||
appamaade pi so sagaaravo.|| ||

So vata bhante, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadismi.m sagaaravo, appamaade sagaaravo||
pa.tisatthaare agaaravo bhavissatii ti||
n'eta.m .thaana.m vijjati.|| ||

Yo so bhante, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadismi.m sagaaravo, appamaade sagaaravo||
pa.tisatthaare pi so sagaaravo' ti.|| ||

Imassa kho aha.m bhante, Bhagavataa sa'nkhittena bhaasitassa eva.m vitthaarena attha.m aajaanaami.|| ||

 


 

Saadhu saadhu Saariputta.|| ||

Saadhu kho tva.m Saariputta,||
imassamayaa sa'nkhittena bhaasitassa eva.m vitthaarena attha.m aajaanaasi.|| ||

So vata Saariputta, bhikkhuu Satthari agaaravo dhamme sagaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari agaaravo,||
dhamme pi so agaaravo.|| ||

So vata Saariputta, bhikkhuu Satthari agaaravo dhamme agaaravo sa'nghe sagaaravo bhavissatii ti||
n'eta.m .thaana.m vijjatii.|| ||

Yo so Saariputta bhikkhuu Satthari agaaravo dhamme agaaravo, sa'nghe pi so agaaravo.|| ||

So vata Saariputta, bhikkhuu Satthari agaaravo, dhamme agaaravo, sa'ngho agaaravo sikkhaaya sagaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari agaravo, dhamme agaaravo, sa'ngho agaaravo sikkhaaya pi so agaaravo.|| ||

So vata Saariputta, bhikkhuu Satthari agaaravo, dhamme agaaravo, sa'nghe agaaravo, sikkhaaya agaaravo samaadismi.m sagaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari agaaravo, dhamme agaaravo, sa'ngho agaaravo, sikkhaaya agaaravo, samaadhismim pi so agaaravo.|| ||

So vata Saariputta, bhikkhuu Satthari agaaravo, dhamme agaaravo, sa'nghe agaaravo, sikkhaaya agaaravo, samaadhismi.m agaaravo appamaade sagaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari agaaravo, dhamme agaravo, sa'nghe agaaravo, sikkhaaya agaaravo, samaadhismi.m agaaravo appamaade pi so agaaravo.|| ||

So vata Saariputta bhikkhu Satthari agaaravo, dhamme agaaravo, sa'nghe agaaravo, sikkhaaya agaaravo, samaadismi.m agaaravo, appamaade agaravo, pa.tisatthaare sagaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhu Satthari agaaravo, dhamme agaravo, sa'nghe agaaravo, sikkhaaya agaaravo, samaadismi.m agaaravo, appamaade agaaravo pa.tisatthaare pi so agaaravo.|| ||

 


 

So vata Saariputta, bhikkhuu Satthari sagaaravo||
dhamme agaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari sagaaravo||
dhamma pi so sagaaravo.|| ||

So vata Saariputta, bhikkhuu Satthari sagaaravo, dhamme sagaaravo,||
sa'nghe agaaravo bhavissatii ti||
n'eta.m .thaana.m vijjati|| ||

Yo so Saariputta, bhikkhuu Satthari sagaaravo, dhamme sagaaravo||
sa'nghe pi so sagaaravo.|| ||

So vata Saariputta bhikkhuu Satthari sagaaravo, dhamme sagaaravo, sa'nghe sagaaravo,||
sikkhaaya agaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari sagaaravo, dhamme sagaaravo, sa'nghe sagaaravo||
sikkhaaya pi so sagaaravo.|| ||

So vata Saariputta, bhikkhuu Satthari sagaaravo, dhamme sagaaravo, sa'ngho sagaaravo, sikkhaaya sagaaravo,||
samaadhismi.m agaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo||
samaadismi.m pi so saagaaravo.|| ||

So vata Saariputta, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadhismi.m sagaaravo||
appamaade agaaravo bhavissatii ti||
n'eta.m .thaana.m vijjati.|| ||

Yo so Saariputta bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadhismi.m sagaaravo||
appamaade pi so sagaaravo.|| ||

So vata Saariputta, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadismi.m sagaaravo, appamaade sagaaravo||
pa.tisatthaare agaaravo bhavissatii ti||
n'eta.m .thaana.m vijjati.|| ||

Yo so Saariputta, bhikkhuu Satthari sagaaravo, dhamme sagaaravo, sa'nghe sagaaravo, sikkhaaya sagaaravo, samaadismi.m sagaaravo, appamaade sagaaravo||
pa.tisatthaare pi so sagaaravo' ti.|| ||

Imassa kho aha.m Saariputta, Bhagavataa sa'nkhittena bhaasitassa eva.m vitthaarena attha.m aajaanaami.|| ||

Imassa kho Saariputta, sa'nkhittena bhaasitassa eva.m vitthaarena atthaa da.t.thabboti.|| ||

 


Contact:
E-mail
Copyright Statement