Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Mahaa Vaggo

Sutta 69

Sunetta Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Bhuutapubba.m bhikkhave, Sunetto naama satthaa ahosi titthakaro kaamesu viitaraago.|| ||

Sunettassa kho pana bhikkhave, sattuno anekaani saavakasataani ahesu.m.|| ||

Sunetto naama satthaa saavakaana.m Brahmalokasahavyataaya dhamma.m desesi.|| ||

Ye kho pana bhikkhave Sunettassa satthuno Brahmalokasahavyataaya dhamma.m desentassa cittaani na pasaadesu.m,||
te kaayassa bhedaa param mara.naa apaaya.m duggati.m vinipaata.m niraya.m upapajji.msu.|| ||

Ye ko pana bhikkhave Sunettassa satthuno Brahmalokasahavyataaya dhamma.m desentassa cittaani pasaadesu.m,||
te kaayassa bhedaa param mara.naa sugati.m sagga.m loka.m upapajji.msu.|| ||

3. Bhuutapubba.m bhikkhave, Muugapakkho[ed1] naama satthaa ahosi titthakaro kaamesu viitaraago.|| ||

Muugapakkhassa kho pana bhikkhave, sattuno anekaani saavakasataani ahesu.m.|| ||

Muugapakkho naama satthaa saavakaana.m Brahmalokasahavyataaya dhamma.m desesi.|| ||

Ye kho pana bhikkhave Muugapakkhassa satthuno Brahmalokasahavyataaya dhamma.m desentassa cittaani na pasaadesu.m,||
te kaayassa bhedaa param mara.naa apaaya.m duggati.m vinipaata.m niraya.m upapajji.msu.|| ||

Ye ko pana bhikkhave Muugapakkhassa satthuno Brahmalokasahavyataaya dhamma.m desentassa cittaani pasaadesu.m,||
te kaayassa bhedaa param mara.naa sugati.m sagga.m loka.m upapajji.msu.|| ||

Bhuutapubba.m bhikkhave, Aranemi naama satthaa ahosi titthakaro kaamesu viitaraago.|| ||

Aranemassa kho pana bhikkhave, sattuno anekaani saavakasataani ahesu.m.|| ||

Aranemi naama satthaa saavakaana.m Brahmalokasahavyataaya dhamma.m desesi.|| ||

Ye kho pana bhikkhave Aranemassa satthuno Brahmalokasahavyataaya dhamma.m desentassa cittaani na pasaadesu.m,||
te kaayassa bhedaa param mara.naa apaaya.m duggati.m vinipaata.m niraya.m upapajji.msu.|| ||

Ye ko pana bhikkhave Aranemassa satthuno Brahmalokasahavyataaya dhamma.m desentassa cittaani pasaadesu.m,||
te kaayassa bhedaa param mara.naa sugati.m sagga.m loka.m upapajji.msu.|| ||

Bhuutapubba.m bhikkhave, Kuddaalo naama satthaa ahosi titthakaro kaamesu viitaraago.|| ||

Kuddaalassa kho pana bhikkhave, sattuno anekaani saavakasataani ahesu.m.|| ||

Kuddaalo naama satthaa saavakaana.m Brahmalokasahavyataaya dhamma.m desesi.|| ||

Ye kho pana bhikkhave Kuddaalassa satthuno Brahmalokasahavyataaya dhamma.m desentassa cittaani na pasaadesu.m,||
te kaayassa bhedaa param mara.naa apaaya.m duggati.m vinipaata.m niraya.m upapajji.msu.|| ||

Ye ko pana bhikkhave Kuddaalassa satthuno Brahmalokasahavyataaya dhamma.m desentassa cittaani pasaadesu.m,||
te kaayassa bhedaa param mara.naa sugati.m sagga.m loka.m upapajji.msu.|| ||

Bhuutapubba.m bhikkhave, Hatthipaalo naama satthaa ahosi titthakaro kaamesu viitaraago.|| ||

Hatthipaalassa kho pana bhikkhave, sattuno anekaani saavakasataani ahesu.m.|| ||

Hatthipaalo naama satthaa saavakaana.m Brahmalokasahavyataaya dhamma.m desesi.|| ||

Ye kho pana bhikkhave Hatthipaalassa satthuno Brahmalokasahavyataaya dhamma.m desentassa cittaani na pasaadesu.m,||
te kaayassa bhedaa param mara.naa apaaya.m duggati.m vinipaata.m niraya.m upapajji.msu.|| ||

Ye ko pana bhikkhave Hatthipaalassa satthuno Brahmalokasahavyataaya dhamma.m desentassa cittaani pasaadesu.m,||
te kaayassa bhedaa param mara.naa sugati.m sagga.m loka.m upapajji.msu.|| ||

Bhuutapubba.m bhikkhave, Jotipaalo naama satthaa ahosi titthakaro kaamesu viitaraago.|| ||

Jotipaalassa kho pana bhikkhave, sattuno anekaani saavakasataani ahesu.m.|| ||

Jotipaalo naama satthaa saavakaana.m Brahmalokasahavyataaya dhamma.m desesi.|| ||

Ye kho pana bhikkhave Jotipaalassa satthuno Brahmalokasahavyataaya dhamma.m desentassa cittaani na pasaadesu.m,||
te kaayassa bhedaa param mara.naa apaaya.m duggati.m vinipaata.m niraya.m upapajji.msu.|| ||

Ye ko pana bhikkhave Jotipaalassa satthuno Brahmalokasahavyataaya dhamma.m desentassa cittaani pasaadesu.m,||
te kaayassa bhedaa param mara.naa sugati.m sagga.m loka.m upapajji.msu.|| ||

Bhuutapubba.m bhikkhave, Arako naama satthaa ahosi titthakaro kaamesu viitaraago.|| ||

Arakassa kho pana bhikkhave, sattuno anekaani saavakasataani ahesu.m.|| ||

Arako naama satthaa saavakaana.m Brahmalokasahavyataaya dhamma.m desesi.|| ||

Ye kho pana bhikkhave Arakassa satthuno Brahmalokasahavyataaya dhamma.m desentassa cittaani na pasaadesu.m,||
te kaayassa bhedaa param mara.naa apaaya.m duggati.m vinipaata.m niraya.m upapajji.msu.|| ||

Ye ko pana bhikkhave Arakassa satthuno Brah- [136] malokasahavyataaya dhamma.m desentassa cittaani pasaadesu.m,||
te kaayassa bhedaa param mara.naa sugati.m sagga.m loka.m upapajji.msu.

4. Ta.m ki.m ma~n~natha bhikkhave,||
yo ime satta satthaare titthakare kaamesu viitaraage anekasataparivaare sasaavakasa'nghe du.t.thacitto akakoseyya paribhaaseyya,||
bahu.m so apu~n~na.m pasaceyyaa ti?|| ||

Eva.m bhante.|| ||

Ta.m ki.m ma~n~natha bhikkhave,||
yo ime satta satthaare titthakare kaamesu viitaraage anekasataparivaare sasaavakasa'nghe du.t.thacitto akakoseyya paribhaaseyya,||
bahu.m so apu~n~na.m pasaceyya,||
yo eka.m di.t.thisampanna.m puggala.m du.t.thacitto akkosati paribhaasati,||
aya.m tato bahutara.m apu~n~na.m pasavati.|| ||

Ta.m kissa hetu?|| ||

Naaha.m bhikkhave, ito bahiddhaa evaruupi.m khanti.m vadaami,||
yathaa amha.m sabrahmacaarisu.|| ||

Tasmaa ti ha bhikkhave, eva.m sikkhitabba.m:|| ||

Na no sabrahmacaarisu cittaani padu.t.thaani bhavissantii ti.|| ||

Eva.m hi ho bhikkhave, sikkhitabban ti.|| ||

 


[ed1] I am not certain that I have got the endings for the names of the following teachers correctly. PTS gives only the first case, and BJT has followed the first intoduction of a new name with the text, name and case of Muugapakkho through to Arako.

 


Contact:
E-mail
Copyright Statement