Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Vinaya Vaggo

Sutta 78

Catuttha Vinayadhara Sobhana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Sattahi bhikkhave, dhammehi samannaagato bhikkhuu vinayadharo sobhati.|| ||

Katamehi sattahi?|| ||

Aapatti.m jaanaati,||
anaapatti.m jaanaati,||
lahuka.m aapatti.m jaanaati,||
garuka.m aapatti.m jaanaati,||
Anekavihita.m pubbenivaasa.m anussarati.|| ||

Seyyath'ida.m: ekam pi jaati dve pi jaatiyo Tisso pi jaatiyo vatassopi jaatiyo pa~nca pi jaatiyo dasa pi jaatiyo viisampi jaatiyo ti.msam pi jaatiyo cattaariisam pi jaatiyo pa~n~naasam pi jaatiyo jaati-satam pi jaati-sahassam pi jaati-sata-sahassam pi anekepi sa.mva.t.takappe anekepi viva.t.takappe anekepi sa.mva.t.ta-viva.t.takappe.|| ||

Amutraasi.m eva.m-naamo, eva.m-gotto eva.m-va.n.no evam-aahaaro eva.m-sukha-dukkha-pa.tisa.mvedii evam-aayu-pariyanto.|| ||

So tato cuto amutra upapaadi.m,||
tatraapaasi.m eva.m-naamo eva.m-gotto eva.mva.na.no evam-aahaaro eva.m-sukha-dukkha-pa.tisa.mvedii evam-aayu-pariyanto.|| ||

So tato cuto idhuupapannoti.|| ||

Iti saakaara.m sa-uddesa.m aneka-vihita.m pubbenivaasa.m anussarati.|| ||

Dibbena cakkhunaa visuddhena atikkantamaanusakena satte passati cavamaane uppajjamaane hine pa.nite suva.n.ne dubba.n.ne sugate duggate yathaakammuupage satte pajaanaati.|| ||

Aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Imehi kho bhikkhave, sattahi dhammehi samannaagato bhikkhuu vinayadharo sobhatii ti.|| ||

 


Contact:
E-mail
Copyright Statement