Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
I: Mettaa Vagga

Namo tassa Bhagavato arahato sammaa sambuddhassa

Sutta 1

Mettaa-Nisa.msa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Mettaaya bhikkhave ceto-vimuttiyaa aasevitaaya bhaavitaaya bahuliikataaya yaaniikataaya vatthukataaya anu.t.thitaaya paricitaaya susamaaraddhaaya a.t.thaanisa.msaa paa.tika'nkhaa.|| ||

Katame a.t.tha?|| ||

Sukha.m supati,||
sukha.m pa.tibujjhati,||
na paapaka.m supina.m passati,||
manussaana.m piyo hoti,||
amanussaana.m piyo hoti,||
devataa rakkhanti,||
naassa aggi vaa visa.m vaa sattha.m vaa kamati,||
uttari.m appa.tivijjhanto brahmalokuupago hoti.|| ||

Mettaaya bhikkhave ceto-vimuttiyaa aasevitaaya bhaavitaaya bahuliikataaya yaaniikataaya vatthukataaya anu.t.thitaaya paricitaaya susamaaraddhaaya ime a.t.thaanisa.msaa paa.tika'nkhaa ti.|| ||

Yo ca metta.m bhaavayati,||
appamaa.na.m patissato||
Tanuu sa.myojanaa honti,||
passato upadhikkhaya.m.|| ||

Ekam pi ce paa.nam adu.t.thacitto,||
mettaayati kusalii tena hoti,||
Sabbe'va paa.ne manasaanukampii,||
pahuutamariyo pakaroti pu~n~na.m.|| ||

Ye sattasa.n.da.m pa.thavi.m vijetvaa,||
raajiisayo yajamaanaanupariyayaa,||
Assamedha.m purisamedha.m,||
sammaapaasa.m vaacapeyya.m niragga.la.m.|| ||

Mettassa cittassa subhaavitassa,||
kalam pi te naanubhavanti so.lasi.m,||
Candappabhaa taaraga.naa va sabbe.|| ||

Yo na hanti na ghaateti,||
na jinaati na jaapaye,||
Metta.mso sabbabhuutaana.m,||
vera.m tassa na kenacii ti.|| ||

 


Contact:
E-mail
Copyright Statement