Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
I: Mettaa Vagga

Sutta 2

Aadibrahmacariya-Pa~n~naa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

A.t.th'ime bhikkhave, hetu a.t.tha paccayaa aadibrahmacariyikaaya pa~n~naaya appa.tiladdhaaya pa.tilaabhaaya,||
pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattanti.|| ||

Katame a.t.tha?|| ||

2. Idha, bhikkhave,, bhikkhu satthaara.m upanissaaya viharati,||
a~n~natara.m vaa garu.t.thaaniya.m sabrahmacaari.m yatth'assa tibba.m hirottappa.m paccupa.t.thita.m hoti pema~nva gaaravo ca.|| ||

Aya.m bhikkhave, pa.thamo hetu pa.thamo paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

[152]2. So ta.m satthaara.m upanissaaya viharati a~n~natara.m vaa garu.t.thaaniya.m sabrahmacaari.m,||
yatth'assa tibba.m hirottappa.m paccupa.t.thita.m hoti.|| ||

Pema~n ca gaaravo ca,||
te kaalena kaala.m upasa'nkamitvaa paripucchati,||
paripa~nhati.|| ||

Ida.m bhante katha.m?|| ||

Imassa kvattho ti?|| ||

Tassa te aayasmanto aviva.ta.m c'eva vivaranti.|| ||

Anuttaaniikata.m ca uttaanii.m karontii ti.|| ||

Anekavihitesu ka'nkha.t.thaaniiyesu dhammse ka'nkha.m pa.tivinodenti.|| ||

Aya.m bhikkhave, dutiyo hetu dutiyo paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

3. So ta.m dhamma.m sutvaa dvayena vuupakaasena sampaadeti,||
kaayavuupakaasena ca cittavuupakaasena ca.|| ||

Aya.m bhikkhave, tatiyo hetu tatiyo paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

4. Siilavaa ca hoti paatimokkha-sa.mvara-sa.mvuto viharati,||
aacaara-gocara-sampanno a.numattesu vajjesu bhaya-dassaavii samaadaaya sikkhati sikkhaapadesu.|| ||

Aya.m bhikkhave, catuttho hetu catuttho paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

5. Bahussuto hoti sutadharo sutasannicayo,||
ye te dhammaa aadikalyaa.naa majjhekalyaa.naa pariyosaanakalyaa.naa saattha.m savya~njana.m kevalaparipu.n.na.m parisuddha.m brahmacariya.m abhivadanti,||
tathaaruupassa dhammaa bahussutaa honti.|| ||

Dhataa vacasaa paricitaa manasaanupekkhitaa di.t.thiyaa suppa.tividdhaa.|| ||

Aya.m bhikkhave, pa~ncamo hetu pa~ncamo paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

6. Aaraddhaviriyo [153] viharati akusalaana.m dhammaana.m pahaanaaya kusalaana.m dhammaana.m upasampadaaya thaamavaa da.lhaparakkamo anikkhittadhuro kusalesu dhammesu.|| ||

Aya.m bhikkhave, cha.t.tho hetu cha.t.tho paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

7. Sa.mghagato kho pana anaanaakathiko hoti,||
atiracchaanakathiko hoti,||
saama.m vaa dhamma.m bhaasati,||
para.m vaa ajjhesati,||
ariya.m vaa tu.nhiibhaava.m naatima~n~nati.|| ||

Aya.m bhikkhave, sattamo hetu sattamo paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

8. Pa~ncasu kho pana upaadaanakkhandhesu udayabbayaanupassii viharati "Iti ruupa.m,||
iti ruupassa samudayo,||
iti ruupassa atthagamo,||
iti vedanaa,||
iti vedanaaya samudayo,||
iti vedanaaya atthagamo,||
iti sa~n~naa iti sa~n~naaya samudayo,||
iti sa~n~naaya atthagamo,||
iti sankhaaraa,||
iti sankhaaraana.m samudayo iti sankhaaraana.m atthagamo,||
iti vi~n~naa.na.m,||
iti vi~n~naa.nassa samudayo,||
vi~n~naa.nassa atthagamo'ti.|| ||

Aya.m bhikkhave, a.t.thamo hetu a.t.thamo paccayo aadibrahmacariyikaaya pa~n~naaya appa.tiladdhaaya pa.tilaabhaaya pa.tiladdhaaya bhiyyo bhaavaaya vepullaaya bhaavanaaya paaripuuriyaa sa.mvattati.|| ||

Tam ena.m sabrahmacaarii eva.m sambhaavayanti:||
"aya.m kho aayasmaa satthaara.m upanissaaya viharati,||
a~n~natara.m vaa garu.t.thaaniya.m sabrahmacaari.m,||
yatth'assa tibba.m hirottappa.m paccupa.t.thita.m hoti pema~nca gaaravo ca.|| ||

Addhaa ayamaayasmaa jaana.m jaanaati passa.m passatii" ti.|| ||

Ayam pi dhammo piyattaaya garuttaaya bhaavanaaya saama~n~naaya ekiibhaavaaya sa.mvattati.|| ||

Ta.m kho panaayamaayasmaa satthaara.m upanissaaya viharanto a~n~natara.m vaa garu.t.thaaniya.m sabrahmacaari.m yatth'assa tibba.m hirottappa.m paccupa.t.thita.m hoti pema~n ca [154] gaaravo ca,||
te kaalena kaala.m upasa'nkamitvaa paripucchati paripa~nhati:|| ||

Ida.m bhante katha.m?|| ||

Imassa kvatthoti?"|| ||

Tassa te aayasmanto aviva.ta.m c'eva vivaranti,||
anuttaaniikata~n ca uttaanii.m karontii ti.|| ||

Anekavihitesu ca ka'nkhaa.thaaniyesu dhammesu ka'nkha.m pa.tivinodenti addhaa ayamaayasmaa jaana.m jaanaati passa.m passatii ti.|| ||

Ayam pi dhammo piyattaaya garuttaaya bhaavanaaya saama~n~naaya ekiibhaavaaya sa.mvattati.|| ||

 


Contact:
E-mail
Copyright Statement