Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
I: Mettaa Vagga

Sutta 3

Pa.thama Piya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


[155]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. A.t.thahi bhikkhave, dhammehi samannaagato bhikkhu sabrahmacaariina.m appiyo ca hoti,||
amanaapo ca||
agaru ca||
abhaavaniiyo ca.|| ||

Katamehi a.t.thahi?|| ||

3. Idha bhikkhave, bhikkhu appiyapasa.msii ca hoti.||
piyagarahii ca||
laabhakaamo ca||
sakkaarakaamo ca||
ahiriko ca||
anottappii ca||
paapiccho ca||
micchaadi.t.thii ca.|| ||

Imehi kho bhikkhave, a.t.thahi dhammehi samannaagato bhikkhu sabrahmacaariina.m appiyo ca hoti||
amanaapo ca||
agaru ca||
abhaavaniiyo ca.|| ||

4. A.t.thahi bhikkhave, dhammehi samannaagato bhikkhu sabrahmacaariina.m piyo ca hoti||
manaapo ca||
garu ca||
bhaavaniiyo ca.|| ||

Katamehi a.t.thahi?|| ||

5. Idha, bhikkhave, bhikkhu na appiyapasa.msii ca hoti||
na piyagarahii ca||
na laabhakaamo ca||
na sakkaarakaamo ca,||
hirimaa ca hoti||
ottappii ca||
appiccho ca||
sammaadi.t.thii ca.|| ||

Imehi kho bhikkhave, a.t.thahi dhammehi samannaagato bhikkhu sabrahmacaariina.m piyo ca hoti,||
manaapo ca||
garu ca||
bhaavaniiyo caa ti.|| ||

 


Contact:
E-mail
Copyright Statement