Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
I: Mettaa Vagga

Sutta 10

Kaara.n.dava Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][bodh] Eva.m me suta.m:|| ||

Eka.m samaya.m Bhagavaa Campaaya.m viharati Gaggaraaya pokkhara.niyaa tiire.|| ||

Tena kho pana samayena bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano a~n~nena~n~na.m pa.ticarati,||
bahiddhaa katha.m apanaameti,||
kopa~n ca dosa~n ca appaccaya~n ca paatukaroti.|| ||

Atha kho Bhagavaa bhikkhu aamantesi:|| ||

2. Niddhamath'eta.m bhikkhave puggala.m,||
niddhamath'eta.m bhikkhave, puggala.m.|| ||

Apaneyyo so bhikkhave puggalo.|| ||

Ki.m vo paraputta vihe.theti?|| ||

Idha, bhikkhave, ekaccassa puggalassa taadisa.m yeva hoti||
abhikkanta.m pa.tikkanta.m aalokita.m vilokita.m sammi~njita.m pasaarita.m sa.mghaa.tipatta ciivaradhaara.na.m,||
seyyathaa pi a~n~nesa.m bhaddakaana.m bhikkhuuna.m,||
yaav'assa bhikkhuu aapatti.m na passanti,||
yato ca khvaassa bhikkhuu aapatti.m passanti,||
tam ena.m eva.m jaananti:|| ||

'Sama.naduusii'vaaya.m sama.napalaapo sama.nakaara.na.davo' ti.|| ||

Tam ena.m iti viditvaa bahiddhaa naasenti.|| ||

Ta.m kissa hetu?|| ||

Maa a~n~ne bhaddake bhikkhuu duusesii ti.|| ||

3. Seyyathaa pi, bhikkhave, sampanne yavakara.ne yavaduusii jaayetha,||
yavapalaapo yavakaara.n.davo.|| ||

Tassa taadisa.m yeva muula.m hoti,||
seyyathaa pi a~n~nesa.m bhaddakaana.m yavaana.m,||
Taadisa.m yeva naala.m hoti,||
seyyathaa pi a~n~nesa.m bhaddakaana.m yavaana.m,||
taadisa.m yeva patta.m hoti,||
seyyathaa pi a~n~nesa.m bhaddakaana.m yavaana.m,||
yaav'assa siisa.m na nibbattati,||
yato ca khvaassa siisa.m nibbattati.|| ||

Tam ena.m eva.m jaatanti:|| ||

'Yavaduusii'vaaya.m yavapalaapo yavakaara.n.davo' ti.|| ||

Tam ena.m iti viditvaa samuula.m uppaa.tetvaa bahiddhaa yavakara.nassa cha.d.dhenti.|| ||

Ta.m kissa hetu?|| ||

Maa a~n~ne bhadrake yave duusesii ti.|| ||

Evam eva kho bhikkhave idh'ekaccassa puggalassa taadisa.m yeva hoti||
abhikkanta.m pa.tikkanta.m aalokita.m vilokita.m sammi~njita.m pasaarita.m sanghaa.tipatta ciivaradhaara.na.m,||
seyyathaa pi a~n~nesa.m bhaddakaana.m bhikkhuuna.m||
yaav'assa bhikkhuu aapatti.m na passanti,||
yato ca khvaassa bhikkhuu aapatti.m passanti,||
tam ena.m eva.m jaananti:|| ||

'Sama.nadusii'vaaya.m sama.napalaapo sama.nakaara.n.davo' ti.|| ||

Tam ena.m iti viditvaa bahiddhaa naasenti.|| ||

Ta.m kissa hetu?|| ||

Maa a~n~ne bhadrake bhikkhuu duusesii ti.|| ||

4. Seyyathaa pi, bhikkhave, mahato dha~n~naraasissa vuuvamaanassa tattha yaani taani dha~n~naani da.lhaani saaravantaani,||
taani eka-m-anta.m pu~nja.m hoti,||
yaani pana taani dha~n~naani dubbalaani palaapaani,||
taani vaato eka-m-anta.m apavahati.|| ||

Tam ena.m saamikaa saamikaa sammajjani.m gahetvaa bhiyyo somattaaya apasammajjanti.|| ||

Ta.m kissa hetu?|| ||

Maa a~n~ne bhadrake dha~n~ne duusesii ti.|| ||

Evam eva kho bhikkhave idh'ekaccassa puggalassa taadisa.m yeva hoti||
abhikkanta.m pa.tikkanta.m aalokita.m vilokita.m sammi~njita.m pasaarita.m sanghaa.tipatta ciivaradhaara.na.m,||
seyyathaa pi a~n~nesa.m bhaddakaana.m bhikkhuuna.m||
yaav'assa bhikkhuu aapatti.m na passanti,||
yato ca khvaassa bhikkhuu aapatti.m passanti,||
tam ena.m eva.m jaananti:|| ||

'Sama.nadusii'vaaya.m sama.napalaapo sama.nakaara.n.davo' ti.|| ||

Tam ena.m iti viditvaa bahiddhaa naasenti.|| ||

Ta.m kissa hetu?|| ||

Maa a~n~ne bhadrake bhikkhuu duusesii ti.|| ||

5. Seyyathaa pi, bhikkhave, puriso udapaanapa.naaliyaa atthiko ti.nha.m ku.thaari.m aadaaya vana.m paviseyya,||
so ta.m tad eva rukkha.m ku.thaaripaasena aako.teti.|| ||

Tattha yaani taani rukkhaani da.lhaani saaravantaani,||
ku.thaaripaasena aako.titaani kakkhala.m pa.tinadanti,||
yaani taani rukkhaani antopuutiini avassutaani kasambujaataani,||
taani ku.thaaripaasena aako.titaani daddara.m pa.tinadanti.|| ||

Tam ena.m muule chindati,||
muule chinditvaa agge chindati,||
agge chinditvaa anto suvisodhita.m visodheti,||
anto suvisodhita.m visodhetvaa udapaanapa.naali.m yojeti.|| ||

Evam eva kho bhikkhave idh'ekaccassa puggalassa taadisa.m yeva hoti||
abhikkanta.m pa.tikkanta.m aalokita.m vilokita.m sammi~njita.m pasaarita.m sanghaa.tipatta ciivaradhaara.na.m,||
seyyathaa pi a~n~nesa.m bhaddakaana.m bhikkhuuna.m||
yaav'assa bhikkhuu aapatti.m na passanti,||
yato ca khvaassa bhikkhuu aapatti.m passanti,||
tam ena.m eva.m jaananti:|| ||

'Sama.nadusii'vaaya.m sama.napalaapo sama.nakaara.n.davo' ti.|| ||

Tam ena.m iti viditvaa bahiddhaa naasenti.|| ||

Ta.m kissa hetu?|| ||

Maa a~n~ne bhadrake bhikkhuu duusesii ti.|| ||

Sa.mvaasaaya.m vijaanaatha, paapiccho kodhano iti,||
Makkhii thambhii palaasii ca issukii maccharii sa.tho||
Sanhavaaco janavati, sama.no viya bhaasati,||
Raho karoti ka.tana.m paapadi.t.thi anaadaro.||
Sa.msappii ca musaavaadii, ta.m viditvaa yathaa katha.m?||
Sabbe samaggaa hutvaana, abhinibbajjayaatha na.m.||
Kaara.n.dava.m niddhamatha, kasambu~n aapakassatha.||
Tato palaape vaahetha, assama.ne sama.namaanino||
Niddhamitvaana paapicche, paapa-akaacaaragocare,||
Suddhaasuddhehi sa.mvaasa.m, kappayavho patissataa Tato samaggaa nipakaa, dukkhass'anta.m karissathaa ti.|| ||

 


Contact:
E-mail
Copyright Statement