Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
II: Mahaa Vagga

Sutta 14

Khalu'nka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. A.t.tha ca bhikkhave assakhalu'nke desissaami a.t.tha ca assadose,||
a.t.tha ca purisakha.lu'nke a.t.tha ca purisadose,||
ta.m su.naatha saadhuka.m manasi karotha bhaasissaamii ti.|| ||

'Eva.m bhante' ti kho te bhikkhu Bhagavato paccassosu.m.|| ||

Bhagavaa etad avoca:|| ||

3. Katame ca bhikkhave, a.t.tha assakha.lu'nkaa a.t.tha ca assadosaa?|| ||

Idha, bhikkhave, ekacco assakha.lu'nko 'pehii' ti vutto viddho samaano codito saarathinaa,||
pacchato pa.tisakkati,||
[191] pi.t.thito ratha.m pa.tivatteti.|| ||

Evaruupo pi bhikkhave idh'ekacco assakha.lu'nko hoti.|| ||

Aya.m bhikkhave, pa.thamo assadoso.|| ||

4. Puna ca para.m bhikkhave,||
idh'ekacco assakha.lu'nko 'pehi' ti vutto viddho samaano codito saarathinaa,||
pacchaa la.mghati,||
kubbara.m hanti.|| ||

Tida.n.da.m bha~njati.|| ||

Evaruupo pi bhikkhave,||
idh'ekacco assakhalu.dko hoti.|| ||

Aya.m bhikkhave, dutiyo assadoso.|| ||

5. Puna ca para.m bhikkhave,||
idh'ekacco assakha.lu'nko 'pehi' ti vutto viddho samaano codito saarathinaa,||
rathisaaya satthi.m ussajjitvaa,||
rathisa.m yeva ajjhomaddati.|| ||

Evaruupo pi bhikkhave, idh'ekacco assakha.lu'nko hoti.|| ||

Aya.m bhikkhave, tatiyo assadoso.|| ||

6. Puna ca para.m bhikkhave,||
idh'ekacco assakha.lu'nko 'pehii' ti vutto viddho samaano codito saarathinaa,||
ummagga.m ga.nhaati,||
ubba.tuma.m ratha.m karoti.|| ||

Evaruupo pi bhikkhave, idh'ekacco assakha.lu'nko hoti.|| ||

Aya.m bhikkhave, catuttho assadoso.|| ||

7. Puna ca para.m bhikkhave,||
idh'ekacco assakha.lu'nko 'pehii' ti vutto viddho samaano codito saarathinaa,||
la'nghati purima.m kaaya.m,||
pagga.nhaati purime paade.|| ||

Evaruupo pi bhikkhave, idh'ekacco assakha.lu'nko hoti.|| ||

Aya.m bhikkhave, pa~ncamo assadoso.|| ||

8. Puna ca para.m bhikkhave,||
idh'ekacco assakha.lu'nko 'pehi' ti vutto viddho samaano codito saarathinaa,||
anaadiyitvaa saarathii.m anaadiyitvaa patoda.m dantehi mukhaadhaana.m [192] viddha.msitvaa,||
yenakaama.m pakkamati.|| ||

Evaruupo pi bhikkhave, idh'ekacco assakha.lu'nko hoti.|| ||

Aya.m bhikkhave, cha.t.tho assadoso.|| ||

9. Puna ca para.m bhikkhave idh'ekacco assakha.lu'nko 'pehi' ti vutto viddho samaano codito saarathinaa,||
n'eva abhikkamati,||
no pa.tikkamati,||
tatth'eva khiila.t.thaayii .thito hoti.|| ||

Evaruupo pi bhikkhave, idh'ekacco assakha.lu'nko hoti.|| ||

Aya.m bhikkhave, sattamo assadoso.|| ||

10. Puna ca para.m bhikkhave idh'ekacco assakha.lu'nko 'pehi' ti vutto viddho samaano codito saarathinaa,||
purime ca paade sa.mharitvaa pacchime ca paade sa.mharitvaa tatth'eva cattaaro paade abhinisiidati.|| ||

Evaruupo pi bhikkhave, idh'ekacco assakha.lu'nko hoti.|| ||

Aya.m bhikkhave, a.t.thamo assadoso.|| ||

Ime kho bhikkhave,||
a.t.tha assakha.lu'nkaa a.t.tha ca assadosaa.|| ||

 


 

11. Katame ca bhikkhave a.t.tha ca purisakha.lu'nkaa,||
a.t.tha ca purisadosaa?|| ||

Idha, bhikkhave, bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano:|| ||

'Na saraamii na saraamii' ti asatiyaa'va nibbe.theti.|| ||

Seyyathaa pi so bhikkhave,||
assakha.lu'nko 'pehii' ti vutto viddho samaano codito saarathinaa,||
pacchato pa.tisakkati,||
pi.t.thito ratha.m pa.tivatteti.|| ||

Tathuupamaaha.m bhikkhave, ima.m puggala.m vadaami.|| ||

Evaruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, pa.thamo purisadoso.|| ||

12. Puna ca para.m bhikkhave bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano [193] codaka.m yeva pa.tippharati:|| ||

'Ki.m nu kho tuyha.m baalassa akhyattassa bha.nitena,||
tvam pi naama bha.nitabba.m ma~n~nasii' ti?|| ||

Seyyathaa pi so bhikkhave assakha.lu'nko pehiiti vutto viddho samaano codito saarathinaa,||
pacchaa la.lghi,||
pati kubbara.m hanti,||
tida.n.da.m bha~njati.|| ||

Tathuupamaaha.m bhikkhave ima.m puggala.m vadaami.|| ||

Evaruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, dutiyo purisadoso.|| ||

13. Puna ca para.m bhikkhave,||
bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano codakass'eva paccaaropeti:|| ||

'Tvam pi kho'si itthannaama.m aapatti.m aapanno.|| ||

Tva.m taava pa.thama.m pa.tikarohii' ti.|| ||

Seyyathaa pi so bhikkhave,||
assakha.lu'nko 'pehii' ti vutto viddho samaano codito saarathinaa||
rathisaaya satthi.m ussajjitvaa rathisa.m yeva ajjhomaddati.|| ||

Tathuupamaaha.m bhikkhave, ima.m puggala.m vadaami.|| ||

Evaruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, tatiyo purisadoso.|| ||

14. Puna ca para.m bhikkhave,||
bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano a~n~nen'a~n~na.m pa.ticarati,||
bahiddhaa katha.m apanaameti,||
kopa~n ca dosa~n ca appaccaya.m ca paatukaroti.|| ||

Seyyathaa pi so bhikkhave,||
assakha.lu'nko pehiiti vutto viddho samaano codito saarathinaa,||
ummagga.m ga.nhaati,||
ubba.tuma.m ratha.m karoti.|| ||

Tathuupamaaha.m bhikkhave, ima.m puggala.m vadaami.|| ||

Evaruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, catuttho purisadoso.|| ||

15. Puna ca para.m bhikkhave,||
bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano sa'nghamajjhe baahaavikkhepa.m bha.nati.|| ||

Seyyathaa pi so [194] bhikkhave assakha.lu'nko 'pehii' ti vutto viddho samaano codito saarathinaa,||
la'nghati purima.m kaaya.m,||
pagga.nhaati purime paade.|| ||

Tathuupamaaha.m bhikkhave, ima.m puggala.m vadaami.|| ||

Evaruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, pa~ncamo purisadoso.|| ||

16. Puna ca para.m bhikkhave,||
bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano anaadiyitvaa sa'ngha.m anaadiyitvaa codaka.m saapattiko va yenakaama.m pakkamati.|| ||

Seyyathaa pi so bhikkhave, assakha.lu'nko 'pehii' ti vutto viddho samaano codito saarathinaa,||
anaadiyitvaa saarathi.m
anaadiyitvaa patoda.m dantehi mukhaadhaana.m vida.msitvaa,||
yenakaama.m pakkamati.|| ||

Tathuupamaaha.m bhikkhave, ima.m puggala.m vadaami.|| ||

Eva ruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, cha.t.tho purisadoso.|| ||

17. Puna ca para.m bhikkhave bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano:|| ||

'Nevaaha.m aapanno'mhi,||
na panaaha.m aapanno'mhii' ti.|| ||

So tu.nhibhaavena sa'ngha.m viheseti.|| ||

Seyyathaa pi so bhikkhave,||
assakha.lu'nko 'pehii' ti vutto viddho samaano codito saarathinaa,||
n'eva abhikkamati,||
no pa.tikkamati,||
tatth'eva khiila.t.thaayii .thito hoti.|| ||

Tathuupamaaha.m bhikkhave, ima.m puggala.m vadaami.|| ||

Evaruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, sattamo purisadoso.|| ||

18. Puna ca para.m bhikkhave bhikkhuu bhikkhu.m aapattiyaa codenti.|| ||

So bhikkhu bhikkhuuhi aapattiyaa codiyamaano evam [195] aaha:|| ||

'Ki.m nu kho tumhe aayasmanto atibaa.lha.m mayi vyaava.taa yava,||
idaanaaha.m sikkha.m paccakkhaaya hiinaayaavattissaamii' ti?|| ||

So sikkha.m paccakkhaaya hiinaayaavattitvaa evam aaha:|| ||

'Idaani kho tumhe aayasmanto attamanaa hothaa' ti.|| ||

Seyyathaa pi so bhikkhave assakha.lu'nko 'pehii' ti vutto viddho samaano codito saarathinaa purime ca paade sa.mharitvaa pacchime ca paade sa.mharitvaa tatth'eva cattaaro paade abhinisiidati.|| ||

Tathuupamaaha.m bhikkhave, ima.m puggala.m vadaami.|| ||

Evaruupo pi bhikkhave, idh'ekacco purisakha.lu'nko hoti.|| ||

Aya.m bhikkhave, a.t.thamo purisadoso.|| ||

Ime kho bhikkhave, a.t.tha purisakha.lu'nkaa a.t.tha ca purisadosaa ti.|| ||

 


Contact:
E-mail
Copyright Statement