Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
III: Gahapati-Vagga

Sutta 24

Hatthaka-Aa.lavaka Sa'ngahavatthu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


[218]

[1][pts][than][bodh] Eka.m samaya.m Bhagavaa Aa.laviya.m viharati Aggaalave cetiye.|| ||

Atha kho Hatthako Aa.lavako pa~nca-mattehi upaa- [219] sakasatehi parivuto yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho Hatthaka.m Aa.lavaka.m Bhagavaa etad avoca:|| ||

2. Mahatii kho tyaaya.m Hatthaka, parisaa,||
katha.m pana tva.m Hatthaka,||
ima.m mahati.m parisa.m sa'nga.nhaahii ti?|| ||

'Yaan'imaani bhante,||
Bhagavataa desitaani cattaari sa'ngahavatthuuni,||
tenaaha.m ima.m parisa.m sa'nga.nhaami.|| ||

Aha.m bhante, ya.m jaanaami,||
"aya.m daanena sa'ngahetabbo" ti,||
ta.m daanena sa'nga.nhaami;||
ya.m jaanaami||
"aya.m peyyavajjena sa'ngahetabbo" ti,||
ta.m peyyavajjena sa'nga.nhaami;||
ya.m jaanaami||
"aya.m atthacariyaaya sa'ngahetabbo" ti||
ta.m atthacariyaaya sa'nga.nhaami;||
ya.m jaanaami||
"aya.m samaanattataaya sa'ngahetabbo" ti||
ta.m samaanattataaya sa'nga.nhaami.|| ||

Sa.mvijjanti kho pana me bhante, kule bhogaa,||
daliddassa kho no tathaa sotabba.m ma~n~nantii' ti.|| ||

3. Saadhu saadhu Hatthaka,||
yoni kho tyaaya.m Hatthaka,||
mahati.m parisa.m sa'ngahetu.m.|| ||

Ye hi keci Hatthaka,||
atiitam addhaana.m parisa.m sa'ngahesu.m,||
sabbe te imeh'eva catuuhi sa'ngahavatthuuhi mahati.m parisa.m sa'ngahesu.m.|| ||

Ye pi hi keci Hatthaka,||
anaagatam addhaana.m mahati.m parisa.m sa'ngahessanti,||
sabbe te imeh'eva catuuhi sa'ngahavatthuhi mahati.m parisa.m sa'ngahi'ssanti.|| ||

Ye pi hi keci Hatthaka,||
etarahi mahati.m parisa.m sa'nga.nhanti,||
sabbe te imeh'eva catuuhi sa'ngahavatthuuhi mahati.m parisa.m sa'nga.nhantii ti.|| ||

4. Atha kho Hatthako Aa.lavako Bhagavataa dhammiyaa kathaaya sandassito samaadapito samuttejito sampaha.msito u.t.thaay aasanaa Bhagavanta.m abhivaadetvaa padakkhi.na.m katvaa [220] pakkaami.|| ||

Atha kho Bhagavaa acirapakkante hatthake Aa.lavake bhikkhuu aamantesi:|| ||

5. A.t.thahi bhikkhave, acchariyehi abbhutehi dhammehi samannaagata.m Hatthaka.m Aa.lavaka.m dhaaretha.|| ||

Katamehi a.t.thahi?|| ||

6. Saddho bhikkhave, Hatthako Aa.lavako,||
siilavaa bhikkhave, Hatthako Aa.lavako,||
hirimaa bhikkhave, Hatthako Aa.lavako,||
ottappii bhikkhave, Hatthako Aa.lavako,||
bahussuto bhikkhave, Hatthako Aa.lavako,||
caagavaa bhikkhave, Hatthako Aa.lavako,||
pa~n~navaa bhikkhave, Hatthako Aa.lavako.|| ||

Imehi kho bhikkhave, a.t.thahi acchariyehi abbhutehi dhammehi samannaagata.m Hatthaka.m Aa.lavaka.m dhaarethaa ti.|| ||

 


Contact:
E-mail
Copyright Statement