Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
III: Gahapati-Vagga

Sutta 29

Akkha.na Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


[225]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Kha.nakicco loko kha.nakicco loko ti bhikkhave,||
assutavaa puthujjano bhaasati,||
no ca kho so jaanaati kha.na.m vaa akkha.na.m vaa.|| ||

A.t.th'ime bhikkhave, akkha.naa asamayaa brahmacariyavaasaaya.|| ||

Katame a.t.tha?|| ||

3. Idha, bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadammasaarathii||
Satthaa deva-manussaana.m||
buddho||
Bhagavaa,||

dhammo ca desiiyati opasamiko parinibbaayiko sambodhagaamii sugatappavedito,||
aya.m ca puggalo niraya.m upapanno hoti.|| ||

Aya.m bhikkhave, pa.thamo akkha.no asamayo brahmacariyavaasaaya.|| ||

[226] 4. Puna ca para.m bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadammasaarathii||
Satthaa deva-manussaana.m||
buddho||
Bhagavaa,||
dhammo ca desiiyati opasamiko parinibbaayiko sambodhagaamii sugatappavedito,||
aya.m ca puggalo niraya.m upapanno hoti.|| ||

Aya.m bhikkhave, dutiyo akkha.no asamayo brahmacariyavaasaaya.|| ||

5. Puna ca para.m bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadammasaarathii||
Satthaa deva-manussaana.m||
buddho||
Bhagavaa,||
dhammo ca desiiyati opasamiko parinibbaayiko sambodhagaamii sugatappavedito,||
aya~n ca puggalo pettivisaya.m upapanno hoti.|| ||

Aya.m bhikkhave, tatiyo akkha.no asamayo brahmacariyavaasaaya.|| ||

6. Puna ca para.m bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadammasaarathii||
Satthaa deva-manussaana.m||
buddho||
Bhagavaa,||
dhammo ca desiiyati opasamiko parinibbaayiko sambodhagaamii sugatappavedito,||
aya~n ca puggalo a~n~natara.m diighaayuka.m devanikaaya.m upapanno hoti.|| ||

Aya.m bhikkhave catuttho akkha.no asamayo brahmacariyavaasaaya.|| ||

7. Puna ca para.m bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadammasaarathii||
Satthaa deva-manussaana.m||
buddho||
Bhagavaa,||
dhammo ca desiiyati opasamiko parinibbaayiko sambodhagaamii sugatappavedito,||
aya~n ca puggalo paccantimesu janapadesu paccaajaato hoti avi~n~naataaresu milakkhesu.|| ||

Yattha n'atthi gati bhikkhuuna.m bhikkhuniina.m upaasakaana.m upaasikaana.m.

Aya.m bhikkhave pa~ncamo akkha.no asamayo brahmacariyavaasaaya.|| ||

8. Puna ca para.m bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadammasaarathii||
Satthaa deva-manussaana.m||
buddho||
Bhagavaa,||
dhammo ca desiiyati opasamiko parinibbaayiko sambodhagaamii sugatappavedito,||
aya.m~n ca puggalo majjhimesu janapadesu paccaajaato hoti||
micchaadi.t.thiko vipariitadassano||
n'atthi dinna.m||
n'atthi yi.t.tha.m||
n'atthi huta.m||
n'atthi suka.ta-dukka.taana.m kammaana.m phala.m vipaako,
n'atthi aya.m loko n'atthi paro loko||
n'atthi maataa||
n'atthi pitaa||
n'atthi sattaa opapaatikaa||
n'atthi loke sama.na-braahma.naa sammaggataa sammaapa.tipannaa ye ima~n ca loka.m para~n ca loka.m saya.m abhi~n~naa sacchikatvaa pavedentii ti.|| ||

Aya.m bhikkhave cha.t.tho akkha.no asamayo brahmacariyavaasaaya.|| ||

9. Puna ca para.m bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadammasaarathii||
Satthaa deva-manussaana.m||
buddho||
Bhagavaa,||
dhammo ca desiiyati opasamiko parinibbaayiko sambodhagaamii sugatappavedito,||
aya.m~n ca puggalo majjhimesu janapadesu paccaajaato hoti so ca hoti duppa~n~no ja.lo elamuugo.|| ||

Na pa.tibalo subhaasita dubbhaasitassa atthama~n~naatu.m.|| ||

Aya.m bhikkhave sattamo akkha.no asamayo brahmacariyavaasaaya. 10. Puna ca para.m bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadamma saarathii||
Satthaa deva-manussaana.m||
buddho||
Bhagavaa,||
Dhammo ca na desiiyati [227] opasamiko parinibbaayiko sambodhagaamii sugatappavedito,||
aya.m~n ca puggalo majjhimesu janapadesu paccaajaato hoti||
so ca hoti pa~n~navaa aja.lo anelamuugo pa.tibalo subhaasita dubbhaasitassa atthama~n~naatu.m.|| ||

Aya.m bhikkhave, a.t.thamo akkha.no asamayo brahmacariyavaasaaya.|| ||

Ime kho bhikkhave, a.t.tha akkha.naa asamayaa brahmacariyavaasaaya.|| ||

11. Eko va bhikkhave, kha.no ca samayo ca brahmacariyavaasaaya.|| ||

Katamo eko?|| ||

12. Idha bhikkhave, Tathaagato ca loke uppanno hoti||
araha.m||
sammaa sambuddho||
vijjaacara.nasampanno||
Sugato||
lokaviduu anuttaro purisadamma saarathii||
Satthaa deva-manussaana.m||
buddho||
Bhagavaadhammo ca desiiyati opasamiko parinibbaayiko sambodhagaamii sugatappavedito,||
aya~n ca puggalo majjhimesu janapadesu paccaajaato hoti.|| ||

So ca hoti pa~n~navaa aja.lo anelamuugo pa.tibalo subhaasita dubbhaasitassa atthama~n~natu.m.|| ||

Aya.m bhikkhave, eko va kha.no ca samayo ca brahmacariyavaasaayaa ti.

Manussalaabha.m laddhaana saddhamme suppavedite,||
Ye kha.na.m naadhigacchanti atinaamenti te kha.na.m.

Bahuuhi akkha.naa vuttaa puggalass'antaraayikaa,||
Kadaaci karahaci loke uppajjanti Tathaagataa.

Tayida.m sammuukhiibhuta.m ya.m lokasmi.m sudullabha.m,||
Manussapa.tilaabho ca saddhammassa ca desanaa,||
Ala.m vaayamitu.m tattha atthakaamena jantunaa.

[228] Katha.m vija~n~naa saddhamma.m kha.no ve maa upaccagaa?||
Kha.naatiitaa hi socanti nirayamhi samappitaa.

Idha-m'eva na.m viraadheti saddhammassa niyaamata.m,||
Vaa.nijo va atiitattho ciratta.m anutapessati.

Avijjaanivuto poso saddhamma.m aparaadhiko,||
Jaatimara.nasa.msaara.m cira.m paccanubhossati.

Ye ca laddhaa manussatta.m saddhamme suppavedite,||
Aka.msu Satthu vacana.m karissanti karonti vaa.

Kha.na.m paccavidu.m loke brahmacariya.m anuttara.m,||
Ye magga.m pa.tipajji.msu Tathaagatappavedita.m.

Ye sa.mvaraa cakkhumataa desitaadiccabandhunaa,||
Tesu gutto sadaa sato viharetha anavassuto.

Sabbe anusaye chetvaa Maaradheyya saraanuge,||
Te ve paaragataa loke ye pattaa aasavakkhayan ti.

 


Contact:
E-mail
Copyright Statement