Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
III: Gahapati-Vagga

Sutta 30

Anuruddha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


[228]

[1][pts][than][bodh][olds] Eva.m me suta.m:|| ||

Eka.m samaya.m Bhagavaa bhaggesu viharati Su.msumaaragire Bhesakalaavane Migadaaye.|| ||

Tena kho pana samayena aayasmaa Anuruddho Cetiisu viharati Paaciinava.msadaaye.|| ||

Atha kho aayasmato Anuruddhassa rahogatassa patisalliinassa eva.m cetaso parivitakko udapaadi:|| ||

'App'icchassaaya.m dhammo,||
naaya.m dhammo mah'icchassa.|| ||

Santu.t.thassaaya.m [229] dhammo,
naaya.m dhammo asantu.t.thassa.|| ||

Pavivittassaaya.m dhammo,
naaya.m dhammo sa'nga.nikaaraamassa.|| ||

Aaraddha viriyassaaya.m dhammo,
naaya.m dhammo kusiitassa.|| ||

Upa.t.thita-satissaaya.m dhammo,||
naaya.m dhammo mu.t.thas-satissa.|| ||

Samaahitassaaya.m dhammo,||
naaya.m dhammo asamaahitassa.|| ||

Pa~n~naavato aya.m dhammo,||
naaya.m dhammo duppa~n~nassaa' ti.|| ||

2. Atha kho Bhagavaa aayasmato Anuruddhassa cetasaa ceto parivitakkam a~n~naaya||
seyyathaa pi naama balavaa puriso sammi~njita.m vaa baaha.m pasaareyya,||
pasaarita.m vaa baaha.m sammi~njeyya,||
evam eva Bhaggesu Su.msumaaragire Bhesakalaavane Migadaaye antarahito Cetiisu Paaciinava.msadaaye aayasmato Anuruddhassa sammukhe paatu-r-ahosi.|| ||

Nisiidi Bhagavaa pa~n~natte aasane.|| ||

Aayasmaa pi kho Anuruddho Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m Anuruddha.m Bhagavaa etad avoca:|| ||

3. "Saadhu saadhu Anuruddha,||
saadhu kho tva.m Anuruddha,||
satta mahaapurisa-vitakka.m vitakkesi:|| ||

App'icchassaaya.m dhammo,||
naaya.m dhammo mah'icchassa.|| ||

Santu.t.thassaaya.m dhammo,
naaya.m dhammo asantu.t.thassa.|| ||

Pavivittassaaya.m dhammo,
naaya.m dhammo sa'nga.nikaaraamassa.|| ||

Aaraddha viriyassaaya.m dhammo,
naaya.m dhammo kusiitassa.|| ||

Upa.t.thitasatissaaya.m dhammo,||
naaya.m dhammo mu.t.thassatissa.|| ||

Samaahitassaaya.m dhammo,||
naaya.m dhammo asamaahitassa.|| ||

Pa~n~naavato aya.m dhammo,||
naaya.m dhammo duppa~n~nassaa ti.|| ||

Tena hi tva.m Anuruddha,||
imam pi a.t.thama.m mahaapurisavitakka.m vitakkehi:|| ||

Nippapa~nvaaraamassaaya.m dhammo nippapa~ncaratino,||
naaya.m dhammo papa~ncaaraamassa papa~ncaratino ti.|| ||

4. Yato kho tva.m Anuruddha,||
ime a.t.tha mahaapurisavitakke vitakkessasi,||
tato tva.m Anuruddha,||
yaava-d-eva aaka'nkhissasi -||
vivicc'eva kaamehi||
vivicca akusalehi dham- [230] mehi||
savitakka.m savicaara.m vivekaja.m piiti-sukha.m||
pa.thama.m-jhaana.m upasampajja viharissasi.|| ||

5. Yato kho tva.m Anuruddha,||
ime a.t.tha mahaapurisa vitakke vitakkessasi||
tato tva.m Anuruddha,||
yaavad eva aaka'nkhissasi -||
vitakka-vicaaraana.m vuupasamaa||
ajjhatta.m sampasaadana.m||
cetaso ekodi-bhaava.m||
avitakka.m avicaara.m||
samaadhija.m piiti-sukha.m||
dutiya.m-jhaana.m upasampajja viharissasi.|| ||

6. Yato kho tva.m Anuruddha,||
ime a.t.tha mahaapurisa vitakke vitakkessasi||
tato tva.m Anuruddha,||
yaavad eva aaka'nkhissasi -||
piitiyaa ca viraagaa||
upekkhako ca viharissasi||
sato ca sampajaano||
sukha~n ca kaayena pa.tisa'nvedissasi,||
ya.m ta.m ariyaa aacikkhanti:||
'Upekkhako satimaa sukha-vihaarii' ti||
tatiya.m-jhaana.m upasampajja viharissasi.|| ||

7. Yato kho tva.m Anuruddha,||
ime a.t.tha mahaapurisa vitakke vitakkessasi,||
tato tva.m Anuruddha,||
yaavad eva aaka'nkhissasi -||
sukhassa ca pahaanaa||
dukkhassa ca pahaanaa||
pubb'eva somanassa-domanassaana.m attha'ngamaa||
adukkha-m-asukha.m||
upekkhaa-sati-paarisuddhi.m||
catuttha.m-jhaana.m upasampajja viharissasi.|| ||

8. Yato kho tva.m Anuruddha,||
ime ca a.t.tha mahaapurisa vitakke vitakkessasi,||
imesa~n ca catunna.m jhaanaana.m aabhicetasikaana.m||
di.t.tha-dhamma-sukha-vihaaraana.m||
nikaamalaabhii bhavissasi,||
akicchalaabhii,||
akasiralaabhii,||
tato tuyha.m Anuruddha,||
seyyathaa pi naama gahapatissa vaa gahapatiputtassa vaa naanaarattaana.m dussaana.m dussakara.n.dako puuro,||
evam eva te pa.msukula.m ciivaraana.m khaayissati,||
santu.t.thassa viharato,||
ratiyaa,||
aparitassaaya,||
phaasu-vihaaraaya,||
okkamanaaya nibbaanassa.|| ||

[231] 9. Yato kho tva.m Anuruddha,||
ime ca a.t.tha mahaapurisa vitakke vitakkessasi,||
imesa~n ca catunna.m jhaanaana.m aabhicetasikaana.m di.t.tha-dhamma-sukha-vihaaraana.m||
nikaamalaabhii bhavissasi,||
akicchalaabhii||
akasiralaabhii,||
tato tuyha.m Anuruddha,||
seyyathaa pi naama gahapatissa vaa gahapatiputtassa vaa||
saaliina.m odano vicitakaa.lako||
aneka-suupo aneka-vya~njano,||
evam eva te pi.n.diyaalopabhojanaana.m khaayissati,||
santu.t.thassa viharato||
ratiyaa,||
aparitassaaya,||
phaasu-vihaaraaya||
okkamanaaya nibbaanassa.|| ||

10. Yato kho tva.m Anuruddha,||
ime ca a.t.tha mahaapurisa vitakke vitakkessasi,||
imesa~n ca catunna.m jhaanaana.m aabhicetasikaana.m di.t.tha-dhamma-sukha-vihaaraana.m||
nikaamalaabhii bhavissasi,||
akicchalaabhii||
akasiralaabhii,||
tato tuyha.m Anuruddha,||
seyyathaa pi naama gahapatissa vaa gahapatiputtassa vaa||
ku.taagaara.m ullitaavalitta.m nivaata.m phussitagga.la.m pihitavaatapaana.m,||
evam eva te rukkhamuulasenaasanaana.m khaayissati||
santu.t.thassa viharato||
ratiyaa,||
aparitassaaya,||
phaasu-vihaaraaya||
okkamanaaya nibbaanassa.|| ||

11. Yato kho tva.m Anuruddha,||
ime ca a.t.tha mahaapurisa vitakke vitakkessasi,||
imesa~n ca catunna.m jhaanaana.m aabhicetasikaana.m di.t.tha-dhamma-sukha-vihaaraana.m||
nikaamalaabhii bhavissasi,||
akicchalaabhii||
akasiralaabhii,||
tato tuyha.m Anuruddha,||
seyyathaa pi naama gahapatissa vaa gahapatiputtassa vaa||
palla'nko go.nakatthato pa.tikatthato pa.talikatthato kaadalimiga-pavara-pacc'atthara.no sa-uttaracchado ubhato lohitakuupadhaano,||
evam eva te ti.nasanthaarako sayanaasanaana.m khaayissati||
santu.t.thassa viharato||
ratiyaa,||
aparitassaaya,||
phaasu-vihaaraaya||
okkamanaaya nibbaanassa.|| ||

[232] 12. Yato kho tva.m Anuruddha,||
ime ca a.t.tha mahaapurisavitakke vitakkessasi,||
imesa~n ca catunna.m jhaanaana.m aabhicetasikaana.m di.t.tha-dhamma-sukha-vihaaraana.m||
nikaamalaabhii bhavissasi,||
akicchalaabhii||
akasiralaabhii,||
tato tuyha.m Anuruddha,||
seyyathaa pi naama gahapatissa vaa gahapatiputtassa vaa||
naanaa bhesajjaani,||
seyyathiida.m:||
sappi navaniita.m tela.m madhu phaa.niita.m||
evam eva te puutimutta.m bhesajjaana.m khaayissati||
santu.t.thassa viharato||
ratiyaa,||
aparitassaaya,||
phaasu-vihaaraaya||
okkamanaaya nibbaanassa.|| ||

13. Tena hi tva.m Anuruddha,||
aayatikam pi vassaavaasa.m idh'eva Cetiisu Paaciinava.msadaaye vihareyyaasii" ti.|| ||

"Eva.m bhante" ti kho aayasmaa Anuruddho Bhagavato paccassosi.|| ||

Atha kho Bhagavaa aayasmanta.m Anuruddha.m iminaa ovaadena ovaditvaa seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya,||
evam eva Cetiisu Paaciinava.msadaaye antarahito Bhaggesu Su.msumaaragire Bhesaka.laavane Migadaaye paatu-r-ahosi.|| ||

Nisiidi Bhagavaa pa~n~natte aasane.|| ||

 


 

Nisajja kho Bhagavaa bhikkhuu aamantesi:|| ||

14. "A.t.tha kho bhikkhave,||
mahaapurisavitakke desissaami.

Ta.m su.naatha||
saadhuka.m manasi karotha||
bhaasissaamii" ti.|| ||

"Eva.m bhante" ti kho te bhikkhuu Bhagavato paccassosu.m.|| ||

Bhagavaa etad avoca:|| ||

"Katame ca bhikkhave, a.t.tha mahaapurisa vitakkaa?|| ||

15. App'icchassaaya.m, bhikkhave, dhammo,||
naaya.m dhammo mah'icchassa.|| ||

Santu.t.thassaaya.m, bhikkhave, dhammo,
naaya.m dhammo asantu.t.thassa.|| ||

Pavivittassaaya.m, bhikkhave, dhammo,
naaya.m dhammo sa'nga.nikaaraamassa.|| ||

Aaraddha viriyassaaya.m, bhikkhave, dhammo,
naaya.m dhammo kusiitassa.|| ||

Upa.t.thitasatissaaya.m, bhikkhave, dhammo,||
naaya.m dhammo mu.t.thassatissa.|| ||

Samaahitassaaya.m, bhikkhave, dhammo,||
naaya.m dhammo asamaahitassa.|| ||

Pa~n~naavato aya.m, bhikkhave, dhammo,||
||
[233] naaya.m dhammo duppa~n~nassaa.|| ||

Nippapa~nvaaraamassaaya.m, bhikkhave, dhammo nippapa~ncaratino,||
naaya.m dhammo papa~ncaaraamassa papa~ncaratino.|| ||

 


 

16. 'Apapicchassaaya.m bhikkhave,||
dhammo naaya.m dhammo mah'icchassaa' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

17.Idha bhikkhave bhikkhu appiccho samaano||
'"appiccho" ti ma.m jaaneyyun' ti na icchati,||
santu.t.tho samaano||
'"santu.t.tho" ti ma.m jaaneyyun' ti na icachati,||
pavivitto samaano||
'"pavivitto" ti ma.m jaaneyyun' ti na icchati,||
aaraddhaviriyo samaano||
'"aaraddhaviriyo" ti ma.m jaaneyyun' ti na icchati,||
upa.t.thitasati samaano||
'"upa.t.thitasatii" ti ma.m jaaneyyun' ti na icachati,||
samaahito samaano||
'"samaahito" ti ma.m jaaneyyun' ti na icchati,||
pa~n~navaa samaano||
'"pa~n~navaa" ti ma.m jaaneyyun' ti na icchati,||
nippapa~ncaaraamo samaano||
'"nippapa~n~naaraamo" ti ma.m jaaneyyun' ti na icchati.|| ||

'App'icchassaaya.m dhammo,||
naaya.m dhammo mah'icchassaa' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

18. 'Santu.t.thassaaya.m bhikkhave, dhammo,||
naaya.m dhammo asantu.t.thassaa' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

19. Idha bhikkhave, bhikkhu santu.t.tho hoti itariitara-ciivara-pi.n.dapaata-senaasana-gilaana-paccaya-bhesajja-parikkhaarena.|| ||

'Santu.t.thassaaya.m bhikkhave, dhammo,||
naaya.m dhammo asa.t.thantussaa' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

20. 'Pavivittassaaya.m bhikkhave, dhammo,||
naaya.m dhammo sa'nga.nikaaraamassaa' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

21. Idha bhikkhave, bhikkhuno pavivittassa viharato bhavanti||
upasa'nkamitaaro bhikkhuu||
bhikkhuuniyo,||
upaasakaa||
upaasikaayo||
raajaano||
raajamahaamattaa||
titthiyaa||
titthiyasaavakaa.|| ||

Tatra bhikkhu viveka-ninnena cittena||
viveka-po.nena||
viveka-pabbhaarena||
viveka.t.thena||
nekkhammaabhiratena||
a~n~nadatthu uyyojanika-pa.tisa.myutta.m yeva katha.m kattaa hoti.|| ||

'Pavi- [234] vittassaaya.m bhikkhave, dhammo,||
naaya.m dhammo sa'nga.nikaaraamassaa' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

22. 'Aaraddhaviriyassaaya.m bhikkhave, dhammo,||
naaya.m dhammo kusiitassaa' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

23. Idha bhikkhave, bhikkhu aaraddhaviriyo viharati
akusalaana.m dhammaana.m pahaanaaya
kusalaana.m dhammaana.m upasampadaaya
thaamavaa
da.lha-parakkamo
anikkhitta-dhuro kusalesu dhammesu.|| ||

'Aaraddhaviriyassaaya.m bhikkhave, dhammo||
naaya.m dhammo kusiitassaa' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

24. 'Upa.t.thitasatissaaya.m bhikkhave, dhammo,||
naaya.m dhammo mu.t.thassatissaa' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

25. Idha bhikkhave, bhikkhu satimaa hoti paramena satinepakkena samannaagato cirakatam pi cirabhaasitam pi saritaa anussaritaa.|| ||

'Upa.t.thitasatissaaya.m bhikkhave, dhammo,||
naaya.m dhammo mu.t.thassatissaa' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

26. 'Samaahitassaaya.m bhikkhave, dhammo,
naaya.m dhammo asamaahitassaa' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

27. Idha bhikkhave, bhikkhu vivicc'eva kaamehi||
vivicca akusalehi dhammehi||
savitakka.m||
savicaara.m vivekaja.m piiti-sukha.m||
pa.thama.m-jhaana.m upasampajja viharati.|| ||

Vitakka-vicaaraana.m vuupasamaa||
ajjhatta.m sampasaadana.m||
cetaso ekodi-bhaava.m||
avitakka.m||
avicaara.m samaadhija.m piiti-sukha.m||
dutiya.m-jhaana.m upasampajja viharati.|| ||

Piitiyaa ca viraagaa||
upekkhako ca viharati,||
sato ca sampajaano||
sukha.m ca kaayena pa.tisa'nvedeti||
ya.m ta.m ariyaa aacikkhanti||
'Upekkhako satimaa sukha-vihaarii' ti||
tatiya.m-jhaana.m upasampajja viharati.|| ||

Sukhassa ca pahaanaa||
dukkhassa ca pahaanaa||
pubb'eva somanassa-domanassaana.m attha'ngamaa||
adukkha-m-asukha.m||
upekkhaa-sati-paarisuddhi.m||
catuttha.m-jhaana.m upasampajja viharati.|| ||

'Samaahitassaaya.m bhikkhave, dhammo,||
naaya.m dhammo asamaahitassaa' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

28. 'Pa~n~navato aya.m bhikkhave, dhammo,
naaya.m dhammo duppa~n~nassaa' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

29. Idha bhikkhave, bhikkhu pa~n~navaa hoti||
udayatthagaaminiyaa pa~n~naaya||
samannaagato ariyaaya nibbedhikaaya sammaa-dukkhakkhaya-gaaminiyaa.|| ||

'Pa~n~navato aya.m bhikkhave, dhammo,||
naaya.m dhammo duppa~n~nassaa' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

[235] 30. 'Nippapa~ncaaraamassaaya.m bhikkhave, dhammo, nippapa~ncaratino,||
naaya.m dhammo papa~ncaaraamassa papa~ncaratino' ti.|| ||

Iti kho pan'eta.m vutta.m.|| ||

Ki~n c'eta.m pa.ticca vutta.m?|| ||

31. Idha bhikkhave bhikkhuno papa~ncanirodhe citta.m||
pakkhandati||
pasiidati,||
santi.t.thati||
vimuccati.|| ||

'Nippapa~ncaaraamassaaya.m bhikkhave, dhammo||
nippapa~ncaratino,||
naaya.m dhammo papa~ncaaraamassa||
papa~ncaratino' ti.|| ||

Iti ya.m ta.m vutta.m.|| ||

Idam eta.m pa.ticca vutta.m.|| ||

 


 

Atha kho aayasmaa Anuruddho aayatikam pi vassaavaasa.m tattheva Cetiisu Paaciinava.msadaaye vihaasi.|| ||

Atha kho aayasmaa Anuruddho||
eko||
vuupaka.t.tho||
appamatto||
aataapii||
pahitatto viharanto||
na cirass'eva yassatthaaya kulaputtaa samma-d-eva agaarasmaa anagaariya.m pabbajanti,||
tad anuttara.m brahmacariya pariyosaana.m di.t.the va dhamme saya.m abhi~n~naa sacchikatvaa upasampajja vihaasi.|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m ittatthaayaa' ti abbha~n~naasi.|| ||

A~n~nataro ca panaayasmaa Anuruddho arahata.m ahosi.|| ||

Atha kho aayasmaa Anuruddho arahattappatto taaya.m velaaya.m imaa gaathaayo abhaasi.|| ||

 

Mama sa'nkappam a~n~naaya Satthaa loke anuttaro,||
Manomayena kaayena iddhiyaa upasa'nkami,|| ||

Yathaa me ahu sa'nkappo tato uttari desayii,||
Nippapa.m ca rato buddho nippapa.m ca adesayi.|| ||

Tassaaha.m dhammam a~n~naaya vihaasi.m saasane rato,||
Tisso vijjaa anuppattaa, kata.m Buddhassa saasana.m ti.|| ||

 


Contact:
E-mail
Copyright Statement