Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
IV. Daana Vagga

Sutta 34

Khettupama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


[237]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

A.t.tha'ngasamannaagate bhikkhave, khette biija.m vutta.m na mahapphala.m hoti||
na mahassaada.m||
na phaatiyeyya.m.|| ||

Katha.m a.t.tha'ngasamantaagate?|| ||

2. Idha, bhikkhave, khetta.m unnaamaninnaamii ca hoti,||
paasaa.nasakkharilla~n ca hoti,||
usara~nca hoti,||
na ca gambhiirasiita.m hoti,||
aa aayasampanna.m hoti,||
na apaayasampanna.m hoti,||
na maatikaasampanna.m hoti,||
na mariyaadaasampanna.m hoti.|| ||

Eva.m a.t.tha'ngasamannaagate bhikkhave khette biija.m vutta.m na mahapphala.m hoti,||
na mahassaada.m,||
na phaatiyeyya.m.|| ||

Evam eva kho bhikkhave a.t.tha'ngasamannaagatesu sama.nabraahma.nesu daana.m dinna.m na mahapphala.m hoti,||
na mahaanisa.msa.m||
na mahaajutika.m||
na mahaavipphaara.m.|| ||

Katha.m a.t.tha'ngasamannaagatesu?|| ||

3. Idha, bhikkhave, sama.na-braahma.naa,||
micchaa-di.t.thikaa honti||
micchaa-sa'nkappaa,||
micchaa-vaacaa,||
micchaa-kammantaa,||
micchaa-aajiivaa,||
micchaa-vaayaamaa,||
micchaa-satino,||
micchaa-samaadhino.|| ||

Eva.m a.t.tha'ngasamannaagatesu bhikkhave sama.nabraahma.nesu daana.m dinna.m na mahapphala.m hoti,||
na mahaanisa.msa.m,||
na mahaajutika.m,||
na mahaavipphaara.m.|| ||

 


 

4. A.t.tha'ngasamannaagate bhikkhave, khette biija.m vutta.m mahapphala.m hoti,||
mahassaada.m phaatiyeyya.m.|| ||

Katha.m a.t.tha'ngasamannaagate?|| ||

5. Idha, bhikkhave, khetta.m anunnaamaninnaamii ca hoti,||
apaasaa.nasakkharilla~n ca hoti,||
anusara~n ca hoti,||
gambhii- [238] rasiita.m hoti,||
aayasampanna.m hoti,||
apaayasampanna.m hoti,||
maatikaasampanna.m hoti,||
mariyaadaasampanna.m hoti.|| ||

Eva.m a.t.tha'ngasamannaagate bhikkhave, khette biija.m vutta.m mahapphala.m hoti,||
mahassaada.m phaatiyeyya.m.|| ||

Evam eva kho bhikkhave, a.t.tha'ngasamannaagatesu sama.nabraahma.nesu daana.m dinna.m mahapphala.m hoti,||
mahaanisa.msa.m,||
mahaajutika.m,||
mahaavipthaara.m.|| ||

Katha.m a.t.tha'ngasamannaagatesu?|| ||

6. Idha bhikkhave, sama.na-braahma.naa||
sammaa-di.t.thikaa honti,||
sammaa-sa'nkappaa,||
sammaa-vaacaa,||
sammaa-kammantaa,||
sammaa-aajiivaa,||
sammaa-vaayaamaa,||
sammaa-satino,||
sammaa-samaadhino.|| ||

Eva.m a.t.tha'ngasamannaagatesu bhikkhave, sama.nabraahma.nesu daana.m dinna.m mahapphala.m hoti,||
mahaanisa.msa.m,||
mahaajutika.m,||
mahaavipphaaranti.|| ||

Yathaa pi khette sampanne - pavuttaa biijasampadaa,||
Deve sampaadayantamhi - hoti dha~n~nassa sampadaa|| ||

Aniiti sampadaa hoti - viruu.lhii bhavati sampadaa,||
Vepulla.m sampadaa hoti - phala.m ve hoti sampadaa.|| ||

Eva.m sampannasiilesu - dinnaa bhojanasampadaa,||
Sampadaana.m upaneti - sampanna.m hi'ssa ta.m kata.m|| ||

Tasmaa sampadam aaka'nkhii - sampannattho'dha puggalo,||
Sampannapa~n~ne sevetha - eva.m ijjhanti sampadaa.|| ||

Vijjaacara.nasampanno - laddhaa cittassa sampada.m,||
Karoti kammasampada.m - labhati c'atthasampada.m.|| ||

Loka.m ~natvaa yathaabhuuta.m - pappuyya di.t.thisampada.m,||
Maggasampadam aagamma - yaati sampannamaanaso.|| ||

[239]Odhunitvaa mala.m sabba.m - patvaa nibbaana sampada.m,||
Muccati sabbadukkhehi - saa hoti sabbasampadaa.|| ||

 


Contact:
E-mail
Copyright Statement