Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
IV. Daana Vagga

Sutta 36

Pu~n~na-Kiriya-Vatthu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


[241]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tii.nimaani bhikkhave, pu~n~nakiriyavatthuuni.|| ||

Katamaani tii.ni?|| ||

2. Daana-maya.m pu~n~na-kiri-yavatthu,||
siila-maya.m pu~n~na-kiriya-vatthu,||
bhaavanaa-maya.m pu~n~na-kiriya-vatthu.|| ||

3. Idha, bhikkhave, ekaccassa daana-maya.m pu~n~na-kiriya-vatthu paritta.m kata.m hoti,||
siila-maya.m pu~n~na-kiriya-vatthu paritta.m kata.m hoti||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa manussadobhagga.m upapajjati.|| ||

4. Idha pana bhikkhave, ekaccassa daana-maya.m pu~n~na-kiriya-vatthu mattaso kata.m hoti,||
siila-maya.m pu~n~na-kiriya-vatthu mattaso kata.m hoti,||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa manussasobhagga.m upapajjati.|| ||

5. Idha pana bhikkhave, ekaccassa daana-maya.m pu~n~na-kiriya-vatthu adhimatta.m kata.m hoti,||
siila-maya.m pu~n~na- [242] kiriyavatthu adhimatta.m kata.m hoti,||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa Caatummahaaraajikaana.m devaana.m sahavyata.m upapajjati.|| ||

Tatra, bhikkhave, Cattaaro Mahaaraajaano daana-maya.m pu~n~na-kiriya-vatthu.m atireka.m karitvaa||
siila-maya.m pu~n~na-kiriya-vatthu.m atireka.m karitvaa||
Caatummahaaraajike deve dasahi .thaanehi adhiga.nhanti:||
dibbena aayunaa,||
dibbena va.n.nena,||
dibbena sukhena,||
dibbena yasena,||
dibbena aadhipateyyena,||
dibbehi ruupehi,||
dibbehi saddehi,||
dibbehi gandhehi,||
dibbehi rasehi,||
dibbehi pho.t.thabbehi.|| ||

6. Idha pana bhikkhave, ekaccassa daana-maya.m pu~n~na-kiriya-vatthu adhimatta.m kata.m hoti,||
siila-maya.m pu~n~na-kiriya-vatthu adhimatta.m kata.m hoti,||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa Taavati.msaana.m devaana.m sahavyata.m upapajjati.|| ||

Tatra, bhikkhave, Sakko devaana.m indo daana-maya.m pu~n~na-kiriya-vatthu.m atireka.m karitvaa,||
siila-maya.m pu~n~na-kiriya-vatthu.m atireka.m karitvaa||
Taavati.mse deve dasahi .thaanehi adhiga.nhaati:||
dibbena aayunaa,||
dibbena va.n.nena,||
dibbena sukhena,||
dibbena yasena,||
dibbena aadhipateyyena,||
dibbehi ruupehi,||
dibbehi saddehi,||
dibbehi gandhehi,||
dibbehi rasehi,||
dibbehi pho.t.thabbehi.|| ||

7. Idha pana bhikkhave, ekaccassa daana-maya.m pu~n~na-kiriya-vatthu adhimatta.m kata.m hoti,||
siila-maya.m pu~n~na-kiriya-vatthu adhimatta.m kata.m hoti,||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa yaamaana.m devaana.m sahavyata.m upapajjati.|| ||

Tatra, bhikkhave, suyaamo devaputto daana-maya.m pu~n~na-kiriya-vatthu.m atireka.m karitvaa,||
siila-maya.m pu~n~na-kiriya-vatthu.m atireka.m karitvaa,||
yaame deve dasahi .thaanehi adhiga.nhaati:||
dibbena aayunaa,||
dibbena va.n.nena,||
dibbena sukhena,||
dibbena yasena,||
dibbena aadhipateyyena,||
dibbehi ruupehi,||
dibbehi saddehi,||
dibbehi gandhehi,||
dibbehi rasehi,||
dibbehi pho.t.thabbehi.

8. Idha pana bhikkhave, ekaccassa daana-maya.m pu~n~na-kiriya-vatthu adhimatta.m kata.m hoti,||
siila-maya.m pu~n~na-kiriya-vatthu adhimatta.m kata.m hoti,||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa tusitaana.m devaana.m sahavyata.m upapajjati.|| ||

Tatra [243] bhikkhave, Santusito devaputto daana-maya.m pu~n~na-kiriya-vatthu.m atireka.m karitvaa,||
siila-maya.m pu~n~na-kiriya-vatthu.m atireka.m karitvaa,||
Tusite deve dasahi .thaanehi adhiga.nhaati:||
dibbena aayunaa,||
dibbena va.n.nena,||
dibbena sukhena,||
dibbena yasena,||
dibbena aadhipateyyena,||
dibbehi ruupehi,||
dibbehi saddehi,||
dibbehi gandhehi,||
dibbehi rasehi,||
dibbehi pho.t.thabbehi.

9. Idha pana bhikkhave, ekaccassa daana-maya.m pu~n~na-kiriya-vatthu adhimatta.m kata.m hoti,||
siila-maya.m pu~n~na-kiriya-vatthu adhimatta.m kata.m hoti,||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa Nimmaa.naratiina.m devaana.m sahavyata.m upapajjati.|| ||

Tatra, bhikkhave, Sunimmito devaputto daana-maya.m pu~n~na-kiriya-vatthu.m atireka.m karitvaa,||
siila-maya.m pu~n~na-kiriya-vatthu.m atireka.m karitvaa,||
Nimmaa.naratii deve dasahi .thaanehi adhiga.nhaati:||
dibbena aayunaa,||
dibbena va.n.nena,||
dibbena sukhena,||
dibbena yasena,||
dibbena aadhipateyyena,||
dibbehi ruupehi,||
dibbehi saddehi,||
dibbehi gandhehi,||
dibbehi rasehi,||
dibbehi pho.t.thabbehi.

10. Idha pana bhikkhave, ekaccassa daana-maya.m pu~n~na-kiriya-vatthu adhimatta.m kata.m hoti,||
siila-maya.m pu~n~na-kiriya-vatthu adhimatta.m kata.m hoti,||
bhaavanaa-maya.m pu~n~na-kiriya-vatthu naabhisambhoti.|| ||

So kaayassa bhedaa param mara.naa Paranimmita vasavattiina.m devaana.m sahavyata.m upapajjati.|| ||

Tatra, bhikkhave, Vasavattii devaputto daana-maya.m pu~n~na-kiriya-vatthu.m atireka.m karitvaa,||
siila-maya.m pu~n~na-kiriya-vatthu.m atireka.m karitvaa,||
Paranimmitavasavattii deve dasahi .thaanehi adhiga.nhaati:||
dibbena aayunaa,||
dibbena va.n.nena,||
dibbena sukhena,||
dibbena yasena,||
dibbena aadhipateyyena,||
dibbehi ruupehi,||
dibbehi saddehi,||
dibbehi gandhehi,||
dibbehi rasehi,||
dibbehi pho.t.thabbehi.

Imaani kho bhikkhave, tii.ni pu~n~nakiriyavatthuuniiti.|| ||

 


Contact:
E-mail
Copyright Statement