Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
VIII. A.t.thaka Nipaata
IV. Daana Vagga

Sutta 39

Pu~n~naabhisanda Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

2. A.t.th'ime bhikkhave,||
pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.t.thaaya kantaaya manaapaaya hitaaya sukhaaya sa.mvattanti.|| ||

Katame a.t.tha?|| ||

1. Idha, bhikkhave, ariyasaavako Buddha.m sara.na.m gato hoti.|| ||

Aya.m bhikkhave, pa.thamo pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

2. Puna ca para.m bhikkhave, ariyasaavako dhamma.m sara.na.m gato hoti.|| ||

Aya.m bhikkhave, dutiyo pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

3. Puna ca para.m bhikkhave, ariyasaavako sa.mgha.m sara.na.m gato hoti.|| ||

Aya.m bhikkhave, tatiyo pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

4. Pa~ncimaani [246] bhikkhave, daanaani mahaadaanaani agga~n~naani ratta~n~naani va.msa~n~naani poraa.naani asa'nki.n.naani asa'nki.n.napubbaani na sa'nkiiyanti na sa'nkiiyissanti appatiku.t.thaani sama.nehi braahma.nehi vi~n~nuuhi.|| ||

Katamaani pa~nca?|| ||

Idha, bhikkhave,, ariyasaavako paa.naatipaata.m pahaaya paa.naatipaataa pa.tivirato hoti.|| ||

Paa.naatipaataa pa.tivirato bhikkhave,||
ariyasaavako aparimaa.naana.m sattaana.m abhaya.m deti,||
avera.m deti,||
avyaapajjha.m deti.|| ||

Aparimaa.naana.m sattaana.m abhaya.m datvaa avera.m datvaa avyaapajjha.m datvaa aparimaa.nassa abhayassa averassa akhyaapajjhassa bhaagii hoti.|| ||

Ima.m bhikkhave, pa.thama.m daana.m mahaadaana.m,||
agga~n~na.m ratta~n~na.m va.msa~n~na.m poraa.na.m asa'nki.n.na.m asa'nki.n.napubba.m na sa'nkiiyati na sa'nkiiyissati appatiku.t.tha.m sama.nehi braahma.nehi vi~n~nuuhi.|| ||

Aya.m bhikkhave catuttho pu~n~naabhisaando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

5. Idha, bhikkhave,, ariyasaavako adinnaadaana.m pahaaya adinnaadaanaa pa.tivirato hoti.|| ||

Adinnaadaanaa pa.tivirato bhikkhave,||
ariyasaavako aparimaa.naana.m sattaana.m abhaya.m deti,||
avera.m deti,||
avyaapajjha.m deti.|| ||

Aparimaa.naana.m sattaana.m abhaya.m datvaa avera.m datvaa avyaapajjha.m datvaa aparimaa.nassa abhayassa averassa akhyaapajjhassa bhaagii hoti.|| ||

Ima.m bhikkhave, dutiya.m daana.m mahaadaana.m,||
agga~n~na.m ratta~n~na.m va.msa~n~na.m poraa.na.m asa'nki.n.na.m asa'nki.n.napubba.m na sa'nkiiyati na sa'nkiiyissati appatiku.t.tha.m sama.nehi braahma.nehi vi~n~nuuhi.|| ||

Aya.m bhikkhave pa~ncamo pu~n~naabhisaando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

6. Idha, bhikkhave,, ariyasaavako kaamesu micchaacaara.m pahaaya kaamesu micchaacaaraa pa.tivirato hoti.|| ||

Kaamesu micchaacaaraa pa.tivirato bhikkhave,||
ariyasaavako aparimaa.naana.m sattaana.m abhaya.m deti,||
avera.m deti,||
avyaapajjha.mdeti.|| ||

Aparimaa.naana.m sattaana.m abhaya.m datvaa avera.m datvaa akhyaapajjha.m datvaa aparimaa.nassa abhayassa averassa akhyaapajjhassa bhaagii hoti.|| ||

Ima.m bhikkhave, tatiya.m daana.m mahaadaana.m,||
agga~n~na.m ratta~n~na.m va.msa~n~na.m poraa.na.m asa'nki.n.na.m asa'nki.n.napubba.m na sa'nkiiyati na sa'nkiiyissati appatiku.t.tha.m sama.nehi braahma.nehi vi~n~nuuhi.|| ||

Aya.m bhikkhave cha.t.thamo pu~n~naabhisaando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

7. Idha, bhikkhave,, ariyasaavako musaa-vaada.m pahaaya musaa-vaadaa pa.tivirato hoti.|| ||

Musaavaadaa pa.tivirato bhikkhave,||
ariyasaavako aparimaa.naana.m sattaana.m abhaya.m deti,||
avera.m deti,||
avyaapajjha.mdeti.|| ||

Aparimaa.naana.m sattaana.m abhaya.m datvaa avera.m datvaa akhyaapajjha.m datvaa aparimaa.nassa abhayassa averassa akhyaapajjhassa bhaagii hoti.|| ||

Ima.m bhikkhave, catuttha.m daana.m mahaadaana.m,||
agga~n~na.m ratta~n~na.m va.msa~n~na.m poraa.na.m asa'nki.n.na.m asa'nki.n.napubba.m na sa'nkiiyati na sa'nkiiyissati appatiku.t.tha.m sama.nehi braahma.nehi vi~n~nuuhi.|| ||

Aya.m bhikkhave sattamo pu~n~naabhisaando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

8. Idha, bhikkhave,, ariyasaavako suraamerayamajjapamaada.t.thaana.m pahaaya suraamerayamajjapamaada.t.thaanaa pa.tivirato hoti.|| ||

Kaamesu micchaacaaraa pa.tivirato bhikkhave,||
ariyasaavako aparimaa.naana.m sattaana.m abhaya.m deti,||
avera.m deti,||
avyaapajjha.mdeti.|| ||

Aparimaa.naana.m sattaana.m abhaya.m datvaa avera.m datvaa akhyaapajjha.m datvaa aparimaa.nassa abhayassa averassa akhyaapajjhassa bhaagii hoti.|| ||

Ima.m bhikkhave, pa~ncama.m daana.m mahaadaana.m,||
agga~n~na.m ratta~n~na.m va.msa~n~na.m poraa.na.m asa'nki.n.na.m asa'nki.n.napubba.m na sa'nkiiyati na sa'nkiiyissati appatiku.t.tha.m sama.nehi braahma.nehi vi~n~nuuhi.|| ||

Aya.m bhikkhave a.t.thamo pu~n~naabhisaando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Ida.m, bhikkhave, pa~ncama.m daana.m mahaadaana.m agga~n~na.m ratta~n~na.m va.msa~n~na.m poraa.na.m asa'nki.n.na.m asa'nki.n.napubba.m na sa'nkiiyati na sa'nkiiyissati appatiku.t.tha.m sama.nehi braahma.nehi vi~n~nuuhi.|| ||

Aya.m bhikkhave a.t.thamo pu~n~naabhisando kusalaabhisando [247] sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Imaa kho bhikkhave, a.t.tha pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.t.thaaya kantaaya manaapaaya hitaaya sukhaaya sa.mvattantii ti.|| ||

 


Contact:
E-mail
Copyright Statement