Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Atthaka Nipaata
Gotamii Vaggo

Sutta 51

Gotamii Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

Eka.m samaya.m Bhagavaa Sakkesu viharati Kapilavatthusmi.m Niigrodhaaraame.|| ||

Atha kho Mahaapajaapatii Gotamii yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

Eka-m-anta.m .thitaa kho Mahaapajaapatii Gotamii Bhagavanta.m etad avoca:|| ||

'Saadhu bhante, labheyya maatugaamo Tathaagatappavedite dhamma-vinaye agaarasmaa anagaariya.m pabbajjan' ti.|| ||

'Ala.m Gotamii, maa te rucci maatugaamassa Tathaagatappavedite dhamma-vinaye agaarasma anagaariya.m pabbajjaa' ti.|| ||

2. Dutiyam pi kho Mahaapajaapatii Gotama6 Bhagavanta.m etad avoca:|| ||

'Saadhu bhante, labheyya maatugaamo Tathaagatappavedite dhamma-vinaye agaarasmaa anagaariya.m pabbajjan' ti.|| ||

'Ala.m Gotami, maa te rucci maatugaamassa Tathaagatappavedite dhamma-vinaye agaarasmaa anagaariya.m pabbajjaa' ti.|| ||

3. Tatiyam pi kho Mahaapajaapatii Gotamii Bhagavanta.m etad avoca:|| ||

'Saadhu bhante, labheyya maatugaamo Tathaagatappavedite dhamma-vinaye agaarasmaa anagaariya.m pabbajjan' ti.

Ala.m Gotami, maa te rucci maatugaamassa Tathaagatappavedite dhamma-vinaye agaarasmaa anagaariya.m pabbajjaa' ti.|| ||

Atha kho Mahaapajaapatii Gotamii 'na Bhagavaa anujaanaati maatugaamassa Tathaagatappavedite dhamma-vinaye agaarasmaa anagaariya.m pabbajjan' ti dukkhi dummanaa assumukhii rudamaanaa Bhagavanta.m abhivaadetvaa padakkhi.na.m katvaa pakkaami.|| ||

4. Atha kho Bhagavaa Kapilavatthusmi.m yathaabhiranta.m viharitvaa yena Vesaalii tena caarika.m pakkaami.|| ||

Anupubbena caarika.m caramaano yena Vesaalii tad avasari.|| ||

Tatra suda.m Bhagavaa Vesaaliiya.m viharati Mahaavane Kuu.taagaarasaalaaya.m.|| ||

Atha kho Mahaapajaapatii Gotamii keke chedapetvaa kaasaayaani vatthaani acchaadetvaa sambahulaabhi Saakiyaaniihi saddhi.m yena Vesaalii tena pakkaami.|| ||

Anupubbena yena Vesaalii Mahaavane Kuu.taagaarasaala.m ten'upasa'nkami.|| ||

Atha kho Mahaapajaapatii Gotamii sunehi paadehi rajoki.n.nena gattena dukkhii dummanaa assumukhii rudamaanaa bahi dvaarako.t.thake a.t.thaasi.|| ||

Addasaa kho aayasmaa Aanando Mahaapajaapati.m Gotami.m sunehi paadehi rajoki.n.nena gattena dukkhi.m dummana.m assumikhi.m rudamaana.m bahi dvaarako.t.thake .thita.m,||
disvaa Mahaapajaapati.m Gotami.m etad avoca:|| ||

'Kin nu tva.m Gotami, sunehi paadehi rajoki.n.nena gattena dukkhii dummanaa assumukhii rudamaanaa bahi dvaarako.t.thake .thita' ti?

'Tathaa hi pana bhante Aananda, Bhagavaa na anujaanaati maatugaamassa Tathaagatappavedite dhamma-vinaye agaarasmaa anagaariya.m pabbajjan' ti.

'Tena hi Gotamii, idh'eva taava hohi, yaavaaha.m Bhagavanta.m yaacaami maatugaamassa Tathaagatappavedite dhamma-vinaye agaarasmaa anagaariya.m pabbajjan' ti.|| ||

5. Atha kho aayasmaa Aanando yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Aanando Bhagavanta.m etad avoca:|| ||

'Esaa bhante, Mahaapajaapatii Gotamii sunehi paadehi rajoki.n.nena gattena dukkhii dummanaa assumukhii rudamaanaa bahi dvaarako.t.thake .thitaa,||
'na Bhagavaa anujaanaati maatugaamassa Tathaagatappavedite dhamma-vinaye agaarasmaa anagaariya.m pabbajjan' ti.|| ||

'Saadhu bhante, labheyya maatugaamo Tathaagatappavedite dhamma-vinaye agaarasmaa anagaariya.m pabbajjan'ti.|| ||

Ala.m Aananda, maa te rucci maatugaamassa Tathaagatappavedite dhamma-vinaye agaarasmaa anagaariya.m pabbajjaa' ti.|| ||

Dutiyam pi kho aayasmaa Aanando Bhagavanta.m etad avoca:|| ||

'Saadhu bhante, labheyya maatugaamo Tathaagatappavedite dhamma-vinaye agaarasmaa anagaariya.m pabbajjan' ti.

'Ala.m Aananda, maa te rucci maatugaamassa Tathaagatappavedite dhamma-vinaye agaarasmaa anagaariya.m pabbajjaa' ti.|| ||

Tatiyam pi kho aayasmaa Aanando Bhagavanta.m etad avoca:|| ||

'Saadhu bhante, labheyya maatugaamo Tathaagatappavedite dhamma-vinaye agaarasmaa anagaariya.m pabbajjan' ti.|| ||

'Ala.m Aananda, maate rucci maatugaamassa Tathaagatappavedite dhamma vinaye agaarasmaa anagaariya.m pabbajjan' ti.|| ||

6. Atha kho aayasmato Aanandassa etad ahosi:|| ||

'Na Bhagavaa anujaanaati maatugaamassa Tathaagatappavedite dhamma-vinaye agaarasmaa anagaariya.m pabbajja.m.|| ||

Yan nuunnaaha.m a~n~nena pi pariyaayena Bhagavanta.m yaaceyya.m maatugaamassa Tathaagatappavedite dhamma-vinaye agaarasmaa anagaariya.m pabbajjan' ti.|| ||

Atha kho aayasmaa Aanando Bhagavanta.m etad avoca:|| ||

'Bhabbo nu kho bhante, maatugaamo Tathaagatappavedite dhamma-vinaye agaarasmaa anagaariya.m pabbajitvaa||
sotapattiphala.m vaa||
sakadaagaamiphala.m vaa||
anaagaamiphala.m vaa||
arahattaphala.m vaa sacchikaatun' ti?|| ||

'Bhabbo Aananda maatugaamo Tathaagatappavedite dhamma-vinaye agaarasmaa anagaariya.m pabbajitvaa||
sotaapattiphalam pi||
sakadaagaamiphalam pi||
anaagaamiphalam pi||
arahattaphalam pi sacchikaatun' ti.|| ||

'Sace bhante, bhabbo maatugaamo Tathaagatappavedite dhamma-vinaye agaarasmaa anagaariya.m pabbajitvaa||
sotaapattiphalam pi||
sakadaagaamiphalam pi||
anaagaamiphalam pi||
arahattaphalam pi||
arahattaphalam pi sacchikaatu.m,||
bahupakaaraa Bhante, Mahaapajaapatii Gotamii Bhagavato maatucchaa aapaadikaa posikaa,||
Bhagavanta.m janettiyaa kaalakataaya tha~n~na.m paayesi.

Saadhu bhante, labheyya maatugaamo Tathaagatappavedite dhamma-vinaye agaarasmaa anagaariya.m pabbajjan' ti.|| ||

7. 'Sace Aananda, Mahaapajaapatii Gotamii a.t.tha garudhamme patiga.nhaati,||
saa'v'assaa hotu upasampadaa.|| ||

1. "Vassasatupasampannaaya bhikkhuniyaa tadahupasampannassa bhikkhuno abhivaadan.m paccu.t.thaana.m a~njalikamma.m saamiicikamma.m kattabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

2. Na bhikkhuniyaa abhikkhuke aavaase vassa.m upagantabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

3. Anvaddhamaasa.m bhikkhuniyaa bhikkhu-sa'nghato uposatha pucchaka~n ca ovaduupasa'nkamana~n ca pariyesitabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

4. Vassa.m vutthaaya bhikkhuniyaa ubhato sa'nghe tiihi .thaanehi pavaaretabbaa:||
di.t.thena sutena parisa'nkaaya.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

5. Garudhamma.m ajajhaapannaaya bhikkhuniyaa ubhato sa'nghe pakkhamaanatta.m caritabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

6. Dve vassaani chasu dhammesu sikhkhitasikkhaaya sikkhamaanaaya ubhato sa'nghe upasampadaa pariyesitabbaa.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

7. Na kenaci pariyaayena bhikkhuniyaa bhikkhuu akkositabbo paribhaasitabbo.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

8. Ajja-t-agge Aananda, ova.to bhikkhuniina.m bhikkhuusu vacanapatho, anova.to bhikkhuuna.m bhikkhuniisu vacanapatho.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

Sace Aananda, Mahaapajaapatii Gotamii ime a.t.tha garudhamme patiga.nhaati,||
saa'v'assaa hotu upasampadaa' ti.|| ||

8. Atha kho aayasmaa Aanando Bhagavato santike ime a.t.tha garudhamme uggahetvaa yena Mahaapajaapatii Gotamii ten'upasa'nkami.|| ||

Upasa'nkamitvaa mahaapajaapati.m Gotami.m etad avoca:|| ||

'Sace kho tva.m Gotami, a.t.tha garudhamme patiga.nheyyaasi,||
saa'va te bhavissati upasampadaa.

1. "Vassasatupasampannaaya bhikkhuniyaa tadahupasampannassa bhikkhuno abhivaadan.m paccu.t.thaana.m a~njalikamma.m saamiicikamma.m kattabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

2. Na bhikkhuniyaa abhikkhuke aavaase vassa.m upagantabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

3. Anvaddhamaasa.m bhikkhuniyaa bhikkhu-sa'nghato uposatha pucchaka~n ca ovaduupasa'nkamana~n ca pariyesitabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

4. Vassa.m vutthaaya bhikkhuniyaa ubhato sa'nghe tiihi .thaanehi pavaaretabbaa:||
di.t.thena sutena parisa'nkaaya.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

5. Garudhamma.m ajajhaapannaaya bhikkhuniyaa ubhato sa'nghe pakkhamaanatta.m caritabba.m.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

6. Dve vassaani chasu dhammesu sikhkhitasikkhaaya sikkhamaanaaya ubhato sa'nghe upasampadaa pariyesitabbaa.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

7. Na kenaci pariyaayena bhikkhuniyaa bhikkhuu akkositabbo paribhaasitabbo.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

8. Ajja-t-agge, ova.to bhikkhuniina.m bhikkhuusu vacanapatho, anova.to bhikkhuuna.m bhikkhuniisu vacanapatho.|| ||

Ayam pi dhammo sakkatvaa gakarukatvaa maanetvaa puujetvaa yaavajiiva.m anatikkamaniiyo.|| ||

Sace ko tva.m Gotamii, ime a.t.tha garudhamme patiga.nhayyaasi,||
saava te bhavissati upasampadaa' ti.|| ||

'Seyyathaa pi bhante Aananda, itthi vaa puriso vaa daharo yuvaa man.danakajaatiko siisa.m nahaato uppalamaala.m vaa vassikamaala.m vaa atimuttakamaala.m vaa lahitvaa ubhohi hatthehi pa.tiggahetvaa uttama'nge sirasmi.m pati.t.thaapeyya.|| ||

Evam eva kho aha.m bhante, ime a.t.tha garudhamme patiga.nhissaami yaavajiiva.m anatikkamaniiye' ti.|| ||

9. Atha kho aayasmaa Aanando yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m nisiidi,||
eka-m-anta.m nisinno kho aayasmaa Aanando Bhagavanta.m etad avoca:|| ||

'Pa.tiggahiitaa bhante, mahaapajaapatiyaa Gotamiyaa a.t.tha garudhammaa yaavajiiva.m anatikkamaniiyaa' ti.|| ||

'Sace Aananda, naalabhissa maatugaamo Tathaagatappavedite dhamma-vinaye agaarasmaa anagaariya.m pabbajja.m,||
cira.t.thitika.m Aananda, brahmacariya.m abhavissa,||
vassasahassam eva saddhammo ti.t.theyya.|| ||

Yato ca kho Aananda, maatugaamo Tathaagatappavedite dhamma-vinaye agaarasmaa anagaariya.m pabbajito,||
na daani Aananda, brahmacariya.m cira.t.thitika.m bhavissati,||
pa~nc'eva daani Aananda, vassasataani saddhammo .thassati.|| ||

Seyyathaa pi Aananda, yaani kaanici kulaani bahukitthikaani appurisakaani,||
taani suppadha.msiyaani honti corehi kumbhatthenakehi.|| ||

Evam eva kho Aananda, yasmi.m dhamma-vinaye labhati maatugaamo agaarasmaa anagaariya.m pabbajja.m,||
na ta.m brahmacariya.m cira.t.thitika.m hoti.|| ||

Seyyathaa pi Aananda, sampanne saalikkhette seta.t.thikaa naama rogajaati nipatati,||
eva.m ta.m saalikkhetta.m na cira.t.thitika.m hoti.|| ||

Evam eva kho Aananda, yasmi.m dhamma-vinaye labhati maatugaamo agaarasmaa anagaariya.m pabbajja.m,||
na ta.m brahmacariya.m cira.t.thitika.m hoti.|| ||

Seyyathaa pi Aananda, sampanne ucchukhette ma~nje.t.thikaa naama rogajaati nipatti,||
eva.m ta.m ucchukhetta.m na cira.t.thitika.m hoti.|| ||

Evam eva kho Aananda, yasmi.m dhamma-vinaye labhati maatugaamo agaarasmaa anagaariya.m pabbajja.m,||
na ta.m brahmacariya.m cira.t.thitiki.m hoti.|| ||

Seyyathaa pi Aananda, puriso mahato ta.laakassa pa.tigacc'eva aa.li.m bandheyya yaava-d'eva udakassa anatikkamanaaya,||
evam eva kho Aananda mayaa pa.tigacc'eva bhikkhuniina.m a.t.tha garudhammaa pa~n~nattaa yaavajiiva.m anatikkamaniiyaa' ti.|| ||

 


Contact:
E-mail
Copyright Statement