Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Atthaka Nipaata

Sutta 56

Bhaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. 'Bhayan' ti bhikkhave, kaamaanam eta.m adhivacana.m,||
'dukkhan' ti bhikkhave, kaamaanam eta.m adhivacana.m,||
'rogo' ti bhikkhave, kaamaanam eta.m adhivacana.m,||
'ga.n.do' ti bhikkhave, kaamaanam eta.m adhivacana.m,||
'sallan' ti bhikkhave, kaamaanam eta.m adhivacana.m,||
'sa'ngo' ti bhikkhave, kaamaanam eta.m adhivacana.m,||
'pa'nko' ti bhikkhave, kaamaanam eta.m adhivacana.m,||
'gabbho' ti bhikkhave, kaamaanam eta.m adhivacana.m.|| ||

3. Kasmaa ca bhikkhave, 'bhayan' ti kaamaanam eta.m adhivacana.m?|| ||

Yasmaa ca kaamaraagarattaaya.m bhikkhave, chandaraagavinibaddho di.t.thadhammikaa pi bhayaa na parimuccati,||
[290]samparaadhikaa pi bhayaa na parimuccati.|| ||

Tasmaa 'bhayan' ti kaamaanam eta.m adhivacana.m.|| ||

4. Kasmaa ca bhikkhave, 'rogo' ti kaamaanam eta.m adhivacana.m?|| ||

Yasmaa ca kaamaraagarattaaya.m bhikkhave, chandaraagavinibaddho di.t.thadhammikaa pi rogaa na parimuccati,||
samparaadhikaapi rogaa na parimuccati.|| ||

Tasmaa 'rogo' ti kaamaanam eta.m adhivacana.m.|| ||

5. Kasmaa ca bhikkhave, 'ga.n.do' ti kaamaanam eta.m adhivacana.m?|| ||

Yasmaa ca kaamaraagarattaaya.m bhikkhave, chandaraagavinibaddho di.t.thadhammikaa pi ga.n.daa na parimuccati,||
samparaadhikaa pi ga.n.daa na parimuccati.|| ||

Tasmaa 'ga.n.do' ti kaamaanam eta.m adhivacana.m.|| ||

6. Kasmaa ca bhikkhave, 'sallan' ti kaamaanam eta.m adhivacana.m?|| ||

Yasmaa ca kaamaraagarattaaya.m bhikkhave, chandaraagavinibaddho di.t.thadhammikaa pi sallaa na parimuccati,||
samparaadhikaa pi sallaa na parimuccati.|| ||

Tasmaa 'sallan' ti kaamaanam eta.m adhivacana.m.|| ||

7. Kasmaa ca bhikkhave, 'sa'ngo' ti kaamaanam eta.m adhivacana.m?|| ||

Yasmaa ca kaamaraagarattaaya.m bhikkhave, chandaraagavinibaddho di.t.thadhammikaa pi sa'ngaa na parimuccati,||
samparaadhikaa pi sa'ngaa na parimuccati.|| ||

Tasmaa 'sa'ngo' ti kaamaanam eta.m adhivacana.m.|| ||

8. Kasmaa ca bhikkhave, 'pa'nko' ti kaamaanam eta.m adhivacana.m?|| ||

Yasmaa ca kaamaraagarattaaya.m bhikkhave, chandaraagavinibaddho di.t.thadhammikaa pi pa'nkaa na parimuccati,||
samparaadhikaa pi pa'nkaa na parimuccati.|| ||

Tasmaa 'pa'nko' ti kaamaanam eta.m adhivacana.m.|| ||

9. Kasmaa ca bhikkhave, 'gabbho' ti kaamaanam eta.m adhivacana.m?|| ||

Yasmaa ca kaamaraagarattaaya.m bhikkhave, chandaraagavinibaddho di.t.thadhammikaa pi gabbhaa na parimuccati,||
samparaadhikaa pi gabbhaa na parimuccati.|| ||

Tasmaa 'gabbho' ti kaamaanam eta.m adhivacana.m.|| ||

Bhaya.m dukkha~n ca rogo ca ga.n.do salla~n ca sa'ngo ca pa'nko gabbho ca ubhaya.m.||
Ete kaamaa pavuccanti, yattha satto puthujjano||
Oti.n.no saataruupena puna gabbhaaya gacchati,||
Yato ca bhikkhu aataapii sampaja~n~na.m na ri~ncati.||
So ima.m palipatha.m dugga.m atikkamma tathaavidho,||
Paja.m jaati jaruupeta.m phandamaana.m avekkhatii ti.|| ||

 


Contact:
E-mail
Copyright Statement