Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Atthaka Nipaata

Sutta 57

Pa.thama Aahuneyyabhikkhu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. A.t.thahi bhikkhave dhammehi samannaagato bhikkhu aahuneyyo hoti paahuneyyo dakkhi.neyyo a~njalikara.niiyo anuttara.m pu~n~nakkhetta.m lokassa.|| ||

Katamehi a.t.thahi?|| ||

3. Idha, bhikkhave, bhikkhu siilavaa hoti,||
paatimokkha-sa.mvarasa.mvuto viharati,||
aacaaragocarasampanno a.numattesu vajjesu bhayadassaavii||
samaadaaya sikkhati sikkhaapadesu;|| ||

4. Bahussuto hoti sutadharo sutasannicayo.|| ||

Ye te dhammaa aadikalyaa.naa majjhekalyaa.naa pariyosaanakalyaa.naa saatthaa savya~njanaa kevalaparipu.n.naa parisuddha.m brahmacariya.m abhivadanti.|| ||

Tathaaruupaassa dhammaa bahussutaa honti dhataa vacasaa paricitaa manasaanupekkhitaa di.ti.thiyaa suppa.tividdhaa;|| ||

5. Kalyaa.namitto hoti||
kalyaa.nasahaayo kalyaa.nasampava'nko;|| ||

6. Sammaadi.t.thiko hoti,||
sammaa-[291] dassanena samannaagato,|| ||

7. Catunna.m jhaanaanam abhicetasikaana.m di.t.thadhamma-sukhavihaaraana.m nikaamalaabhii hoti||
akicchalaabhii akasiralaabhii;|| ||

8. Anekavihita.m pubbenivaasa.m anussarati, seyyathiida.m: ekam pi jaati dve pi jaatiyo Tisso pi jaatiyo vatassopi jaatiyo pa~nca pi jaatiyo dasa pi jaatiyo viisampi jaatiyo ti.msam pi jaatiyo cattaariisam pi jaatiyo pa~n~naasam pi jaatiyo jaati-satam pi jaati-sahassam pi jaati-sata-sahassam pi anekepi sa.mva.t.takappe anekepi viva.t.takappe anekepi sa.mva.t.ta-viva.t.takappe.|| ||

Amutraasi.m eva.m-naamo, eva.m-gotto eva.m-va.n.no evam-aahaaro eva.m-sukha-dukkha-pa.tisa.mvedii evam-aayu-pariyanto.|| ||

So tato cuto amutra upapaadi.m,||
tatraapaasi.m eva.m-naamo eva.m-gotto eva.mva.na.no evam-aahaaro eva.m-sukha-dukkha-pa.tisa.mvedii evam-aayu-pariyanto.|| ||

So tato cuto idhuupapannoti.|| ||

Iti saakaara.m sa-uddesa.m aneka-vihita.m pubbenivaasa.m anussarati.|| ||

9. Dibbena cakkhunaa visuddhena atikkantamaanusakena satte passati cavamaane uppajjamaane hine pa.nite suva.n.ne dubba.n.ne sugate duggate yathaakammuupage satte pajaanaati.|| ||

||

"Ime vata bhonto sattaa kaayaduccaritena samannaagataa,||
vaciiduccaritena samannaagataa,||
manoduccaritena samannaagataa,||
ariyaana.m upavaadakaa micchaadi.t.thikaa||
micchaadi.t.thikammasamaadaanaa.|| ||

Te kaayassa bhedaa param mara.naa apaaya.m duggati.m vinipaata.m niraya.m upapannaa.|| ||

Ime vaa pana bhonto sattaa kaayasucaritena samannaagataa,||
vaciisucaritena samannaagataa,||
manosucaritena samannaagataa,||
ariyaana.m anupavaadakaa sammaadi.t.thikaa||
sammaadi.t.thikammasamaadaanaa.|| ||

Te kaayassa bhedaa param mara.naa sugati.m sagga.m loka.m uppannaa" ti.|| ||

Iti dibbena cakkhunaa visuddhena atikkanta-maanusakena satte passaami cavamaane uppajjamaane,||
hiine pa.niite suva.n.ne dubba.n.ne sugate duggate yathaakammuupage satte pajaanaami;|| ||

10. Aasavaana.m khayaa anaasava.m ceto vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Imehi kho bhikkhave, a.t.thahi dhammehi samannaagato bhikkhu aahuneyyo hoti, paahuneyyo, dakkhineyyo, a~njalikara.niiyo, anuttara.m pu~n~nakkhetta.m lokassaa' ti.|| ||

 


Contact:
E-mail
Copyright Statement