Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Atthaka Nipaata
Bhuumicaala-Vagga

Sutta 62

Ala.m Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Chahi bhikkhave, dhammehi samannaagato bhikkhu ala.m attano,||
ala.m paresa.m.|| ||

Katamehi chahi?|| ||

3. Idha, bhikkhave, bhikkhu khippanisanti ca hoti kusalesu dhammesu,||
sutaana.m dhammaana.m dhaara.najaatiko hoti,||
dhataana~n ca dhammaana.m atthupparikkhitaa hoti,||
attham a~n~naaya dhammam a~n~naaya dhammaanudhammapa.tipanno ca hoti,||
kalyaa.navaaco ca hoti kalyaa.navaakkara.no poriyaa vaacaaya samannaagato vissa.t.thaaya anelaga.laaya atthassa vi~n~naapaniyaa,||
sandassako ca hoti samaadapako samuttejako sampaha.msako sabrahmacaariina.m.|| ||

Imehi kho bhikkhave, chahi dhammehi samannaagato bhikkhu ala.m attano,||
ala.m paresa.m.|| ||

4. Pa~ncahi bhikkhave, dhammehi samannaagato bhikkhu ala.m attano,||
ala.m paresa.m.|| ||

Katamehi pa~ncahi?|| ||

5. Idha, bhikkhave, bhikkhu na h'eva kho khippanisantii ca hoti kusalesu dhammesu,||
sutaana~n ca dhammaana.m dhaara.najaatiko hoti,||
dhataana~n ca dhammaana.m atthupparikkhitaa hoti,||
attham a~n~naaya dhammam a~n~naaya dhammaanudhammapa.tipanno ca hoti,||
kalyaa.navaaco hoti kalyaa.navaakkara.no poriyaa vaacaaya samannaagato vissa.t.thaaya anelaga.laaya atthassa vi~n~napaniyaa,||
sandassako ca hoti samaadapako samuttejako sampaha.msako sabrahmacaariina.m.|| ||

Imehi kho bhikkhave, pa~ncahi dhammehi samannaagato bhikkhu ala.m attano,||
ala.m paresa.m.|| ||

6. Catuhi bhikkhave dhammehi samannaagato bhikkhu ala.m attano,||
no paresa.m.|| ||

Katamehi catuhi?|| ||

7. Idha, bhikkhave, bhikkhu khippanisantii ca hoti kusalesu dhammesu,||
sutaana~n ca dhammaana.m dhaara.najaatiko [297] hoti,||
dhataana~n ca dhammaana.m atthupparikkhitaa hoti,||
attham a~n~naaya dhammam a~n~naaya dhammaanudhammapa.tipanno ca hoti,||
no ca kalyaa.navaaco hoti kalyaa.navaakkara.no poriyaa vaacaaya samannaagato vissa.t.thaaya anelaga.laaya atthassa vi~n~naapaniyaa,||
no ca sandassako hoti samaadapako samuttejako sampaha.msako sabrahmacaariina.m.|| ||

Imehi kho bhikkhave, catuhi dhammehi samannaagato bhikkhuu ala.m attano,||
no paresa.m.|| ||

8. Catuhi bhikkhave, dhammehi samannaagato bhikkhu ala.m paresa.m,||
no attano.|| ||

Katamehi catuhi?|| ||

9. Idha, bhikkhave, bhikkhu khippanisantii ca hoti kusalesu dhammesu,||
sutaana~n ca dhammaana.m dhaara.najaatiko hoti,||
no ca dhataana.m dhammaana.m atthupparikkhitaa hoti,||
na ca attham a~n~naaya dhammam a~n~naaya dhammaanudhammapa.tipanno hoti,||
kalyaa.navaaco ca hoti kalyaa.navaakkara.no poriyaa vaacaaya samannaagato vissa.t.thaaya anelaga.laaya atthassa vi~n~napaniyaa,||
sandassako ca hoti samaadapako samuttejako sampaha.msako sabrahmacaariina.m.|| ||

Imehi kho bhikkhave, catuhi dhammehi samannaagato bhikkhu ala.m paresa.m,||
no attano.|| ||

10. Tiihi bhikkhave, dhammehi samannaagato bhikkhu ala.m attano,||
no paresa.m.|| ||

Katamehi tiihi?|| ||

11. Idha, bhikkhave, bhikkhu na h'eva kho khippanisasti ca hoti kusalesu dhachammesu,||
sutaana~n ca dhammaana.m dhaara.najaatiko hoti,||
dhataana~n ca dhammaana.m atthupparikkhitaa hoti,||
attham a~n~naaya dhammam a~n~naaya dhammaanudhammapa.tipanno ca hoti,||
no ca kalyaa.navaaco hoti, kalyaa.navaakkara.no poriyaa vaacaaya samannaagato vissa.t.thaaya [298] anelaga.laaya atthassa vi~n~naapaniyaa,||
no ca sandassako hoti samaadapako samuttejako samaphaha.msako sabrahmacaariina.m.|| ||

Imehi kho bhikkhave, tiihi dhammehi samannaagato bhikkhuu ala.m attano,||
no paresa.m.|| ||

12. Tiihi bhikkhave, dhammehi samannaagato bhikkhu ala.m paresa.m,||
no attano.|| ||

Katamehi tiihi?|| ||

13. Idha, bhikkhave, bhikkhu na h'eva kho khippanisantii ca hoti kusalesu dhammesu,||
sutaana~n ca dhammaana.m dhaara.najaatiko hoti,||
no ca dhataana.m dhammaana.m atthupaparikkhitaa hoti,||
no ca attham a~n~naaya dhammam a~n~naaya dhammaanudhammapa.tipanno hoti,||
kalyaa.navaaco ca hoti kalyaa.navaakkara.no poriyaa vaacaaya samannaagato vissa.t.thaaya anelaga.laaya atthassa vi~n~naapaniyaa,||
sandassako ca hoti samaadapako samuttejako sampaha.msako sabrahmacaariina.m.|| ||

Imehi kho bhikkhave, catuhi dhammehi samannaagato bhikkhu ala.m paresa.m,||
no attano.|| ||

14. Dviihi bhikkhave, dhammehi samannaagato bhikkhu ala.m attano,||
no paresa.m.|| ||

Katamehi dviihi?|| ||

15. Idha, bhikkhave, bhikkhu na h'eva kho khippanisastii ca hoti kusalesu dhammesu,||
no ca sutaana.m dhammaana.m dhaara.najaatiko hoti,||
dhataana~n ca dhammaana.m atthupaparikkhitaa hoti,||
attham a~n~naaya dhammam a~n~naaya dhammaanudhammapa.tipanno ca hoti,||
no ca kalyaa.navaaco hoti, kalyaa.navaakkara.no poriyaa vaacaaya samannaagato vissa.t.thaaya anelaga.laaya atthassa vi~n~naapaniyaa,||
no ca sandassako hoti samaadapako samuttejako samaphaha.msako sabrahmacaariina.m.|| ||

Imehi kho bhikkhave, dviihi dhammehi samannaagato bhikkhuu ala.m attano,||
no paresa.m.|| ||

16. Dviihi bhikkhave, dhammehi samannaagato bhikkhu ala.m paresa.m,||
no attano.|| ||

Katamehi dviihi?|| ||

17. Idha, bhikkhave, bhikkhu na h'eva kho kiphpanisanti hoti kusalesu dhammesu,||
no ca sutaana.m dhammaana.m dhaara.najaatiko hoti,||
no ca dhataana.m dhammaana.m atthupa- [299] parikkhitaa hoti,||
no ca attham a~n~naaya dhammam a~n~naaya dhammaanudhammapa.tipanno hoti,||
kalyaa.navaaco ca hoti kalyaa.navaakkara.no poriyaa vaacaaya samannaagato vissa.t.thaaya anelaga.laaya atthassa vi~n~naapaniyaa,||
sandassako ca hoti samaadapako samuttejako sampaha.msako sabrahmacaariina.m.|| ||

Imehi kho bhikkhave, dviihi dhammehi samannaagato bhikkhu ala.m paresa.m,||
no attano ti.|| ||

 


Contact:
E-mail
Copyright Statement