Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Atthaka Nipaata
Bhuumicaala-Vagga

Sutta 63

U-N-A-B-R-I-D-G-E-D

Sa'nkhittadesita Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha kho a~n~nataro bhikkhu yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi eka-m-anta.m nisinno ko so bhikkhu Bhagavanta.m etad avoca:|| ||

'Saadhu me bhante, Bhagavaa sa'nkhittena dhamma.m desetu,||
yam aha.m Bhagavato dhamma.m sutvaa eko vuupaka.t.tho appamatto aataapi pahitatto vihareyyan' ti.|| ||

Evam eva pan'idh'ekacce moghapurisaa mama~n ~neva ajjhasanti,||
Dhamme ca bhaasite mama~n ~neva anubandhitabba.m ma~n~nan ti.|| ||

'Desetu me bhante,||
Bhagavaa sa'nkhittena dhamma.m,||
desetu sugato sa'nkhittena dhamma.m,||
app eva naamaaha.m Bhagavato bhaasitassa attha.m aajaaneyya.m,||
app eva naamaaha.m Bhagavato bhaasitassa daayaado assantii' ti.|| ||

2. Tasmaatiiha te bhikkhuu, eva.m sikkhitabba.m:|| ||

'Ajajhatta me citta.m .thita.m bhavissati susa.n.thita.m,||
na c'uppannaa paapakaa akusalaa dhammaa citta.m pariyaadaaya .thassantii' ti.|| ||

Eva.m hi te bhikkhu,||
sikkhitabba.m.|| ||

3. Yato kho te bhikkhu, ajajhatta.m citta.m .thita.m hoti susa.n.thita.m,||
na cuppannaa paapakaa akusalaa dhammaa citta.m pariyaadaaya ti.t.thanti,||
tato te bhikkhu, eva.m sikkhitabba.m:|| ||

[300] 'Mettaa me ceto-vimutti bhaavitaa bhavissati||
bahuliikataa yaaniikataa vatthukataa anu.t.thitaa paricitaa susamaaraddhaa' ti.|| ||

Eva.m hi te bhikkhu, sikkhiitabba.m.|| ||

4. Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito hoti subhaavito,||
tato te bhikkhu, eva.m sikkhitabba.m:|| ||

'Karu.naa me ceto-vimutti bhaavitaa bhavissati||
bahuliikataa yaaniikataa vatthukataa anu.t.thitaa parivitaa susamaaraddhaa' ti.|| ||

Eva.m hi te bhikkhu, sikkhitabba.m.|| ||

Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito hoti subhaavito,||
tato te bhikkhu, eva.m sikkhitabba.m:|| ||

'Muditaa me ceto-vimutti bhaavitaa bhavissati||
bahuliikataa yaaniikataa vatthukataa anu.t.thitaa parivitaa susamaaraddhaa' ti.|| ||

Eva.m hi te bhikkhu, sikkhitabba.m.|| ||

Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito hoti subhaavito,||
tato te bhikkhu, eva.m sikkhitabba.m:|| ||

'Upekhaa me ceto-vimutti bhaavitaa bhavissati||
bahuliikataa yaaniikataa vatthukataa anu.t.thitaa parivitaa susamaaraddhaa' ti.|| ||

Eva.m hi te bhikkhu, sikkhitabba.m.|| ||

Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito hoti subhaavito,||
tato te bhikkhu, eva.m sikkhitabba.m:|| ||

Kaaye kaayaanupassi viharissaami aataapii sampajaano satimaa vineyya loke abhijajhaadomanassan ti.|| ||

Eva.m hi te bhikkhu, sikkhitabba.m.|| ||

6. Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m [301] bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito hoti subhaavito,||
tato te bhikkhu, eva.m sikkhitabba.m:|| ||

Vedanaasu vedanaanupassi viharasismi aataapi sampajaano satimaa vineyya loke abhijjhaadomanassanti.|| ||

Eva.m hi te bhikku, sikkhitabba.m.|| ||

Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito hoti subhaavito,||
tato te bhikkhu, eva.m sikkhitabba.m:|| ||

Citte cittaanupassii aataapi sampajaano satimaa vineyya loke abhijjhaadomanassanti.|| ||

Eva.m hi te bhikku, sikkhitabba.m.|| ||

Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito hoti subhaavito,||
tato te bhikkhu, eva.m sikkhitabba.m:|| ||

Dhammesu dhammaanupassii aataapi sampajaano satimaa vineyya loke abhijjhaadomanassanti.|| ||

Eva.m hi te bhikku, sikkhitabba.m.|| ||

7. Yato kho te bhikkhu, aya.m samaadhi eva.m bhaavito hoti bahuliikato,||
tato tva.m bhikkhuu, ima.m samaadhi.m savitakkam pi savicaara.m bhaaveyyaasi,||
avitakkam pi vicaaramanta.m bhaaveyayaasi,||
avitakam pi avicaara.m bhaaveyyaasi,||
sappiitikam pi bhaaveyyaasi,||
nippiitikam pi bhaaveyyaasi,||
saatasahagatam pi bhaaveyyaasi,||
upekkhaasahagatam pi bhaaveyyaasi.|| ||

Yato kho te bhikkhu, aya.m samaadhi eva.m bhaavito bhavissati subhaavito,||
tato tva.m bhikkhu, yena yen'eva gacchasi phaasu yeva gacchasi,||
yattha yattha .thassasi phaasu yeva .thassasi,||
yattha yattha nisiidissasi, phaasu yeva nisiidissasi,||
yattha yattha seyya.m kappessasi, phaasu yeva seyya.m kappessasii ti.|| ||

8. Atha kho so bhikkhu Bhagavataa iminaa ovaadena ovadito u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho so bhikkhu eko vuupaka.t.tho appamatto aataapi pahitatto viharanto na cirass'eva yass'atthaaya kulaputtaa samma-d-eva agaarasmaa anagaariya.m pabbajanti,||
tad anuttara.m brahmacariyapariyosaana.m di.t.the va dhamme saya.m abhi~n~naa sacchikatvaa upasampajja vibhaasi.|| ||

[302] Khii.naa jaati vusita.m brahmacariya.m kata.m kara.niiya.m naapara.m itthattaayaa' ti abbha~n~naasi.|| ||

A~n~nataro ca pana so bhikkhu arahata.m ahosii ti.|| ||

 


Contact:
E-mail
Copyright Statement