Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Atthaka Nipaata

Sutta 80

Kusiitaarambhavatthu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


[322]

[1][pts][ati] Eva.m me suta.m:|| ||

Saavatthinidaana.m.|| ||

A.t.th'imaani bhikkhave kusiitavatthuni.|| ||

Katamaani a.t.tha?|| ||

2. Idha, bhikkhave, bhikkhunaa kamma.m kattabba.m hoti.|| ||

Tassa eva.m hoti:||
kamma.m kho me kattabba.m bhavissati.|| ||

Kamma.m kho pana me karontassa kaayo kilamissati handaaha.m nipajjaamii ti.|| ||

So nijjati, na viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, pa.thama.m kusiitavatthu.|| ||

3. Puna ca para.m bhikkhave bhikkhunaa kamma.m kata.m hoti.|| ||

Tassa eva.m hoti:||
aha.m kho kamma.m akaasi.m,||
kamma.m kho pana me karontassa kaayo kilanto,||
handaaha.m nipajjaamiiti.|| ||

So nipajjati, na viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, dutiya.m kusiitavatthu.|| ||

4. Puna ca para.m bhikkhave bhikkhunaa maggo gantabbo hoti.|| ||

Tassa eva.m hoti: 'maggo me gantabbo bhavissati,||
magga.m kho pana me gacchantassa kaayo kilamissati.|| ||

Handaaha.m nipajjaamii'ti.|| ||

So nipajjati na viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya ida.m bhikkhave,||
tatiya.m kusiitavatthu.|| ||

5. Puna ca para.m bhikkhave bhikkhunaa maggo gato hoti.|| ||

Tassa eva.m hoti:||
aha.m kho magga.m agamaasi.m,||
magga.m kho pana me gacchantassa kaayo kilaanto,||
handaaha.m nipajjaamii' ti.|| ||

So nipajjati, na viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, catuttha.m kusiitatthu.|| ||

6. Puna ca para.m bhikkhave bhikkhu gaama.m vaa nigama.m vaa pi.n.daaya varanto na labhati luukhassa vaa pa.nitassa vaa bhojanassa yaavadattha.m paaripuuri.m.|| ||

Tassa eva.m [333] hoti:||
aha.m kho gaama.m vaa nigama.m vaa pi.n.daaya caranto naalattha.m luukhassa vaa pa.nitassa vaa bhojanassa yaavadattha.m paaripuuri.m, tassa me kaayo kilanto, akamma~n~neha.m, nipajjaamii' ti.|| ||

So nipajjati, na viriya.m aarabhati appattassa pattiyaa anadhigatassa adhigamaaya asaccikatassa sacchikiriyaaya.|| ||

Ida.m, bhikkhave, bhikkhave,||
pa~ncama.m kusiitavatthu.|| ||

7. Puna ca para.m bhikkhave bhikkhu gaama.m vaa nigama.m vaa pi.n.daaya caranto labhati luukhassa vaa pa.niitassa vaa bhojanassa yaavadattha.m paaripuuri.m.|| ||

Tassa eva.m hoti:||
aha.m kho gaama.m vaa nigama.m vaa pi.n.daaya caranto alattha.m luukhassa vaa pa.niitassa vaa bhojanassa yaavadattha.m paaripuuri.m.|| ||

Tassa me kaayo garuko akamma~n~no, maasaavita.m.|| ||

Ma~n~ne, handaaha.m nipajjaamii' ti||
so nipajja ti,||
na viriya.m aarabhati appattassa pattiyaa anadhigatassa adhigamaaya asaccikatassa sacchikiriyaaya.|| ||

Ida.m, bhikkhave, cha.t.tha.m kusiitavatthu.|| ||

8. Puna ca para.m bhikkhave bhikkhuno uppanno hoti appamattako aabaadho.|| ||

Tassa eva.m hoti:||
"uppanno kho me aya.m appamattako aabaadho, atthi kappo,||
nipajjitu.m, handaaha.m nipajjajaamii" ti.|| ||

So nipajjati, na viriya.m aarabhati appattassa pattiyaa anadhigatassa adhigamaaya asaccikatassa sacchikiriyaaya.|| ||

Ida.m, bhikkhave, sattama.m kusiitavatthu.|| ||

9. Puna ca para.m bhikkhave bhikkhu gilaanaa vu.t.thito hoti,||
aciravu.t.thito gela~n~naa.|| ||

Tassa eva.m hoti:||
aha.m kho gilaanaa vu.t.thito aciravu.t.thito gela~n~naa,||
tassa me kaayo dubbalo akamma~n~naa.|| ||

Handaaha.m nipajjaamiiti.|| ||

So nipajjati, na viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, a.t.thama.m kusiitavatthu.|| ||

Imaani kho bhikkhave a.t.tha kusiitavatthunii" ti.|| ||

[334] 10. "A.t.th'imaani bhikkhave aarambhavattuuni.|| ||

Katamaani a.t.tha?|| ||

11. Idha, bhikkhave, bhikkhunaa kamma.m kattabba.m hoti.|| ||

Tassa eva.m hoti;||
Kamma.m kho me kattabba.m bhavissati,||
kamma.m kho pana me karontena na suukara.m buddhaana.m saasana.m manasikaatu.m,||
handaaha.m pa.tigacceva viriya.m aarabhaami appattassa pattiyaa anadhigatassa adhigamaaya asacchikatassa sacchikiriyaayaa' ti so viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, pa.thama.m aarambhavatthu.|| ||

12. Puna ca para.m bhikkhave bhikkhunaa kamma.m kata.m hoti.|| ||

Tassa eva.m hoti:||
aha.m kho kamma.m akaasi.m,||
kamma.m kho panaaha.m karonto naasakkhi.m Buddha saasana.m manasikaatu.m,||
handaaha.m viriya.m aarabhaami appattassa pattiyaa anadhigatassa adhigamaaya asacchikatassa sacchikiriyaaya.|| ||

So viriya.m aarabhati appattassa pattiyaa,||
anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, dutiya.m aarambhavatthu.|| ||

13. Puna ca para.m bhikkhave bhikkhunaa maggo gantabbo hoti.|| ||

Tassa eva.m hoti:||
maggo me gantabbo bhavissati,||
magga.m kho pana me gacchantena na suukara.m buddhaana.m saasana.m manasikaatu.m.|| ||

Handaaha.m viiriya.m aarabhaami appattassa pattiyaa anadhigatassa adhigamaaya asaccikatassa saccikiriyaaya.|| ||

So viriya.m aarabhati appattassa pattiyaa,||
anadhigatassa adhigamaaya asacchikatassa saccikiriyaaya.|| ||

Ida.m, bhikkhave, tatiya.m aarambhavatthu.|| ||

14. Puna ca para.m bhikkhave bhikkhunaa maggo gato hoti.|| ||

Tassa eva.m hoti:||
aha.m kho magga.m agamaasi.m,||
magga.m kho panaaha.m gacchanto naasakkhi.m buddhaana.m saasana.m manasikaatu.m,||
handaaha.m viriya.m aarabhaami appattassa pattiyaa anadhigatassa adhigamaaya asacchikatassa sacchikiriyaaya.|| ||

So viriya.m aarabhati appattassa pattiyaa,||
anadhigatassa adhigamaaya asacchikatassa saccikiriyaaya ida.m bhikkhave catuttha.m aarambhavatthu.|| ||

[335] 15. Puna ca para.m bhikkhave bhikkhu gaama.m vaa nigama.m vaa pi.n.daaya varanto na labhati luukhassa vaa pa.nitassa vaa bhojanassa yaavadattha.m paaripuuri.m.|| ||

Tassa eva.m hoti:||
aha.m kho gaama.m vaa nigama.m vaa pi.n.daaya caranto naalattha.m luukhassa vaa pa.nitassa vaa bhojanassa yaavadattha.m paaripuuri.m,||
tassa me kaayo lahuko kamma~n~no,||
handaaha.m viriya.m aarabhaami appattassa pattiyaa anadhigatassa adhigamaaya asacchikatassa sacchikiriyaaya.|| ||

So viriya.m aarabhati appattassa pattiyaa,||
anadhigatassa adhigamaaya asacchikatassa sacchikiriyaaya ida.m bhikkhave pa~ncama.m aarambhavatthu.|| ||

16. Puna ca para.m bhikkhave bhikkhu gaama.m vaa nigama.m vaa pi.n.daaya caranto labhati luukhassa vaa pa.niitassa vaa bhojanassa yaavadattha.m paaripuuri.m.|| ||

Tassa eva.m hoti:||
aha.m kho gaama.m vaa nigama.m vaa pi.n.daaya caranto alattha.m luukhassa vaa pa.niitassa vaa bhojanassa yaavadattha.m paaripuuri.m.|| ||

Tassa me kaayo balavaa kamma~n~no,||
handaaha.m viriya.m aarabhati appattassa pattiyaa anadhigatassa adhigamaaya asaccikatassa sacchikiriyaaya.|| ||

Ida.m, bhikkhave, cha.t.tha.m aarambhavatthu.|| ||

17. Puna ca para.m bhikkhave, bhikkhuno uppanno hoti appamattako aabaadho.|| ||

Tassa eva.m hoti:||
uppanno kho me aya appamattako aabaadho.|| ||

.Thaana.m kho pan'eta.m vijajati ya.m me aabaadho pava.d.de.dhayya,||
handaaha.m pa.tigacceva viriya.m aarabhaami appattassa pattiyaa anadhigatassa adhigamaaya asacchikatassa sacchikiriyaaya.|| ||

So viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, sattama.m aarambhavatthu.|| ||

18. Puna ca para.m bhikkhave, bhikkhu gilaanaa vu.t.thito hoti,||
acira vu.t.thito gela~n~naa.|| ||

Tassa eva.m hoti:||
aha.m kho gilaanaa vu.t.thito,||
aciravu.t.thito gela~n~naa.|| ||

.Thaana.m kho pan'eta.m vijjati ya.m me aabaadho paccudaavatteyya,||
handaaha.m pa.tigacceva viriya.m aarabhaami appattassa pattiyaa anadhigatassa adhigamaaya asacchikatassa sacchikiriyaaya.|| ||

So viriya.m aarabhati appattassa pattiyaa anadhigatassa adhigamaaya asacchikatassa sacchikiriyaaya.|| ||

Ida.m, bhikkhave, a.t.thama.m aarambhavatthu.|| ||

Imaani kho bhikkhave, a.t.tha aarambhavattunii ti.|| ||

 


Contact:
E-mail
Copyright Statement