Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Atthaka Nipaata
Sati-Vagga

Sutta 81

Satisampaja~n~na Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Satisampaja~n~ne bhikkhave,||
asati sampaja~n~na-vipannassa hat'upanisa.m hoti hirottappa.m.|| ||

Hirottappe asati||
hirottappa-vipannassa hat'upaniso hoti indriyasa.mvaro.|| ||

Indriyasa.mvare asati,||
indriyasa.mvara-vipannassa hat'upanisa.m hoti siila.m.|| ||

Siile asati,||
siila-vipannassa hat'upaniso hoti sammaa-samaadhi.|| ||

Sammaa-samaadhimhi asati,||
sammaa-samaadhi-vipannassa hat'upanisa.m hoti yathaabhuta-~naa.na-dassana.m.|| ||

Yathaabhuta-~naa.na-dassane asati,||
yathaabhuta-~naa.na-dassana-vipannassa hat'upaniso hoti nibbidaaviraago.|| ||

Nibbidaaviraage asati,||
nibbidaaviraaga-vipannassa hat'upanisa.m hoti vimutti-~naa.na-dassana.m.|| ||

Seyyathaa pi, bhikkhave, rukkho saakhaapalaasavipanno,||
tassa papa.tikaa pi na paaripuuri.m gacchati,||
taco pi pheggu pi saaro pi na paaripuuri.m gacchati.|| ||

Evam eva kho bhikkhave, satisampaja~n~ne asati||
satisampaja~n~na-vipannassa hat'upanisa.m hoti hirottappa.m.|| ||

Hirottappe asati||
hirottappa-vipannassa hat'upaniso hoti indriyasa.mvaro.|| ||

Indriyasa.mvare asati,||
indriyasa.mvara-vipannassa hat'upanisa.m hoti siila.m.|| ||

Siile asati,||
siila-vipannassa hat'upaniso hoti sammaa-samaadhi.|| ||

Sammaa-samaadhimhi asati,||
sammaa-samaadhi-vipannassa hat'upanisa.m hoti yathaabhuta-~naa.na-dassana.m.|| ||

Yathaabhuta-~naa.na-dassane asati,||
yathaabhuta-~naa.na-dassana-vipannassa hat'upaniso hoti nibbidaaviraago.|| ||

Nibbidaaviraage asati,||
nibbidaaviraaga-vipannassa hat'upanisa.m hoti vimutti-~naa.na-dassana.m.|| ||

 


 

Satisampaja~n~ne bhikkhave,||
sati satisampaja~n~na-sampannassa upanisa-sampanna.m hoti hirottappa.m.|| ||

Hirottappe sati,||
hirottappa-sampannassa upanisa-sampanno hoti indriya-sa.mvaro.|| ||

Indriya-sa.mvare sati,||
indriyasa.mvara-sampannassa upanisa-sampanna.m hoti siila.m.|| ||

Siile sati,||
siila-sampannassa upanisa-sampanno hoti sammaa-samaadhi.|| ||

Sammaa-samaadhimhi sati,||
sammaa-samaadhi-sampannassa upanisa-sampanna.m hoti yathaabhuta-~naa.na-dassana.m.|| ||

Yathaabhuta-~naa.na-dassane sati,||
yathaabhuta-~naa.na-dassana-sampannassa upanisa-sampanno hoti [337] nibbidaa-viraago.|| ||

Nibbidaa-viraage sati,||
nibbidaa-viraaga-sampinnassa upanisa-sampanna.m hoti vimuttii-~naa.na-dassana.m.|| ||

Seyyathaa pi, bhikkhave, rukkho saakhaapalaasa-sampanno,||
tassa papa.tikaa pi paaripuuri.m gacchati,||
taco pi pheggu pi saaro pi paaripuuri.m gacchati.|| ||

Evam eva kho bhikkhave sati-sampaja~n~ne satisampaja~n~na-sampannassa upanisa-sampanna.m hoti hirottappa.m.|| ||

Hirottappe sati,||
hirottappa-sampannassa upanisa-sampanno hoti indriya-sa.mvaro.|| ||

Indriya-sa.mvare sati,||
indriyasa.mvara-sampannassa upanisa-sampanna.m hoti siila.m.|| ||

Siile sati,||
siila-sampannassa upanisa-sampanno hoti sammaa-samaadhi.|| ||

Sammaa-samaadhimhi sati,||
sammaa-samaadhi-sampannassa upanisa-sampanna.m hoti yathaabhuta-~naa.na-dassana.m.|| ||

Yathaabhuta-~naa.na-dassane sati,||
yathaabhuta-~naa.na-dassana-sampannassa upanisa-sampanno hoti nibbidaa-viraago.|| ||

Nibbidaa-viraage sati,||
nibbidaa-viraaga-sampinnassa upanisa-sampanna.m hoti vimuttii-~naa.na-dassana.m.|| ||

 


Contact:
E-mail
Copyright Statement