Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Namo tassa Bhagavato arahato sammaa sambuddhassa

Sutta 1

Sambodhipakkhiya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati][upal] Eva.m me suta.m.|| ||

Eka.m samaya.m Bhagavaa Saavaatthiya.m viharati Jetavane Anaathapi.n.dikassa aaraame,||
tatra kho Bhagavaa bhikkhu aamantesi.|| ||

Bhikkhavo ti.|| ||

Bhadanteti te bhikkhu Bhagavato paccassosu.m Bhagavaa etad avoca:|| ||

Sace bhikkhave a~n~natitthiyaa paribbaajakaa eva.m puccheyyu.m: sambodhipikkhiyaana.m.|| ||

Aavuso dhammaana.m kaa upanisaa bhaavanaayaati.|| ||

Eva.m pu.t.tho tumhe bhikkhave tesa.m a~n~natitthiyaana.m paribbaajakaana.m kinti khyaakareyyaathaati.|| ||

Bhagavammuulakaa no bhante dhammaa Bhagavantettikaa,||
Bhagavampa.tisara.naa,||
saadhu vata bhante Bhagavanta.m yeva pa.tibhaatu etassa bhaasitasya attho.|| ||

Bhagavato sutvaa bhikkhu dhaaressantii ti.|| ||

Tena hi bhikkhave su.naatha saadhuka.m manasikarotha,||
bhaasissaamii ti.|| ||

Eva.m bhante' ti kho te bhikkhu Bhagavato paccassosu.m.|| ||

Bhagavaa etad avoca:|| ||

Sace bhikkhave a~n~natitthiyaa paribbaajakaa eva.m puccheyyu.m sambodhipakkhiiyaana.m aavuso dhammaana.m kaa upanisaa bhaavanaayaati.|| ||

Eva.m pu.t.thaa tumhe bhikkhave tesa.m a~n~natitthiyaana.m paribbaajakaana.m eva.m khyaakareyyaatha:|| ||

1. Idh'aavuso bhikkhu kalyaa.namitto hoti kalyaa.nasahaayo kalyaa.nasampava'nko.|| ||

Sambodhipakkhiyaana.m aavuso dhammaana.m aya.m pa.thamaa upanisaa bhaavanaaya.|| ||

2. Puna ca para.m aavuso bhikkhu siilavaa hoti paatimokkha-sa.mvara-sa.mvuto viharati aacaara-gocara-sampanno a.numattesu vajjesu bhaya-dassaavii samaadaaya sikkhati sikkhaapadesu.|| ||

Sambodhipakkhiyaana.m aavuso dhammaana.m aya.m dutiyaa upanisaa bhaavanaaya.|| ||

3. Puna ca para.m aavuso bhikkhuu yaaya.m kathaa ubhasallekhikaa cetovivara.nasappaayaa seyyath'ida.m:||
appicchakathaa santu.t.thikathaa pavivekakathaa asa.msaggakathaa viriyaarambhakathaa siilakathaa samaadhikathaa pa~n~naakathaa vimuttikathaa vimutti~naa.nadassanakathaa.|| ||

Evaruupiyaa kathaaya nikaamalaabhii hoti akicchalaabhii akasiralaabhii.|| ||

Sambodhipakkhiyaana.m aavuso dhammaana.m aya.m tatiyaa upanisaa bhaavanaaya.|| ||

4. Puna ca para.m aavuso bhikkhu aaraddhaviriyo viharati akusalaana.m dhammaana.m pahaanaaya,||
kusalaana.m dhammaana.m upasampadaaya thaamavaa da.lhaparakkamo anikkhittadhuuro kusalesu dhammesu.|| ||

Sambodhipakkhiyaana.m aavuso dhammaana.m aya.m catutthi upanisaa bhaavanaaya.|| ||

5. Puna ca para.m aavuso bhikku pa~n~navaa hoti udayatthagaaminiyaa pa~n~naaya samannaagato ariyaaya nibbedhikaaya sammaadukkhayagaaminiyaa.|| ||

Sambodhipakkhiyaana.m aavuso dhammaana.m aya.m pa~ncamii upanisaa bhaavanaaya.|| ||

Kalyaa.namittass'eta.m bhikkhave bhikkhuno paa.tika'nkha.m kalyaa.nasahaayassa kalyaa.nasampava'nkassa siilavaa bhavissati paatimokkha-sa.mvara-sa.mvuto viharissati aacaara-gocara-sampanno a.numattesu vijjesu bhayadassaavi samaadaaya sikkhati sikkhaapadesu.|| ||

Appicchakathaa santu.t.thikathaa pavivekakathaa asa.msaggakathaa viriyaarambhakathaa siilakathaa samaadhikathaa pa~n~naakathaa vimuttikathaa vimutti~naa.nadassanakathaa.|| ||

Evaruupiyaa kathaaya nikaamalaabhii bhavissati akicchalaabhii akasiralaabhii.|| ||

Kalyaa.namittass'eta.m bhikkhave bhikkhuno pa.tika'nkha.m kalyaa.nasahaayassa kalyaa.nasampava'nkassa: aaraddhaviriyo viharissati akusalaana.m dhammaana.m pahaanaaya kusalaana.m dhammaana.m upasampadaaya thaamavaa da.lhaparakkamo anikkhittadhuuro kusalesu dhammesu.|| ||

Kalyaa.namittass'eta.m bhikkhave bhikkhuno paa.tika'nkha.m kalyaa.nasahaayassa kalyaa.nasampava'nkassa: pa~n~navaa bhavissati udayatthagaaminiyaa pa~n~naaya samannaagato ariyaaya nibbedhikaaya sammaadukkhakyagaaminiyaa.|| ||

Tena ca pana bhikkhave bhikkhunaa imesu pa~ncasu dhammesu pati.t.thaaya cattaaro dhammaa uttari.m bhaavetabbaa:|| ||

6 - 9. Asubhaa bhaavetabbaa raagassa pahaanaaya.|| ||

Mettaa bhaavetabbaa vyaapaadassa pahaanaaya.|| ||

Aanaapaanasati bhaavetabbaa vitakkupacchedaaya.|| ||

Aniccasa~n~naa bhaavetabbaa asmiimaanasamuugghaataaya,||
aniccasa~n~nino bhikkhave bhikkhuno anattasa~n~naa sa.n.thaati.|| ||

Anattasa~n~nii asmiimaanasamuugghaata.m paapu.naati,||
di.t.the va dhamme nibbaananti.|| ||

 


Contact:
E-mail
Copyright Statement