Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 11

Saariputta Siihanaada Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][upal] Eva.m me suta.m:|| ||

Saavatthi nidaana.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame,||
athakho aayasmaa Saariputto yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Saariputto Bhagavanta.m etad avoca:|| ||

"Vutatho me bhante,||
Saavatthiya.m vassaavaaso,||
icchaam aha.m bhante,||
janapadacaarika.m pakkamitun" ti.|| ||

'Yassa daani tva.m Saariputta,||
kaala.m ma~n~nasii' ti|| ||

Atha kho aayasmaa Saariputto u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

[374] 2. Atha kho a~n~nataro bhikkhu acirapakkante Saariputte Bhagavanta.m etad avoca:|| ||

"Aayasmaa ma.m bhante,||
Saariputto aasajja appa.tinissajja caarika.m pakkanto" ti.|| ||

Atha kho Bhagavaa a~n~natara.m bhikkhu.m aamantesi:|| ||

"Ehi tva.m bhikkhu.m,||
mama vacanena Saariputta.m aamantesi:||
'Satthaa ta.m aavuso Saariputta,||
aamantetii' ti".|| ||

"Eva.m bhante" ti kho so bhikkhu Bhagavato pa.tissutvaa yenaayasmaa Saariputto ten'upasa'nkami,||
upasa'nkamitvaa aayasmanta.m Saariputta.m etad avoca:|| ||

"Satthaa ta.m aavuso Saariputta,||
aamantetii" ti.|| ||

'Evam aavuso' ti kho aayasmaa Saariputto tassa bhikkhuno paccassosi.|| ||

Tena kho pana samayena aayasmaa ca Mahaa Moggallaano aayasmaa ca Aanando avaapura.na.m aadaaya vihaarena vihaara.m anvaahi.n.danti.|| ||

'Abhikkamathaayasmanto,||
abhikkamathaayasampanto,||
idaan'aayasmaa Saariputto Bhagavato sammukhaa siihanaada.m nadissatii' ti.|| ||

3. Atha kho aayasmaa Saariputto yena Bhagavaa tonupasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m Saariputta.m Bhagavaa etad avoca:|| ||

'Idha te Saariputta,||
a~n~nataro sabrahmacaarii khiiyanadhamma.m aapanno:|| ||

"Aayasmaa ma.m bhante,||
Saariputto aasajja appa.tinissajja caarika.m pakkanto" ti.|| ||

4. Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante, pa.thaviya.m,||
sucim pi nikkhipanti,||
asucim pi nikkhipanti,||
guthagatam pi nikkhipanti,||
muttagatam pi nikkhipanti,||
khe.lagatam pi nikkhipanti,||
pubbagatam pi nikkhipanti,||
lohitagatam pi nikkhipanti,||
na ca tena pa.thavi a.t.tiiyati vaa haraayati vaa jigucchati vaa:||
evam [375] eva kho aha.m bhante,||
pa.thavisamena cetasaa viharaami,||
vipulena mahaggatena appamaa.nena averena avyaapajejhana.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante,||
aapasmi.m sucim pi dhovanti,||
asucim pi dhovanti,||
guthagatam pi dhovanti,||
muttagatam pi dhovanti,||
khe.lagatam pi dhovanti,||
pubbagatam pi dhovanti,||
lohitagatam pi dhovanti,||
na ca tena aapo a.t.tiiyati vaa haraayati vaa jigucchati vaa:||
evam eva kho aha.m bhante,
aaposamena cetasaa viharaami,||
vipulena mahaggatena appamaa.nena averena avyaapajejhana.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante,||
tejo sucim pi .dahati,||
asucim pi .dahati,||
guthagatam pi .dahati,||
muttagatam pi .dahati,||
khe.lagatam pi .dahati,||
pubbagatam pi .dahati,||
lohitagatam pi .dahati,||
na ca tena tejo a.t.tiiyati vaa haraayati vaa jigucchati vaa:||
evam eva kho aha.m bhante,||
tejosamena cetasaa viharaami,||
vipulena mahaggatena appamaa.nena averena avyaapajejhana.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante,||
vaayo sucim pi upavaayati,||
asucmi pi upavaayati,||
guthagatam pi upavaayati,||
muttagatam pi upavaayati,||
khe.lagatam pi upavaayati,||
pubbagatam pi upavaayati,||
lohitagatam pi upavaayati,||
na ca tena vaayo a.t.thiiyati vaa haraayati vaa jigucchati vaa:||
evam eva kho aha.m bhante,||
vaayosamena cetasaa viharaami,||
vipulena mahaggatena appamaa.nena averena avyaapajejhana.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

[376] Seyyathaa pi bhante,||
rajohara.na.m sucim pi pu~nachati,||
asucim pi pu~nchati,||
guthagatam pi pu~nchati||
muttagatam pi pu~nchati,||
khe.lagatam pi pu~nchati,||
pubbagatami pi pu~nchati,||
lohitagatam pi pu~nchati,||
na ca tena rajohara.na.m a.t.thiyati vaa haraayati vaa jigucchati vaa:||
evam eva kho aha.m bhante,||
rajohara.nasamena cetasaa viharaami,||
vipulena mahaggatena appamaa.nena averena avyaapajejhana.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante ca.n.daalakumaarako vaa can.daalakumaarikaa vaa ka.lopihattho nattakavaasii gaama.m vaa nigama.m vaa pavisasto niivacitta.m yeva upa.t.thapetvaa pavisati:||
evam eva kho aha.m bhante,||
ca.n.daalakumaarakasamena cetasaa viharaami,||
vipulena mahaggatena appamaa.nena averena avyaapajejhana.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante usabho chinnavisaa.no sorato sudanto suviniito rathiyaaya rathiya.m si'nghaa.takena si'nghaa.taka.m anvaahi.n.danto na ki~nci hi.msati paadena vaa visaa.nena vaa:||
evam eva kho aha.m bhante,||
usabhachinnavisaa.nasamena cetasaa viharaami,||
vipulena mahaggatena appamaa.nena averena avyaapajejhana.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante itthi vaa puriso vaa daharo vaa yuvaa vaa ma.n.danakajaatiko siisa.m nahaato ahiku.napena vaa [377] kukkuraku.napena vaa manussaku.napena vaa ka.n.the aasattena a.t.tiiyeyya haraayeyya jiguccheyya:||
evam eva kho aha.m bhante iminaa putikaayena a.t.tiyaami haraayaami jigucchaami|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

Seyyathaa pi bhante puriso medakathaalika.m parihareyya chidda.m vicchidda.m uggharanta.m paggharanta.m:||
evam eva kho aha.m bhante,||
ima.m kaaya.m pariharaami chidda.m vicchidda.m uggharanta.m paggharanta.m.|| ||

Yassa nuuna bhante kaaye kaayagataa-sati anupa.t.thitaa assa,||
so idha a~n~natara.m sabrahmacaarii.m aasajja appa.tinissajja caarika.m pakkameyya.|| ||

5. Atha kho so bhikkhu u.t.thaay aasanaa eka.msa.m uttaraasa'nga.m karitvaa Bhagavato paadesu sirasaa nipatitvaa Bhagavanta.m etad avoca:|| ||

"Accayo ma.m bhante accagamaa yathaabaala.m yathaamu.lha.m yathaa-akusala.m.|| ||

Yo'ha.m aayasminta.m Saariputta.m asataa tuccha musaa abhutena abbhaavikkhi.m.|| ||

Tassa me bhante Bhagavaa accaya.m accayato patiga.nhaatu aayati.m sa.mvaraayaa" ti.|| ||

'Taggha tva.m Bhikkhu accayo accagamaa yathaabaala.m yathaamuu.lha.m yathaa akusala.m,||
yo tva.m Saariputta.m asataa tucchaa musaa abhutena abbhaavikkhi;||
yato ca kho tva.m bhikkhu accaya.m accayato disvaa yathaadhamma.m pa.tikarosi,||
ta.m te maya.m patiga.nhaama,||
vuddhi h'esaa bhikkhu ariyassa vinaye yo accaya.m accayato disvaa yathaadhamma.m pa.tikaroti aayati.m sa.mvara.m aapajjatii' ti.|| ||

[378] 6. Atha kho Bhagavaa aayasmanta.m Saariputta.m aamantesi:|| ||

'Khama Saariputta imassa moghapurisassa puraassa tatth'eva sattadhaa muddhaa phalissatii' ti.|| ||

'Khamaam'aha.m bhante tassa aayasmato,
sace ma.m so aayaasmaa evam aaha:|| ||

'Khamatu ca me so aayasmaa' ti.|| ||

 


Contact:
E-mail
Copyright Statement