Aṅguttara Nikāya
IX. Navaka Nipāta
II. Sīhanāda Vagga
Sutta 13
Mahā-Koṭṭhita Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[351]
[1][pts][than][olds][upal] Evaṃ me sutaṃ,||
Sāvatthi nidānaṃ.|| ||
Atha kho āyāsmā MahāKoṭṭhito yenā yasmā Sāriputto ten'upasaṅkami,||
upasaṅkamitvā āyasmatā Sāriputtena saddhiṃ sammodi.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho āyasmā MahāKoṭṭhito āyasmantaṃ Sāriputtaṃ etad avoca:|| ||
"Kin nu kho āvuso Sāriputta:|| ||
'Yaṃ kammaṃ diṭṭha-dhamma-vedanīyaṃ,||
taṃ me kammaṃ samparāyavedanīyaṃ hotū' ti,||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
■
"Kiṃ pan'āvuso Sāriputta:|| ||
'Yaṃ kammaṃ samparāyavedanīyaṃ,||
tam me kammaṃ diṭṭha-dhamma-vedaniyaṃ hoti' ti||
etassa atthāya Bhagavati Brahma-cariyaṃ vustī" ti?|| ||
"No h'idaṃ āvuso."|| ||
■
Kin nu kho āvuso Sāriputta:|| ||
'Yaṃ kammaṃ sukha-vedaniyaṃ,||
taṃ me kammaṃ dukkhavedaniyaṃ hotu' ti||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
■
"Kin nu kho āvuso Sāriputta:|| ||
'Yaṃ kammaṃ dukkhavedaniyaṃ,||
taṃ me kammaṃ sukha-vedaniyaṃ hotu' ti||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
■
"Kin nu kho Sāriputta:|| ||
'Yaṃ kammaṃ paripakkavedaniyaṃ,||
taṃ me kammaṃ aparipakkadaniyaṃ hotū' ti||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
■
"Kiṃ panaāvuso Sāriputta:|| ||
'Yaṃ kammaṃ aparipakkavedaniyaṃ,||
taṃ me kammaṃ paripakkadaniyaṃ hotū' ti||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
■
"Kin nu kho āvuso Sāriputta:|| ||
'Yaṃ kammaṃ bahuvedaniyaṃ,||
taṃ me kammaṃ appavedaniyaṃ hotū' ti||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
■
"Kiṃ pan'āvuso Sāriputta,:|| ||
'Yaṃ kammaṃ appavedaniyaṃ,
taṃ me kammaṃ bahuvedanīyaṃ hotū' ti||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
■
"Kin nu kho āvuso Sāriputta:|| ||
'Yaṃ kammaṃ vedanīyaṃ taṃ me kammaṃ avedaniyaṃ hotū' ti||
etassa atthāya Bhagavati Brahma-cariyaṃ vussatī" ti?|| ||
No h'idaṃ āvuso.|| ||
■
"Kiṃ pan'āvuso Sāriputta,||
'yaṃ kammaṃ avedanīyaṃ taṃ me kammaṃ vedaniyaṃ hotū' ti||
etassa atthāya Bhagavati Brahma-cariyaṃ vussatī" ti?|| ||
"No h'idaṃ āvuso."|| ||
§
2. "Kin nu kho āvuso Sāriputta,||
'Yaṃ kammaṃ diṭṭha-dhammavevadanīyaṃ,||
taṃ me kammaṃ samparāyavedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kiṃ pan'āvuso Sāriputta,||
'Yaṃ kammaṃ samparāyavedaniyaṃ,||
taṃ me kammaṃ diṭṭha-dhamma-vedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kin nu kho āvuso Sāriputta,||
'Yaṃ kammaṃ sukha-vedanīyaṃ taṃ me kammaṃ dukkhavedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kin nu kho āvuso Sāriputta,||
'Yaṃ kammaṃ dukkha-vedanīyaṃ taṃ me kammaṃ sukha-vedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kin nu kho āvuso Sāriputta,||
'Yaṃ kammaṃ paripakkavedanīyaṃ taṃ me kammaṃ aparipakkavedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kiṃ pan'āvuso Sāriputta,||
'Yaṃ kammaṃ aparipakkavedanīyaṃ taṃ me kammaṃ paripakkavedaniyaṃ hotū' ti||
etassa atthāya Bhagavati Brahma-cariyaṃ [384] vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kin nu kho āvuso Sāriputta,||
'Yaṃ kammaṃ bahuvedanīyaṃ taṃ me kammaṃ appavedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kiṃ pan'āvuso Sāriputta,||
'Yaṃ kammaṃ appavedanīyaṃ taṃ me kammaṃ bahuvedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kin nu kho āvuso Sāriputta,||
'Yaṃ kammaṃ vedanīyaṃ taṃ me kammaṃ avedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
■
Kiṃ pan'āvuso Sāriputta,||
'Yaṃ kammaṃ avedanīyaṃ taṃ me kammaṃ vedaniyaṃ hotū' ti||
etassa atthāya Bhagavati Brahma-cariyaṃ vussatī' ti:||
iti puṭṭho samāno||
'No h'idaṃ āvuso' ti vadesi.|| ||
Atha kim atthaṃ carah'āvuso,||
Bhagavati Brahma-cariyaṃ vussatī' ti?|| ||
§
3. "'Yaṃ khvass āvuso,||
aññātaṃ||
adiṭṭhaṃ||
appattaṃ||
asacchi-kataṃ||
anabhisametaṃ,||
tassa ñāṇāya||
dassanāya||
pattiyā||
sacchi-kiriyāya||
abhisamāya||
Bhagavati Brahma-cariyaṃ vussatī' ti.|| ||
■
Kim pan'assā āvuso,||
'aññātaṃ||
adiṭṭhaṃ||
appattaṃ||
asacchi-kataṃ||
anabhisametaṃ,||
tassa ñāṇāya||
dassanāya||
pattiyā||
sacchi-kiriyāya||
abhisamāya||
Bhagavati Brahma-cariyaṃ vussatī'?|| ||
■
'Idaṃ dukkhan' ti||
khvassa āvuso aññātaṃ||
adiṭṭhaṃ||
appattaṃ||
asacchi-kataṃ||
anabhisametaṃ.|| ||
Tassa ñāṇāya||
dassanāya||
pattiyā||
sacchi-kiriyāya||
abhisamāya||
Bhagavati Brahma-cariyaṃ vussatī' ti.[385]|| ||
■
'Ayaṃ dukkha-samudayo' ti||
khvassa āvuso aññātaṃ||
adiṭṭhaṃ||
appattaṃ||
asacchi-kataṃ||
anabhisametaṃ.|| ||
Tassa ñāṇāya||
dassanāya||
pattiyā||
sacchi-kiriyāya||
abhisamāya||
Bhagavati Brahma-cariyaṃ vussatī' ti.|| ||
■
'Ayaṃ dukkha-nirodho' ti||
khvassa āvuso aññātaṃ||
adiṭṭhaṃ||
appattaṃ||
asacchi-kataṃ||
anabhisametaṃ.|| ||
Tassa ñāṇāya||
dassanāya||
pattiyā||
sacchi-kiriyāya||
abhisamāya||
Bhagavati Brahma-cariyaṃ vussatī' ti..|| ||
■
'Ayaṃ dukkha-nirodha-gāminī-paṭipadā' ti||
khvassa āvuso aññātaṃ||
adiṭṭhaṃ||
appattaṃ||
asacchi-kataṃ||
anabhisametaṃ.|| ||
Tassa ñāṇāya||
dassanāya||
pattiyā||
sacchi-kiriyāya||
abhisamāya||
Bhagavati Brahma-cariyaṃ vussatī' ti.|| ||
Idaṃ khvassa āvuso aññātaṃ||
adiṭṭhaṃ||
appattaṃ||
asacchi-kataṃ||
anabhisametaṃ.|| ||
Tassa ñāṇāya||
dassanāya||
pattiyā||
saca kiriyāya||
abhisamāya||
Bhagavati Brahma-cariyaṃ vussatī" ti.|| ||
