Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 14

Samiddhi Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[351]

[1][pts][ati][upal][bd] Eva.m me suta.m,||
Saavatthinidaana.m.|| ||

Atha kho aayaasmaa Samiddhi yenaayasmaa Saariputto ten'upasa'nkami.|| ||

Upasa'nkamitvaa aayasmanta.m Saariputta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m Samiddhi.m aayasmaa Saariputto etad avoca:|| ||

Kimaaramma.naa Samiddhi,||
purisassa sa'nkappavitakkaa uppajjantii ti?|| ||

Naamaruupaaramma.naa bhante' ti.|| ||

Te pana Samiddhi,||
kva naanatta.m gacchatiiti?|| ||

Dhaatusu bhante' ti.|| ||

Te pana Samiddhi,||
ki.m samudayaati?|| ||

Phassasamudayaa bhante' ti.|| ||

Te pana Samiddhi,||
ki.m samosara.na ti?|| ||

Vedanaa samosara.naa bhante' ti.|| ||

Te pana Samiddhi,||
ki.m pamukhaa ti?|| ||

Samaadhipamukhaa bhante' ti.|| ||

Te pana Samiddhi,||
ki.m aadhipateyyaa ti?|| ||

Sataadhipateyyaa bhante' ti.|| ||

Te pana Samiddhi,||
kim uttaraa ti?|| ||

Pa~n~nuttaraa bhante' ti|| ||

Te pana Samiddhi,||
ki.m saaraa ti?|| ||

Vimuttisaaraa bhante' ti.|| ||

Te pana Samiddhi,||
ki.m ogadhaati?|| ||

Amatogadhaa bhante' ti.|| ||

Kimaaramma.naa Samiddhi,||
purisassa sa'nkappavitakkaa uppajjantii ti?|| ||

Iti pu.t.tho samaano naamaruupaaramma.naa bhante' ti vadesi.|| ||

Te pana Samiddhi,||
kva naanatta.m gacchantii ti.|| ||

Iti [386] pu.t.tho samaano dhaatusu bhante' ti vadesi.|| ||

Te pana Samiddhi,||
ki.msamudayaa ti iti pu.t.tho samaano phassasamudayaa bhante' ti vadesi.|| ||

Te pana Samiddhi,||
ki.msamosara.naa ti iti pu.t.tho samaano vedanaa samosara.naa bhante' ti vadesi.|| ||

Te pana Samiddhi,||
ki.mpamukhaa ti iti pu.t.tho samaano samaadhipamukhaa bhante' ti vadesi.|| ||

Te pana Samiddhi,||
ki.maadhipateyayaa ti iti pu.t.tho samaano sataadhipateyyaa bhante' ti vadesi.|| ||

Te pana Samiddhi,||
ki.muttaraa ti iti pu.t.tho samaano pa~n~nuttaraa bhante' ti vadesi.|| ||

Te pana Samiddhi,||
ki.msaaraati iti pu.t.tho samaano vimuttisaaraa bhante' ti vadesi.|| ||

Te pana Samiddhi,||
ki.mogadhaati iti pu.t.tho samaano amatogadhaa bhante' ti vadesi.|| ||

Saadhu saadhu Samiddhi,||
saadhu kho tva.m Samiddhi,||
pa~nha.m pu.t.tho vissajjesi tena ca maa ma~n~nii ti.|| ||

 


Contact:
E-mail
Copyright Statement