Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 18

Nava'naaguposatha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][upal] Eva.m me suta.m.|| ||

Saavatthinidaana.m.|| ||

Navah'a'ngehi samannaagato Bhikkhave uposatho upavuttho mahapphalo hoti mahaanisa.mso mahaajutiko mahaavipphaaro.|| ||

Katha.m upavuttho ca bhikkhave,||
navah'a'ngehi samannaagato uposatho mahapphalo hoti mahaanisa.mso mahaajutiko mahaavipphaaro?|| ||

2. Idha, bhikkhave, ariyasaavako iti pa.tisa~ncikkhati:|| ||

"Yaavajiiva.m arahanto paa.naatipaata.m pahaaya paa.naatipaataa pa.tivirataa nihitada.n.daa nihitasatthaa lajjii dayaapannaa sabbapaa.nabhutahitaanukampii viharanti.|| ||

Aham p'ajja ima~n ca ratti.m ima~n ca divasa.m paa.naatipaata.m pahaaya paa.naatipaataa pa.tivirato nihitada.n.do nihitasattho lajjii dayaapanno sabba-paa.naa-bhuta-hitaanukampii viharaami.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa pa.thamena a'ngena samannaagato hoti.|| ||

3. "Yaavajiiva.m arahanto adinnaadaana.m pahaaya adinnaadaanaa pa.tivirataa dinnaadaayii dinna-paa.tika'nkhii athenena sucibhutena attanaa viharanti.|| ||

Aham p'ajja ima~n ca ratti.m ima~n ca divasa.m adinnaadaana.m pahaaya adinnaadaanaa pa.tivirato dinnaadaayii dinna-paa.tika'nkhii athenena sucibhutena attanaa viharaami.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa dutiyena a'ngena samannaagato hoti.|| ||

4. "Yaavajiiva.m arahanto abrahmacariya.m pahaaya brahmacaarii aaraa-caaravirataa methunaa gaamadhammaa.|| ||

Aham p'ajja ima~n ca ratti.m ima~n ca divasa.m abrahmacaarina.m pahaaya brahmacaarii aaraa-caaravirataa methunaa gaamadhammaa.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa tatiyena a'ngena samannaagato hoti.|| ||

5. "Yaavajiiva.m arahanto musaa-vaada.m pahaaya musaavaadaa pa.tivirataa saccavaadii saccasandhaa thetaa paccayikaa avisa.mvaadakaa lokassa.|| ||

Aham p'ajja ima~n ca ratti.m ima~n ca divasa.m musaa-vaadaa pahaaya musaavaadaa pa.tivirato saccavaadii saccasandhaa theto paccayikaa avisa.mvaadakaa lokassa.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa catutthena a'ngena samannaagato hoti.|| ||

6. "Yaavajiiva.m arahanto suraameraya majjapamaada.t.thaana.m pahaaya suraameraya majjapamaada.t.thaanaa pa.tivirataa.|| ||

Aham p'ajja ima~n ca ratti.m ima~n ca divasa.m suraameraya majjamaada.t.thaana.m pahaaya suraameraya majjapamaada.t.thaanaa pa.tivirato.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa pa~ncamena a'ngena samannaagato hoti.|| ||

7. "Yaavajiiva.m arahanto ekahattikaa rattuparataa vikaala-bhojanaa.|| ||

Aham p'ajja ima~n ca ratti.m ima~n ca divasa.m ekahattiko rattuparato vikaala-bhojano.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa cha.t.thena a'ngena samannaagato hoti.|| ||

8. Yaavajiiva.m arahanto naccagiitavaaditavisuukadassanamaalaagandhavilepanadhaara.nama.n.danavibhusana.t.thaanaa pa.tivirataa.|| ||

Aham p'ajja ima~n ca ratti.m ima~n ca divasa.m naccagiitavaaditavisuukadassanamaalaagandhavilepanadhaara.nama.n.danavibhusana.t.thaanaa pa.tivirato.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa sattamena a'ngena samannaagato hoti.|| ||

9. Yaavajiiva.m arahanto uccaa-sayana-mahaasayana.m pahaaya uccaa-sayana-mahaasayanaa pa.tivirataa niicaseyya.m kappenti ma~ncake vaa ti.nasanthaarake vaa.|| ||

Aham p'ajja ima~n ca ratti.m ima~n ca divasa.m uccaa-sayana-mahaasayana.m pahaaya uccaa-sayana-mahaasayanaa pa.tivirato niicaseyya.m kappemi ma~ncake vaa ti.nasanthaarake vaa.|| ||

Imaanaa p'a'ngena arahata.m anukaromi,||
uposatho ca me upavuttho bhavissatii" ti.|| ||

Iminaa a.t.thamena a'ngena samannaagato hoti.|| ||

10. Idha, bhikkhave, ariyasaavako mettaasahagatena cetasaa eka.m disa.m pharitvaa viharati,||
tathaa dutiya.m disa.m pharitvaa viharati,||
tathaa tatiya.m disa.m pharitvaa viharati||
tathaa catuttha.m disa.m pharitvaa viharati.|| ||

Iti uddham adho tiriya.m sabbadhi sabbattataaya sabbaavanta.m loka.m mettaasahagatena cetasaa vipulena mahaggatena appamaa.nena averena avyaapajjhena pharitvaa viharati.|| ||

Iminaa navamena a'ngena samannaagato hoti.|| ||

Eva.m ca upavuttho kho bhikkhave,||
navaha'ngasa samannaagato uposatho mahapphalo hoti mahaanisa.mso mahaajutiko mahaavipphaaro ti.|| ||

 


Contact:
E-mail
Copyright Statement