Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 19

Devataa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

[390]


 

[1][pts][upal] Eva.m me suta.m.|| ||

Eka.m samaya.m Bhagavaa Saavaatthiya.m viharati Jetavane Anaathapi.n.dikassa aaraame,||
tatra kho Bhagavaa bhikkhu aamantesi.|| ||

Ima~n ca Bhikkhave, ratti.m sambahulaa devataa abhikkantaaya rattiyaa abhikkantava.n.naa kevalakappa.m Jetavana.m obhaasetvaa yenaaha.m ten'upasa'nkami.msu.|| ||

Upasa'nkamitvaa ma.m abhivaadetvaa eka-m-anta.m a.t.tha.msu.|| ||

Eka-m-anta.m .thitaa kho bhikkhave,||
taa devataa ma.m etad avocu.m:|| ||

'Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m Bhante, paccu.t.thimha,||
no ca kho abhivaadimha.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

[391] 2. Aparaapi ma.m bhikkhave,||
sambahulaa devataa upasa'nkamitvaa etad avocu.m:|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante paccu.t.thimha,||
abhivaadimha||
no ca kho aasana.m adamha.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

3. Aparaapi ma.m bhikkhave,
sambahulaa devataa upasa'nkamitvaa etad avocu.m:|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante paccu.t.thimha,||
abhivaadimha||
aasana~n ca adamha||
no ca kho yathaasatti yathaabala.m sa.mvibhajimha.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

4. Aparaapi ma.m bhikkhave,
sambahulaa devataa upasa'nkamitvaa etad avocu.m:|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante paccu.t.thimha,||
abhivaadimha||
aasana~n ca adamha||
[392] yathaasatti yathaabala.m sa.mvibhajimha,||
no ca kho upanisiidmiha dhammasava.naaya.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

Aparaapi ma.m bhikkhave,
sambahulaa devataa upasa'nkamitvaa etad avocu.m|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante paccu.t.thimha,||
abhivaadimha||
aasana~n ca adamha||
yathaasatti yathaabala.m sa.mvibhajimha,||
upanisiidmha dhammasava.naaya||
no ca kho ohitasotaa dhamma.m su.nimha.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

Aparaapi ma.m bhikkhave,
sambahulaa devataa upasa'nkamitvaa etad avocu.m|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante paccu.t.thimha,||
abhivaadimha||
aasana~n ca adamha||
yathaasatti yathaabala.m sa.mvibhajimha,||
upanisiidmha dhammasava.naaya||
ohitasotaa dhamma.m su.nimha,||
no ca kho sutvaa dhamma.m dhaarayimha.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

Aparaapi ma.m bhikkhave,
sambahulaa devataa upasa'nkamitvaa etad avocu.m|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante paccu.t.thimha,||
abhivaadimha||
aasana~n ca adamha||
yathaasatti yathaabala.m sa.mvibhajimha,||
upanisiidmha dhammasava.naaya||
ohitasotaa dhamma.m su.nimha,||
sutvaa dhamma.m dhaarayimha||
no ca kho dhataana.m dhammaana.m attha.m upaparikkhimha.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

Aparaapi ma.m bhikkhave,
sambahulaa devataa upasa'nkamitvaa etad avocu.m|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante paccu.t.thimha,||
abhivaadimha,||
aasana~n ca adamha,||
yathaasatti yathaabala.m sa.mvibhajimha,||
upanisiidmha dhammasava.naaya||
ohitasotaa dhamma.m su.nimha,||
sutvaa dhamma.m dhaarayimha,||
dhataana.m dhammaana.m attha.m upaparikkhimha,||
no ca kho attham a~n~naaya dhammam a~n~naaya dhammaanudhamma.m pa.tipajjimha.|| ||

Taa maya.m bhante,||
aparipu.n.nakammantaa vippa.tisaariniyo pacchaanutaapiniyo hiina.m kaaya.m upapannaa" ti.|| ||

Aparaapi ma.m bhikkhave,||
sambihulaa devataa upasa'nkamitvaa etad avocu.m:|| ||

"Upasa'nkami.msu no bhante,||
pubbe manussabhuutaana.m pabbajitaa agaaraani,||
taa maya.m bhante, paccu.t.thimha,||
abhivaadimha,||
aasana.m adamha,||
yathaasatti yathaabala.m sa.mvibhajimha,||
upanisiidimha dhammasava.naaya,||
ohitasotaa ca dhamma.m su.nimha,||
sutvaa ca dhamma.m dhaarayimha,||
dhataana~n ca dhammaana.m attha.m upaparikkhimha,||
attham a~n~naaya dhammam a~n~naaya dhammaanudhamma.m pa.tipajjimha.|| ||

Taa maya.m bhante,||
paripu.n.nakammaantaa avippa.tisaariniyo apacchaanutaapiniyo pa.niita.m kaaya.m upapannaa" ti.|| ||

Etaani bhikkhave,||
rukkhamuulaani etani su~n~naagaaraani jhaayatha bhikkhave,||
maa pamaadattha,||
maa pacchaa vippa.tisaarino ahuvattha,||
seyyathaa pi taa purimikaa devataa ti.|| ||

 


Contact:
E-mail
Copyright Statement