Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 20

Velaama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

[392]


 

[1][pts][ati][upal] Eva.m me suta.m eka.m samaya.m Bhagavaa Saavaatthiya.m viharati Jetavane Anaathapi.n.dikassa aaraame.|| ||

Atha kho Anaathapi.n.diko gahapati yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho Anaathapi.n.dika.m gahapati.m Bhagavaa etad avoca:|| ||

Api nuu te gahapati, kule daana.m diiyatiiti?|| ||

Diiyati me bhante, kule daana.m,||
ta~n ca kho luukha.m ka.naajaka.m bila'ngadutiyan ti.|| ||

2. Lukha~n ce pi gahapati,||
daana.m deti pa.niita.m vaa,||
ta~n ca asakkacca.m deti,||
acittikatvaa deti,||
asahatthaa deti,||
apaviddha.m deti,||
anaagamanadi.t.thiko deti;||
yattha yattha tassa tassa daanassa vipaako nibbattati,||
na u.laaraaya bhattabhogaaya citta.m namati,||
na u.laaraaya vatthabhogaaya citta.m namati,||
na u.laaraaya yaanabhogaaya citta.m namati,||
na u.laaresu pa~ncasu kaamagu.nesu bhogaaya citta.m namati.|| ||

Ye pi'ssa te [393] honti puttaa ti vaa daaraa ti vaa daasaa ti vaa pessaa ti vaa kammakaraa ti vaa,||
te pi na sussusanti,||
na sota.m odaahanti,||
na a~n~naacitta.m upa.t.thapenti.|| ||

Ta.m kissa hetu?|| ||

Eva.m h'eta.m gahapati,||
hoti asakkaccakataana.m kammaana.m vipaako.|| ||

3. Lukha~n ce pi gahapati,||
daana.m deti pa.niita.m vaa,||
ta~n ca sakkacca.m deti,||
cittikatvaa deti,||
sahatthaa deti,||
anapaviddha.m deti,||
aagamanadi.t.thiko deti;||
yattha yattha tassa tassa daanassa vipaako nibbattati,||
u.laaraaya bhattabhogaaya citta.m namati,||
u.laaraaya vatthabhogaaya citta.m namati,||
u.laaraaya yaanabhogaaya citta.m namati,||
u.laaresu pa~ncasu kaamagu.nesu bhogaaya citta.m namati.|| ||

Ye pi'ssa te honti puttaa ti vaa daaraa ti vaa daasaa ti vaa pessaa ti vaa kammakaraa ti vaa||
te pi sussusanti,||
sota.m odahanti,||
a~n~naacitta.m upa.t.thapenti.|| ||

Ta.m kissa hetu?|| ||

Eva.m h'eta.m gahapati,||
hoti sakkaccakataana.m kammaana.m vipaako.|| ||

4. Bhuutapubba.m gahapati,||
Velaamo naama braahma.no ahosi.|| ||

So evaruupa.m daana.m adaasi mahaadaana.m:|| ||

Caturaasiiti suva.n.napaatisahassaani adaasi ruupiya puuraani,||
caturaasiiti ruupiyapaatisahassaani adaasi suva.n.napuraani,||
caturaasiiti ka.msapaatisahassaani adaasi hira~n~napuraani,||
caturaasiiti hatthisahassaani adaasi sova.n.naala'nkaaraani sova.n.nadhajaani hemajaalasa~nchannaani||
caturaasiiti rathasahassaani adaasi siihavammaparivaaraani vyaagghacammaparivaaraani diipicammaparivaaraani pa.n.dukambalaparivaaraani sova.n.naala'nkaaraani sova.n.nadhajaani hemajaalasa~nchannaani||
caturaasiiti dhenusahassaani adaasi dukulasanthanaani ka.msuupadhaara.naani,||
caturaasiiti ka~n~naasahassaani adaasi aamuttama.niku.n.dalaayo,||
caturaasiiti palla'nkasahassaani [394] adaasi go.nakatthataani pa.tikattataani pa.talikatthataani kaadalimigapavarapacc'atthara.naani,||
saa-uttaracchadaani ubhato lohitakuupadhaanaani,||
caturaasiiti vatthako.tisahassaani adaasi khomasukhumaana.m koseyyasukhumaana.m kambalasukhumaana.m kappaasikasukhumaana.m||
ko pana vaado annassa paanassa khajjassa bhojjassa leyyassa peyyassa?|| ||

Najjo ma~n~ne vissandati.|| ||

5. Siyaa kho pana te gahapati.|| ||

Evam assa "A~n~no nuuna tena samayena Velaamo braahma.no ahosi||
so ta.m daana.m adaasi mahaadaanan' ti.|| ||

Na kho pan'eta.m gahapati,||
eva.m da.t.thabba.m.|| ||

Aha.m tena samayena Velaamo braahma.no ahosi.m,||
aha.m ta.m daana.m adaasi.m mahaadaana.m.|| ||

Tasmi.m kho pana gahapati,||
daane na koci dakkhi.neyyo ahosi||
na ta.m koci dakkhina.m visodheti.|| ||

Ya.m gahapati, Velaamo braahma.no daana.m adaasi, mahaadaana.m,||
yo c'eka.m dii.t.thisampanna.m bhojeyya,||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca sata.m di.t.thisampannaana.m bhojeyya,||
yo c'eka.m sakadaagaami.m bojeyya,||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca sata.m sakadaagaamiina.m bhojeyya,||
yo c'eka.m anaagaami.m bojeyya,||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca sata.m anaagaamina.m bhojeyya,||
yo c'eka.m arahanta.m bhojeyya,||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca sata.m arahanta.m bhojeyya,||
yo c'eka.m paccekabuddha.m bhojeyya,||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca paccekabuddhaana.m bhojeyya,||
yo ca Tathaagata.m arahanta.m Sammaa-sambuddha.m bhojeyya||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca buddhapamuukha.m bhikkhusa'ngha.m bhojeyya,
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca caatudadisa.m sa'ngha.m uddissa vihaara.m kaaraapeyya||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca pasannacitto budda~n ca dhamma~n ca sa'ngha~n ca sara.na.m gaccheyya||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo ca pasannacitto sikkhaapadaani samaadiyeyya paa.naatipaataa verama.nii.m,||
adinnaadaanaa verama.nii.m,||
kaamesu micchaacaaraa verama.ni.m,||
musaa-vaadaa verama.ni.m,||
suraamerayamajjapamaada.t.thaanaa verama.ni.m,||
yo ca antamaso gadduuhanamattam pi,||
mettacitta.m bhaaveyya,||
ida.m tato mahapphalatara.m.|| ||

Ya~n ca gahapati Velaamo braahma.no daana.m adaasi mahaadaana.m,||
yo c'eka.m di.t.thisampanna.m bhojeyya,||
yo ca sata.m di.t.thisampannaana.m bhojeyya,||
yo ceka.m sakadaagaami.m bhojeyya,||
yo ca sata.m sakadaagaamiina.m bhojeyya,||
yo ceka.m anaagaami.m bhojeyya,||
yo ca sata.m anaagaamiina.m bhojeyya,||
yo ceka.m arahanta.m bhojeyya,||
yo ca sata.m arahantaana.m bhojeyya,||
yo ceka.m paccekabuddha.m bhojeyya,||
yo ca sata.m paccekabuddhaana.m bhojeyya.|| ||

Yo ca Tathaagata.m arahanta.m Sammaa-sambuddha.m bhojeyya,||
yo ca Buddhapamuukha.m bhikkhu-sa'ngha.m bhojeyya,||
yo ca caatuddisa.m sa'ngha.m uddissa vihaara.m kaaraapeyya,||
yo ca pasannacitto Buddha~n ca dhamma~n ca sa'ngha~n ca sara.na.m gaccheyya,||
yo ca pasanna citto sikkhaapadaani samaadiyye paa.naatipaati verama.nii,||
adinnaadaanaa verama.nii,||
kaamesumicchaacaaraa verama.nii,||
musaa-vaadaa verama.nii,||
suraamerayamajjapamaada.t.thaanaa verama.nii.|| ||

Yo ca antamaso gadduhanamattam pi mettacitta.m bhaa- [396] veyya,||
yo ca accharaasa'naghaataamattam pi aniccasa~n~na.m bhaaveyya,||
ida.m tatato mahapphalataranti.|| ||

Siihanaadavaggo dutiyo|| ||

 


Contact:
E-mail
Copyright Statement