Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata
III. Sattaavaasa Vaggo

Sutta 24

Sattaavaasa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m eka.m samaya.m Bhagavaa Saavaatthiya.m viharati Jetavane Anaathapi.n.dikassa aaraame.|| ||

Nava bhikkhave, ta.nhaa muulake dhamme desessaami.|| ||

Ta.m su.naatha, saadhuka.m manasikarotha, bhaasissaamii ti.|| ||

Eva.m bhante ti kho te bhikkhu Bhagavato paccassosu.m.|| ||

Bhagavaa etad avoca:|| ||

Nava ime bhikkhave, sattaavaasaa.|| ||

Katame nava?|| ||

2. Santi, bhikkhave, sattaa naanattakaayaa naanatta sa~n~nino,||
seyyathaa pi manussaa ekacce ca devaa ekacce ca vinipaatikaa.|| ||

Aya.m pa.thamo sattaavaaso.|| ||

3. Santi, bhikkhave, sattaa naanattakaayaa ekattasa~n~nino||
seyyathaa pi devaa Brahmakaayikaa pa.thamaahi nibbattaa.|| ||

Aya.m dutiyo sattaavaaso.|| ||

4. Santi, bhikkhave, sattaa ekattakaayaa naanattasa~n~nino||
seyyathaa pi devaa Aabhaassaraa.|| ||

Aya.m tatiyo sattaavaaso.|| ||

5. Santi, bhikkhave, sattaa ekattakaayaa ekattasa~n~nino||
seyyathaa pi devaa Subhaki.n.naa.|| ||

Aya.m catuttho sattaavaaso.|| ||

6. Santi, bhikkhave, sattaa asa~n~nino appa.tisa.mvedino,||
seyyathaa pi devaa Asa~n~nasattaa.|| ||

Aya.m pa~ncamo sattaavaaso.|| ||

7. Santi, bhikkhave, sattaa sabbaso ruupa-sa~n~naana.m samatikkamaa||
pa.tigha-sa~n~naana.m attha'ngamaa||
naanattasa~n~naana.m amanasi-kaaraa||
'anatto aakaaso' ti||
aakaasaana~ncaayatanuupagaa.|| ||

Aya.m cha.t.tho sattaavaaso.|| ||

8. Santi, bhikkhave, sattaa sabbaso aakaasaana~ncaayatana.m samatikkamma||
'anatta.m vi~n~naa.nan' ti||
vi~n~naa.na~ncaayatanuupagaa.|| ||

Aya.m sattamo sattaavaaso.|| ||

9. Santi, bhikkhave, sattaa sabbaso vi~n~naa.na~ncaayatana.m samatikkamma||
'n'atthi ki~nci' ti||
aaki~nca~n~naayatanuupagaa.|| ||

Aya.m a.t.thamo sattaavaaso.|| ||

10. Santi, bhikkhave, sattaa sabbaso aaki~nca~n~naayatana.m samatikkamma||
n'eva-sa~n~naa-naasa~n~naayatanuupagaa.|| ||

Aya.m navamo sattaavaaso.|| ||

Ime kho bhikkhave nava sattaavaasaa ti.|| ||

 


Contact:
E-mail
Copyright Statement