Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata
III. Sattaavaasa Vaggo

Sutta 28

Dutiya Verabhaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

Eka.m samaya.m Bhagavaa Saavaatthiya.m viharati Jetavane Anaathapi.n.dikassa aaraame,||
tatra kho Bhagavaa bhikkhu aamantesi.|| ||

2. Yato kho bhikkhave ariyasaavakassa pa~nca bhayaani veraani vuupasantaani honti,||
catuhi ca sotaapattiya'ngehi samannaagato hoti,||
so aaka'nkhamaano attanaa va attaana.m vyaakareyya:|| ||

'Khii.nanirayo'mih,||
khii.natiracchaanayoni,||
khii.napettivisayo,||
khii.naapaayaduggativinipaato,||
sotaapanno'ham asmi,||
avinipaatadhammo niyato sambodhiparaayano.|| ||

3. Katamaani pa~nca bhayaani veraani vuupasantaani honti?|| ||

Ya.m bhikkhave paa.naatipaatii paa.naatipaatappaccayaa di.t.thadhammikam pi bhaya.m vera.m pasavati,||
samparaayikam pi bhaya.m vera.m pasavati,||
cetasikam pi dukkha.m domanassa.m pa.tisa.mvedetii.|| ||

Paa.naatipaataa pa.tivirato n'eva di.t.thadhammakam pi bhaya.m vera.m pasavati,||
na samparaayikam pi bhaya.m vera.m pasavati,||
na cetasikam pi dukkha.m domanassa.m pa.tisa.mvedeti.|| ||

Paa.naatipaataa pa.tiviratassa eva.m ta.m bhaya.m vera.m vuupasanta.m hoti.|| ||

4. Ya.m bhikkhave adinnaadaayii adinnaanappaccayaa di.t.thadhammikam pi bhaya.m vera.m pasavati,||
samparaayikam pi bhaya.m vera.m pasavati,||
cetasikam pi dukkha.m domanassa.m pa.tisa.mvedetii.|| ||

Adinnaadaanaa pa.tivirato n'eva di.t.thadhammakam pi bhaya.m vera.m pasavati,||
na samparaayikam pi bhaya.m vera.m pasavati,||
na cetasikam pi dukkha.m domanassa.m pa.tisa.mvedeti.|| ||

Adinnaadaanaa pa.tiviratassa eva.m ta.m bhaya.m vera.m vuupasanta.m hoti.|| ||

5. Ya.m bhikkhave kaamesu micchaacaarii kaamesu-micchaacaarappaccayaa di.t.thadhammikam pi bhaya.m vera.m pasavati,||
samparaayikam pi bhaya.m vera.m pasavati,||
cetasikam pi dukkha.m domanassa.m pa.tisa.mvedatii.|| ||

Kaamesu micchaacaaraa pa.tivirato n'eva di.t.thadhammakam pi bhaya.m vera.m pasavati,||
na samparaayikam pi bhaya.m vera.m pasavati,||
na cetasikam pi dukkha.m domanassa.m pa.tisa.mvedati.|| ||

Kaamesu micchaacaaraa pa.tiviratassa eva.m ta.m bhaya.m vera.m vuupasanta.m hoti.|| ||

6. Ya.m bhikkhave musaavaadii musaavaadaappaccayaa di.t.thadhammikam pi bhaya.m vera.m pasavati,||
samparaayikam pi bhaya.m vera.m pasavati,||
cetasikam pi dukkha.m domanassa.m pa.tisa.mvedatii.|| ||

Musaavaadaa pa.tivirato n'eva di.t.thadhammakam pi bhaya.m vera.m pasavati,||
na samparaayikam pi bhaya.m vera.m pasavati,||
na cetasikam pi dukkha.m domanassa.m pa.tisa.mvedati.|| ||

Musaavaadaa pa.tiviratassa eva.m ta.m bhaya.m vera.m vuupasanta.m hoti.|| ||

7. Ya.m bhikkhave suraamerayamajjapamaada.t.thaayii suraamerayamajjapamaada.t.thaanappaccayaa di.t.thadhammikam pi bhaya.m vera.m pasavati,||
samparaayikam pi bhaya.m vera.m pasavati,||
cetasikam pi dukkha.m domanassa.m pa.tisa.mvedatii.|| ||

Suraamerayamajjapamaada.t.thaanaa pa.tivirato n'eva di.t.thadhammakam pi bhaya.m vera.m pasavati,||
na samparaayikam pi bhaya.m vera.m pasavati,||
na cetasikam pi dukkha.m domanassa.m pa.tisa.mvedati.|| ||

Suraamerayamajjapamaada.t.thaanaa pa.tiviratassa eva.m ta.m bhaya.m vera.m vuupasantaani hoti.|| ||

Imaani pa~nca bhayaani veraani vuupasanthaani honti.|| ||

8. Katamehi catuhi sotaapattiya'ngehi samannaagato hoti?|| ||

Idha bhikkhave ariyasaavako Buddhe aveccappasaadena samannaagato hoti:|| ||

'Iti pi so Bhagavaa araha.m sammaasambuddho vijjaacara.nasampanno sugato lokaviduu anuttaro purisadammasaarathii Satthaa deva-manussaana.m buddho Bhagavaa' ti.|| ||

9. Dhamme aveccappasaadena samannaagato hoti.|| ||

'Svaakkhaato Bhagavataa dhammo sandi.t.thiko akaaliko ehipassiko opanayiko paccatta.m veditabbo vi~n~nuuhii' ti.|| ||

10. Sa'nghe aveccappasaadena samannaagato hoti.|| ||

'Supa.tipanno Bhagavato saavakasa'ngho,||
ujupa.tipanno Bhagavato saavakasa'ngho ~naayapa.tipanno Bhagavato saavakasa'ngho,||
saamiicipa.tipanno Bhagavato saavakasa'ngho,||
yad ida.m cattaari purisayugaani a.t.tha purisapuggalaa,||
esa Bhagavato saavakasa'ngho aahuneyyo paahuneyyo dakkhineyyo a~njalikara.niiyo anuttara.m pu~n~nakkhetta.m lokassaa' ti.|| ||

Ariyakantehi siilehi samannaagato hoti,||
akha.n.dehi acachiddehi asabalehi akammaasehi bhujissehi vi~n~nuuppasatthehi aparaama.t.thehi samaadhisa.mvattanikehi.|| ||

Imehi catuhi sotaapaattiya'ngehi samannaagato hoti.|| ||

11. Yato kho bhikkhave ariyasaavakassa imaani pa~nca bhayaani veraani vuupasantaani honti,||
imehi ca catuhi sotaapaattiya'ngehi samannaagato hoti,||
so aaka'nkhamaano attanaa'va attaana.m vyaakareyya:|| ||

'Khii.na nirayo'mhi,||
khii.natiracchaanayoni,||
khii.napettivisayo,||
khii.naapaayaduggativinipaato,||
sotaapanno'ham asmi,||
avinipaatadhammo niyato sambodhiparaayano ti.|| ||

 


Contact:
E-mail
Copyright Statement