Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 33

Anupubbavihaarasamaapatti Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts]Eva.m me suta.m:|| ||

Eka.m samaya.m Bhagavaa Saavaatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi.|| ||

'Bhikkhavo' ti.|| ||

'Bhadante' ti te bhikkhu Bhagavato paccassosu.m.|| ||

Bhagavaa etad avoca:|| ||

Nava imaa bhikkhave, anupubbavihaarasamaapaattiyo desessaami.|| ||

Ta.m su.naatha||
saadhuka.m manasikarotha,||
bhaasissaamii ti.|| ||

'Eva.m bhante' ti kho te bhikkhu Bhagavato paccassosu.m.|| ||

Bhagavaa etad avoca:|| ||

[2][pts][ati]Katamaa ca bhikkhave,||
nava anupubbavihaara samaapaattiyo?|| ||

Yattha kaamaa nirujjhanti,||
ye ca kaame nirodhetvaa nirodhetvaa viharanti,||
addhaa te aayasmanto nicchaataa nibbutaa ti.n.naa paaragataa tada'ngenaa ti vadaami.|| ||

'Kattha kaamaa nirujjhanti,||
ke ca kaame nirodhetvaa nirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso bhakkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

Ettha kaamaa nirujjhanti,||
te ca kaame nirodhetvaa nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

2. Yattha vitakkavicaaraa nirajjhanti,||
ye ca vitakkavicaare nirodhetvaa nirodhetvaa viharanti,||
addhaa te aayasmanto nicchaataa nibbutaa nitta.nhaa paaragataa tada'ngenaati vadaami.|| ||

Kattha vitakkavicaaraa nirujajhanti,
ke ca vitaakkavicaare nirodhetvaa niirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso, bhikkhu vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Ettha vitakkavicaaraa nirujjhanti,||
te ca vitaakkavicaare nirodhetvaa nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

3. Yattha piti nirujjhanti,||
ye ca piiti.m nirodhetvaa nirodhetvaa viharanti,||
addhaa te aayasmanto nicchaataa nibbutaa nitta.nhaa paaragataa tada'ngenaati vadaami.|| ||

Kattha piiti nirujjhati,
ke ca piiti.m nirodhetvaa nirodhetvaa viharantiiti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso, bhikkhu piitiyaa ca viraagaa upekkhako ca viharati||
sato ca sampajaano sukha~nca kaayena pa.tisa'nvedeti||
yanta.m ariyaa aavikkhanti:||
'Upekkhako satimaa sukha-vihaarii'||
ti ta.m tatiya.m-jhaana.m upasampajja viharati.|| ||

Ettha piiti nirujjhati,||
ta.m ca piiti.m nirodhetvaa nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

4. Yattha upekhaasukha.m nirujajhati,||
ye ca upekhaasukha.m nirodhetvaa nirodhetvaa viharanti,||
addhaa te aayasmanto nicchaataa nibbutaa nitta.nhaa paaragataa tada'ngenaati vadaami.|| ||

"Kattha upekhaasukha.m nirujjhati,
ke ca upekkhaasukha.m nirodhetvaa nirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso, bhikkhu sukhassa ca pahaanaa dukkhassa ca pahaanaa pubb'eva somanassa-domanassaana.m attha'ngamaa adukkha-m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

Ettha upekhaasukha.m nirujajhati,||
te ca upekhaasukha.m nirodhetvaa nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

5. Yattha ruupasa~n~naa nirujjhanti,||
ye ca ruupasa~n~naa,||
nirodhetvaa nirodhetvaa viharanti,||
addhaa te aayasmanto nicchaataa nibbutaa nitta.nhaa paaragataa tada'ngenaati vadaami.|| ||

"Kattha ruupasa~n~naa nirujajhanti,||
ke ca ruupasa~n~naa nirodhetvaa nirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso, bhikkhu sabbaso ruupa-sa~n~naana.m samatikkamaa pa.tigha-sa~n~naana.m attha'ngatamaa naanattasa~n~naana.m amanasi-kaaraa anatto aakaasoti aakaasaana~ncaayatana.m upasampajja viharati.|| ||

Ettha ruupasa~n~naa nirujjhanti,||
te va ruupasa~n~naa nirodhetvaa nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

6. Yattha aakaasaana~ncaayatanasa~n~naa nirujajhati,||
ye ca aakaasaana~ncaayatanasa~n~na.m nirodhetvaa nirodhetvaa viharanti,||
addhaa te aayasmanto nicchaataa nibbutaa nitta.nhaa paaragataa tada'ngenaati vadaami.|| ||

"Kattha aakaasaana~ncaayatanasa~n~naa nirujjhati,
ke ca aakaasaana~ncaayatanasa~n~na.m nirodhetvaa nirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso, bhikkhu sabbaso aakaasaana~ncaayatana.m samatikkamma,||
'Ananta.m vi~n~naa.nan' ti,||
vi~n~naa.na~ncaayatana.m upasampajja viharati.|| ||

Ettha aakaasaana~ncaayatanasa~n~naa nirujjhati||
te ca aakaasaana~ncaayatanasa~n~na.m nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

7. Yattha vi~n~naa.na~ncaayatanasa~n~naa nirujajhati,||
ye ca vi~n~naa.na~ncaayatanasa~n~na.m nirodhetvaa nirodhechatvaa viharanti,||
addhaa te aayasmanto nicchaataa nibaabutaa nit.nhaa paaragataa tada'ngenaati vadaami.|| ||

"Kattha vi~n~naa.na~ncaayatanasa~n~naa nirujajhati,||
ke ca vi~n~naa.na~ncaayatanasa~n~na.m nirodhetvaa nirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso, bhikkhu sabbaso vi~n~naa.na~ncaayatana.m samatikkamma,||
'N'atthi ki~nci' ti||
aaki~nca~n~naayatana.m upasampajja viharati.|| ||

Ettha vi~n~naa.na~ncaayatanasa~n~naa nirujajhati,||
te ca vi~n~naa.na~ncaayatanasa~nda.m nirodhetvaa nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

8. Yattha aaki~nca~n~naayatanasa~n~naa nirujajhati,||
ye ca aaki~nca~n~naayatanasa~n~na.m nirodhetvaa nirodhechatvaa viharanti,||
addhaa te aayasmanto nicchaataa nibaabutaa nitta.nhaa paaragataa tada'ngenaati vadaami.|| ||

"Kattha aaki~nca~n~naayatanasa~n~naa nirujajhati,
ke ca aaki~nca~n~naayatanasa~n~na.m nirodhetvaa nirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso, bhikkhu sabbaso aaki~nca~n~naayatana.m samatikkamma n'eva-sa~n~naa-naasa~n~naayatana.m upasampajja viharati.|| ||

Ettha aaki~nca~n~naanaasa~n~naa nirujajhati,||
te ca aaki~nca~n~naayatanatanasa~n~na.m nirodhetvaa nirodhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

9. Yattha n'eva-sa~n~naa-naasa~n~naayatanasa~n~naa nirujjhati,||
ye ca n'eva-sa~n~naa-naasa~n~naayatanasa~n~na.m nirodhetvaa nirodhetvaa viharanti,||
addhaa te aayasmanto nicchaataa nibbutaa nitta.nhaa paaragataa tada'ngenaati vadaami.|| ||

"Kattha n'eva-sa~n~naa-naasa~n~naayatanasa~n~naa nirujajhati,
ke ca n'eva-sa~n~naa-naasa~n~naayatanasa~n~na.m nirodhetvaa nirodhetvaa viharanti?|| ||

Aham eta.m na jaanaami,||
aham eta.m na passaamii" ti.|| ||

Iti yo eva.m vadeyayya,||
so evam assa vacaniiyo:|| ||

'Idh'aavuso bhikkhu sabbaso n'eva-sa~n~naa-naasa~n~naayatana.m samatikkamma sa~n~naavedayitanirodha.m upasampajja viharati.|| ||

Ettha n'eva-sa~n~naa-naasa~n~naayatanasa~n~naa nirujajhati,||
te ca n'eva-sa~n~naa-naasa~n~naayatanasa~n~na.m nirodhetvaa niredhetvaa viharantii' ti.|| ||

Addhaa bhikkhave,||
asa.tho amaayaavii 'saadhu' ti bhaasita.m abhinandeyya anumodeyya 'saadhu' ti bhaasita.m abhinanditvaa anumoditvaa namassamaano pa~nchaliko payirupaaseyya.|| ||

Imaa kho bhikkhave, nava anupubba vihaarasamaapattiyo ti.|| ||

 


Contact:
E-mail
Copyright Statement