Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 36

Jhaananisasaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] Eva.m me suta.m:|| ||

Saavatthinidaana.m.|| ||

Pa.thamam p'aha.m Bhikkhave jhaana.m nissaaya aasavaana.m khaya.m vadaami.|| ||

Dutiyam p'aha.m Bhikkhave jhaana.m nissaaya aasavaana.m khaya.m vadaami.|| ||

Tatiyam p'aha.m bhikkhave jhaana.m nissaaya aasavaana.m khaya.m vadaami.|| ||

Catuttham p'aha.m bhikkhave jhaana.m nissaaya aasavaana.m khaya.m vadaami.|| ||

Aakaasaana~ncaayatanam p'aha.m bhikkhave Nissaaya aasavaana.m khaya.m vadaami.|| ||

Vi~n~naana~ncaayatanam p'aha.m bhikkhave nissaaya aasavaana.m khaya.m vadaami.|| ||

N'evasa~n~naanaasa~n~naayatanam p'aha.m bhikkhave nissaaya aasavaana.m khaya.m vadaami.|| ||

Sa~n~naavedayitanirodham p'aha.m bhikkhave nissaaya aasavaana.m khaya.m vadaami.|| ||

"Pa.thamam p'aha.m bhikkhave jhaana.m nissaaya aasavaana.m khaya.m vadaamii" ti||
iti kho pan'eta.m vutta.m,||
ki~nc'eta.m pa.ticca vutta.m.|| ||

Idha, bhikkhave, vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

So yadeva tattha hoti ruupagata.m vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato [423] anattato samanupassati.|| ||

So tehi dhammehi citta.m pa.tivaapeti.|| ||

Sotehi dhammehi citta.m pa.tivaapetvaa.|| ||

Amataaya dhaatuyaa citta.m upasa'nharati.|| ||

"Eta.m santa.m eta.m pa.niita.m yad ida.m sabbasankhaarasamatho sabbupadhipa.tinissaggo ta.nhakkhayo viraago nirodho nibbaanan" ti.|| ||

So tattha .thito aasavaana.m khaya.m paapu.naati.|| ||

No ce aasavaana.m khaya.m paapu.naati ten'eva dhammaraagena taaya dhammanandiyaa pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayi anaavattidhammo tasmaa lokaa.|| ||

Seyyathaa pi, bhikkhave, issaaso vaa issaasantevaasii vaa ti.napurisake.|| ||

Vaa mattikaapu~nje vaa yogga.m karitvaa so aparena samayena durepaatii ca hoti akkha.navedhii ca mahato ca kaayassa padaa'etaa.|| ||

Evam eva kho bhikkhave bhikkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

So yadeva tattha hoti ruupagata.m vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato anattato samanupassati.|| ||

So tehi dhammehi citta.m pa.tivaapeti.|| ||

Sotehi dhammehi citta.m pa.tivaapetvaa.|| ||

Amataaya dhaatuyaa citta.m upasa'nharati.|| ||

"Eta.m santa.m eta.m pa.niita.m yad ida.m sabbasankhaarasamatho sabbupadhipa.tinissaggo ta.nhakkhayo viraago nirodho nibbaanan" ti.|| ||

So tattha .thito aasavaana.m khaya.m paapu.naati.|| ||

No ce aasavaana.m khaya.m paapu.naati ten'eva dhammaraagena taaya dhammanandiyaa pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayi anaavattidhammo tasmaa lokaa.|| ||

"Pa.thamam p'aha.m bhikkhave jhaana.m nissaaya.m aasavaana.m khaya.m vadaamii" ti iti ya.m ta.m vutta.m.|| ||

Idam eta.m pa.ticca vutta.m.|| ||

Dutiyam p'aha.m bhikkhave jhaana.m nissaaya aasavaana.m khaya.m vadaamii ti.|| ||

Tatiyam p'aha.m bhikkhave jhaana.m nissaaya aasavaana.m khaya.m vadaamii ti.|| ||

Catuttham p'aha.m bhikkhave jhaana.m nissaaya aasavaana.m khaya.m vadaamii ti.|| ||

Aakaasaana~ncaayatanam p'aha.m bhikkhave nissaaya aasavaana.m khaya.m vadaamii" ti.|| ||

Iti kho pan'eta.m vutta.m,||
ki~nc'eta.m pa.ticca vutta.m:|| ||

Idha, bhikkhave, bhikkhu sabbaso ruupa-sa~n~naana.m samatikkamaa pa.tigha-sa~n~naana.m attha'ngamaa.|| ||

Naanattasa~n~naana.m amanasi-kaaraa anatto aakaasoti aakaasaana~ncaayatana.m upasampajja viharati,||
so yadeva tattha hoti vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato anattato samanupassati.|| ||

So tehi dhammehi citta.m pa.tivaapeti.|| ||

Sotehi dhammehi citta.m pa.tivaapetvaa amataaya dhaatuyaa citta.m upasa'nharati.|| ||

"Eta.m santa.m eta.m pa.niita.m yad ida.m sabbasankhaarasamatho sabbupadhipa.tinissaggo ta.nhakkhayo viraago nirodho nibbaanan" ti.|| ||

So tattha .thito aasavaana.m khaya.m paapu.naati.|| ||

No ce aasavaana.m khaya.m paapu.naati ten'eva dhammaraagena taaya dhammanandiyaa pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayi anaavattidhammo tasmaa lokaa.|| ||

Seyyathaa pi, bhikkhave, issaaso vaa issaasantevaasi vaa ti.napurisake vaa mattikaapu~nje vaa yogga.m karitvaa so aparena samayena durepaati ca hoti akkha.navedhii ca mahato kaayassa padaa'etaa.|| ||

Evam eva kho bhikkhave bhikkhu sabbaso ruupa-sa~n~naana.m samatikkamaa pa.tisasa~n~naana.m attha'ngamaa naanattasa~n~naana.m amanasi-kaaraa anatto aakaasoti aakaasaana~ncaayatana.m upasampajja viharati. So yadeva tattha hoti vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato anattato samanupassati.|| ||

So tehi dhammehi citta.m pa.tivaapeti sotehi dhammehi citta.m pa.tivaapetvaa amataaya dhaatuyaa citta.m upasa'nharati.|| ||

"Eta.m santa.m eta.m pa.niita.m yad ida.m sabbasankhaarasamatho sabbupadhipa.tinissaggo ta.nhakkhayo viraago nirodho nibbaanan" ti.|| ||

So tattha .thito aasavaana.m khaya.m paapu.naati.|| ||

No ce aasavaana.m khaya.m paapu.naati ten'eva dhammaraagena taaya dhammanandiyaa pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayi anaavattidhammo tasmaa lokaa.|| ||

Aakaasaana~ncaayatanam p'aha.m bhikkhave nissaaya aasavaana.m khaya.m vadaamiiti iti ya.m ta.m vutta.m ida me ta.m pa.ticca vutta.m.|| ||

Vi~n~naa.na~ncaayatanam p'aha.m bhikkhave nissaaya aasavaana.m khaya.m vadaamiiti.|| ||

Aaki~nca~n~naayatanam p'aha.m bhikkhave nissaaya aasavaana.m khaya.m vadaamiiti.|| ||

Iti kho pan'eta.m vutta.m,||
ki~nc'eta.m pa.ticca vutta.m:||
idha bhikkhave bhikkhu sabbaso vi~n~naa.na~ncaayatana.m samatikkamma n'atthi ki~nciti aaki~nca~n~naayatana.m upasampajja viharati.|| ||

So yadeva tattha hoti vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato anattato samanupassati.|| ||

So tehi dhammehi citta.m pa.tivaapeti sotehi dhammehi citta.m pa.tivaapetvaa amataaya dhaatuyaa citta.m upasa'nharati.|| ||

"Eta.m santa.m eta.m pa.niita.m yad ida.m sabbasankhaara samatho sabbupadhipa.ti nissaggo ta.nhakkhayo viraago nirodho nibbaanan" ti.|| ||

So tattha .thito aasavaana.m khaya.m paapu.naati.|| ||

No ce aasavaana.m khaya.m paapu.naati ten'eva dhammaraagena taaya dhammanandiyaa pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayi anaavattidhammo tasmaa lokaa.|| ||

"Pa.thamam p'aha.m bhikkhave jhaana.m nissaaya.m aasavaana.m khaya.m vadaamii" ti iti ya.m ta.m vutta.m.|| ||

Idam eta.m pa.ticca vutta.m.|| ||

Iti kho bhikkhave yaavataa sa~n~naasamaapatti taavataa a~n~naapa.tivedho yaani ca kho imaani bhikkhave aayatanaani n'eva-sa~n~naa-naasa~n~naayatanasamaapatti ca sa~n~naavedadhita nirodho ca jhaayiihete bhikkhave bhikkhuna samaapattikusalehi samaapaattivu.t.thaanakusalehi samaapajjitvaa vu.t.thahitvaa samakkhaatabbaaniiti vadaamii ti.|| ||

 


Contact:
E-mail
Copyright Statement