Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 37

Aananda Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati][bd][upal] Eva.m me suta.m.|| ||

Eka.m samaya.m aayasmaa Aanando Kosambiya.m viharati Ghositaaraame.|| ||

Tatra kho aayasmaa Aanando bhikkhu aamantesi:|| ||

Aavuso Bhikkhavo ti.|| ||

Aavuso ti kho te bhikkhu aayasmato Aanandassa paccassosu.m.|| ||

Aayasmaa Aanando etad avoca:|| ||

2. Acchariya.m aavuso,||
abbhuta.m aavuso,||
yaava~n c'ida.m tena Bhagavataa jaanataa passataa arahataa Sammaa-sambuddhena sambaadhe okaasaadhigamo anubuddho sattaana.m visuddhiyaa sokaparidavaana.m samatikkamaaya dukkhadomanassaana.m attha'ngamaaya ~naayassa adhigamaaya nibbaanaassa sacchikiriyaaya.|| ||

Tad eva naama cakkhu.m bhavissati,||
te ruupaa ta~n' [427] caayatana.m no pa.tisa'nvedissati;||

tad eva naama sota.m bhavissati,||
te saddaa ta~n'caayatana.m no pa.tisa'nvedissati;||

tad eva naama ghaana.m bhavissati,||
te gandhaa ta~n'caayatana.m no pa.tisa'nvedissati;||

saa ca naama jivhaa bhavissati,||
te rasaa ta~n'caayatana.m no pa.tisa'nvedissati;||

so ca naama kaayo bhavissati,||
te pho.t.thabbaa ta~n'caayatana.m no pa.tisa'nvedissatii ti.|| ||

3. Eva.m vutte aayasmaa Udaayii aayasmanta.m Aananda.m etad avoca:|| ||

'Sa~n~ni-m-eva nu kho aavuso Aananda tad aayatana.m no pa.tisa'nvediti,||
udaahu asa~n~nii ti?|| ||

Sa~n~nii-m-eva kho aavuso tad aayatana.m no pa.tisa'nvediti,||
no asa~n~nii ti.|| ||

Ki.m sa~n~nii pan'aavuso tad aayatana.m no pa.tisa'nvedatii' ti?|| ||

4. Idh'aavuso bhikkhu sabbaso ruupasa~n~naana.m samatikkamaa pa.tighasa~n~naana.m ata'ngamaa naanattasa~n~naana.m amanasikaaraa||
'Ananto aakaaso' ti||
aakaasaana~ncaayatana.m upasampajja viharati.|| ||

Eva.m sa~n~nii pi kho aavuso tad aayatana.m no pa.tisa'nvedeti.|| ||

5. Puna ca para.m aavuso bhikkhu sabbaso aakaasaana~ncaayatana.m samatikkamma||
'Ananta.m vi~n~naa.nan' ti||
vi~n~naa.na~ncaayatana.m upasampajja viharati.|| ||

Eva.m sa~n~nii pi kho aavuso tad aayatana.m no pa.tisa'nvedeti.|| ||

6. Puna ca para.m aavuso,||
bhikkhu sabbaso vi~n~naa.na~ncaayatana.m samatikkamma||
'N'atthi ki~ncii' ti||
aaki~nca~n~naayatana.m upasampajja viharati.|| ||

Eva.m sa~n~nii pi kho aavuso tad aayatana.m no pa.tisa'nvedetii ti.|| ||

7. Ekam idaaha.m aavuso,||
samaya.m Saakete viharaami A~njanavane Migadaaye.|| ||

Atha kho aavuso Ja.tilaagaahiyaa Bhikkhunii yenaaha.m ten'upasa'nkami.|| ||

Upasa'nkamitvaa ma.m abhivaadetvaa eka-m-anta.m a.t.thaasi.|| ||

Eka-m-anta.m .thitaa kho aavuso,||
Ja.tilaagaahiyaa bhikkhunii ma.m etad avoca:|| ||

'Yaaya.m bhante Aananda samaadhi na caabhinato na caapanato||
na sasankhaaraniggayhavaaritavato||
vimuttattaa .thito,||
.thitattaa santusito||
santusitattaa no paritassaati,||
aya.m bhante Aananda samaadhi ki.mphalo vutto Bhagavataa' ti?|| ||

Eva.m vutte aha.m aavuso Ja.tilaagaahiya.m bhikkhuni.m etad avoca:|| ||

'Yaaya.m bhagini samaadhi na caabhinato na caapanato,||
na sasankhaaraniggayihavaaritavato,||
vimuttattaa .thito,||
.thitattaa santusito,||
santusitattaa no paritassati||
aya.m bhagini samaadhi a~n~naphalo vutto Bhagavataa' ti.|| ||

Eva.m sa~n~nii pi kho aavuso tad aayatana.m no pa.tisa'nvedetii ti.|| ||

 


Contact:
E-mail
Copyright Statement