Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 39

Devaasurasa'ngaama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] Eva.m me suta.m:|| ||

Saavatthinidaana.m.|| ||

Bhuutapubba.m bhikkhave,||
devaasurasa'ngaamo samuupabbu.lho ahosi.|| ||

Tasmi.m kho pana bhikkhave,||
sa'ngaame asuraa jini.msu devaa paraajiyi.msu.|| ||

Paraajitaa ca bhikkhave devaa apaya.msveva,||
uttarena mukhaa abhiya.msu asuraa.|| ||

Atha kho bhikkhave,||
devaana.m etad ahosi:|| ||

'Abhiyant eva kho asuraa yan nuuna maya.m dutiyam pi asurehi sa'ngaamemayyaamaa' ti.|| ||

[2] Dutiyam pi kho bhikkhave,||
devaa asurehi sa'ngaamesu.m.|| ||

Dutiyam pi kho bhikkhave,||
asuraa va jini.msu,||
devaa paraajiyi.msu.|| ||

Paraajitaa ca bhikkhave devaa bhiitaa apaya.msveva uttarenaabhimukhaa abhiya.msu asuraa.|| ||

Atha kho bhikkhave devaana.m etad ahosi:|| ||

'Abhiyant'eva kho asuraa,||
yan nuuna maya.m tatiyam pi asurehi sa'ngaameyyaamaa' ti.|| ||

[3] Tatiyam pi kho bhikkhave,||
devaa asurehi sa'ngaamesu.m.|| ||

Tatiyam pi kho bhikkhave,||
asuraa va jini.msu,||
devaa paraajiyi.msu.|| ||

Paraajitaa ca bhikkhave devaa bhiitaa devapura.m yeva pavisi.msu.|| ||

Devapuragataana~n ca pana bhikkhave,||
devaana.m etad ahosi:|| ||

'Biruttaanagatena kho daani maha.m etarahi attanaa viharaama akara.niiyaa asurehii' ti.|| ||

Asuraanam pi bhikkhave,||
etad ahosi:|| ||

'Bhiiruttaanagatena kho daani devaa etarahi attanaa viharanti akara.niiyaa amhehii' ti.|| ||

Bhutapubba.m bhikkhave,||
devaasurasa'ngaamo samuupabbu.lho ahosi.|| ||

Tasmi.m kho pana bhikkhave,||
sa'ngaame devaa jiini.msu,||
asuraa paraajiyisu.|| ||

Paraajitaa ca bhikkhave asuraa apaya.msveva dakkhi.nenaabhimukhaa abhiya.msu devaa.|| ||

Atha kho bhikkhave,||
asuraana.m etad ahosi:|| ||

'Abhiyant'eva kho devaa,||
yan nuuna maya.m dutiyam pi devehi sa'ngaameyyaamaa' ti.|| ||

Dutiyam pi kho bhikkhave,||
asuraa devehi sa'ngaamesu.m.|| ||

Dutiyam pi kho bhikkave,||
devaa'va jini.msu,||
asuraa paraaji.msu.|| ||

Paraajitaa ca bhikkhave, asuraa apaya.msveva,||
dakkhi.nenaabhimukhaa abhiya.msu devaa.|| ||

Atha kho bhikkhave asuraana.m etad ahosi:|| ||

"Abhiyant'eva kho devaa,||
yan nuuna maya.m tatiyam pi devehi sa'ngaameyyaamaa ti.|| ||

Tatiyam pi kho bhikkhave,||
asuraa devehi sa'ngaamesu.m|| ||

Tatiyam pi kho bhikkhave, devaa va jini.msu,||
asuraa paraajiyi.msu.|| ||

Paraajitaa ca bhikkhave,||
asuraa bhiitaa asurapura.m yeva pavisi.msu,||
asurapuragataana~n ca pana bhikkhave,||
asuraana.m etad ahosi:|| ||

'Bhiiruttaanagatena kho daani maya.m etarahi attanaa viharaama akara.niyaa devehii' ti.|| ||

Devaanaam pi bhikkhave, etad ahosi:|| ||

'Bhiiruttaanagatena kho daani asuraa etarahi attanaa viharanti akara.niyaa amhehii' ti.|| ||

Evam eva kho bhikkhave,||
yasmi.m samaye bhikkhu
vivicc'eva kaamehi||
vivicca akusalehi dhammehi||
savitakka.m savicaara.m||
vivekaja.m piiti-sukha.m||
pa.thama.m-jhaana.m upasampajja viharati.|| ||

Tasmi.m bhikkhave samaye bhikkhussa eva.m hoti:|| ||

"Bhiiruttaanagatena kho daanaaha.m etarahi attanaa viharaami akara.niiyo Maarassaa' ti.|| ||

Maarassa pi bhikkhave paapimato eva.m hoti:|| ||

'Bhiiruttaanagatena kho daani bhikkhu etarahi attanaa viharati akara.niiyo mayhan' ti.|| ||

Yasmi.m bhikkhave samaye bhikkhu
vitakka-vicaaraana.m vuupasamaa||
ajjhatta.m sampasaadana.m||
cetaso ekodi-bhaava.m||
avitakka.m avicaara.m||
samaadhija.m piiti-sukha.m||
dutiya.m-jhaana.m upasampajja viharati.|| ||

Tasmi.m bhikkhave samaye bhikkhussa eva.m hoti:|| ||

"Bhiiruttaanagatena kho daanaaha.m etarahi attanaa viharaami akara.niiyo Maarassaa' ti.|| ||

Maarassa pi bhikkhave paapimato eva.m hoti:|| ||

'Bhiiruttaanagatena kho daani bhikkhu etarahi attanaa viharati akara.niiyo mayhan' ti.|| ||

Piitiyaa ca viraagaa upekkhako ca||
viharati sato ca sampajaano,||
sukha~n ca kaayena pa.tisa'nvedeti,||
ya.m ta.m ariyaa aavikkhanti upekkhako satimaa sukhavihaarii ti,||
tatiya.m-jhaana.m upasampajja viharati.|| ||

Tasmi.m bhikkhave samaye bhikkhussa eva.m hoti:|| ||

"Bhiiruttaanagatena kho daanaaha.m etarahi attanaa viharaami akara.niiyo Maarassaa' ti.|| ||

Maarassa pi bhikkhave paapimato eva.m hoti:|| ||

'Bhiiruttaanagatena kho daani bhikkhu etarahi attanaa viharati akara.niiyo mayhan' ti.|| ||

Sukhassa ca pahaanaa dukkhassa ca pahaanaa||
pubb'eva somanassa-domanassaana.m attha'ngamaa||
adukkha.m-asukha.m upekkhaa-sati-paarisuddhi.m||
catuttha.m-jhaana.m upasampajja viharati.|| ||

Tasmi.m bhikkhave,||
samaye bhikkhussa eva.m hoti:|| ||

'Bhiiruttaanagatena kho daanaaha.m etarahi attanaa viharaami akara.niiye Maarassaa' ti.|| ||

Maarassaa pi bhikkhave paapimato eva.m hoti:|| ||

'Bhiiruttaanagatena kho daani bhikkhu etarahi attanaa viharati akara.niiyo mayhan' ti.|| ||

[9] Yasmi.m bhikkhave samaye bhikkhu
sabbaso ruupa-sa~n~naana.m samatikkamaa pa.tigasa~n~naana.m attha'ngamaa naanattasa~n~naana.m amanasi-kaaraa 'ananto aakaaso' ti,||
Aakaasaana~ncaayatana.m upasampajja viharati.|| ||

Aya.m vuccati bhikkhave,||
bhikkhu antam akaasi Maara.m apada.m vadhitvaa Maaracakkhu.m adassana.m gato paapimato.|| ||

[10] Yasmi.m bhikkhave, samaye bhikkhu sabbaso aakaasaana~ncaayatana.m samatikkamma||
'ananta.m vi~n~naa.nan' ti||
vi~n~naa.na~ncaayatana.m upasampajja viharati.|| ||

Aya.m vuccati bhikkhave,||
bhikkhu antam akaasi Maara.m apada.m vadhitvaa Maaracakkhu.m adassana.m gato paapimato.|| ||

Puna ca para.m bhikkhave,||
bhikkhu sabbaso vi~n~naa.na~ncaayatana.m samatikkamma||
'n'atthi ki~ncii' ti||
aaki~nca~n~naayatana.m upasampajja viharati.|| ||

Aya.m vuccati bhikkhave,||
bhikkhu antam akaasi Maara.m apada.m vadhitvaa Maaracakkhu.m adassana.m gato paapimato.|| ||

Puna ca para.m bhikkhave,||
bhikkhu sabbaso aaki~nca~n~naayatana.m samatikkamma||
n'eva-sa~n~naa-naasa~n~naayatana.m upasampajja viharati.|| ||

Aya.m vuccati bhikkhave,||
bhikkhu antam akaasi Maara.m apada.m vadhitvaa Maaracakkhu.m adassana.m gato paapimato.|| ||

Puna ca para.m bhikkhave,||
bhikkhu sabbaso n'eva-sa~n~naa-naasa~n~naayatana.m samatikkamma||
sa~n~naavedayitanirodha.m upasampajja viharati.|| ||

Pa~n~naaya c'assa disvaa aasavaa parikkhi.naa honti:|| ||

Aya.m vuccati bhikkhave, bhikkhu anta.m akaasi Maara.m apada.m vadhitvaa Maaracakkhu.m adassana.m gato paapimato ti.n.no loke visattikan ti.|| ||

 


Contact:
E-mail
Copyright Statement