Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 42

Pa~ncaala Sutta.m aka Sambaadha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] Eva.m me suta.m:|| ||

Eka.m samaya.m aayasmaa Aanando Kosambiya.m viharati Ghositaaraame.|| ||

Atha kho aayasmaa Udaayii yenaayasmaa Aanando ten'upasa'nkami.|| ||

Upasa'nkamitvaa aayasmataa Aanandena saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho aayasmaa Udaayii aayasmanta.m Aananda.m etad avoca:||
vuttamida.m aavuso, Pa~ncaalaca.n.dena devaputtena:|| ||

 

Sambaade gata.m okaasa.m avidaa bhuurimedhaso
yo jhaanam abujjhi buddho pa.tiliinanisabho munii ti.|| ||

 

Katamo nu kho aavuso sambodho katamo sambodhe okaasaadhigamo vutto Bhagavataa ti:|| ||

Pa~nc'ime aavuso kaamagu.naa sambaadho vutto Bhagavataa.|| ||

Katame pa~nca?|| ||

Cakkhuvi~n~neyyaa ruupaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Sotavi~n~neyyaa saddaa i.t.thaa kantaa manaapaa piyaruupaa kaamuusa.mhitaa rajaniiyaa.|| ||

Ghaanavi~n~neyyaa gandhaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Jivhaavi~n~neyyaa rasaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Kaayavi~n~neyyaa po.t.thabbaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Ime kho aavuso pa~ncakaamagu.naa sambaadho vutto Bhagavataa.|| ||

Idh'aavuso bhikkhu vivicc'eva kaamehi||
vivicca akusalehi dhammehi||
savitakka.m savicaara.m||
vivekaja.m piiti-sukha.m||
pa.thama.m-jhaana.m upasampajja viharati.|| ||

Ettaavataa pi kho aavuso sambaadhe okaasaadhigamo vutto Bhagavataa.|| ||

Pariyaayena tattha p'atthi sambaadho,||
ki~n ca tattha sambaadho?|| ||

Yad eva [450] tattha vitakkavicaaraa aniruddhaa honti ayamettha sambaadho.|| ||

Puna ca para.m aavuso bhikkhu||
vitakka-vicaaraana.m vuupasamaa||
ajjhatta.m sampasaadana.m||
cetaso ekodi-bhaava.m||
avitakka.m avicaara.m||
samaadhija.m piiti-sukha.m||
dutiya.m-jhaana.m upasampajja viharati.|| ||

Ettaavataa pi kho aavuso sambaadhe okaasaadhigamo vutto Bhagavataa pariyaayena.|| ||

Tattha patthi sambaadho.|| ||

Ki~n ca tattha sambaadho?|| ||

Yad eva tattha:||
piiti aniruddhaa hoti,||
ayamettha sambaadho.|| ||

Puna ca para.m aavuso piitiyaa ca viraagaa upekkhako ca viharati||
sato ca sampajaano sukha~n ca kaayena pa.tisa'nvedeti||
yan ta.m ariyaa aavikkhanti:||
'upekkhako satimaa sukhavihaarii' ti ta.m||
tatiya.m-jhaana.m upasampajja viharati.|| ||

Ettaavataa pi kho aavuso sambodhe okaasaadhigamo vutto Bhagavataa pariyaayena.|| ||

Tattha p'atthi sambaadho,||
ki~n ca tattha sambaadho:||
yad eva tattha upekkhaasukha.m.|| ||

Aniruddha.m hoti,||
ayamettha sambaadho.|| ||

Puna ca para.m aavuso bhikkhu||
sukhassa ca pahaanaa||
pubb'eva somanassa-domanassaana.m attha'ngamaa||
adukkha-m-asukha.m upekkhaa-sati-paarisuddhi.m||
catuttha.m-jhaana.m upasampajja viharati.|| ||

Ettaavataa pi kho aavuso,||
sambaadhe okaasaadhigamo vutto Bhagavataa.|| ||

Tattha p'atthi sambaadho.|| ||

Ki~n ca tattha sambaadho?|| ||

Yad eva tattha ruupasa~n~naa aniruddhaa hoti,||
ayamettha sambaadho.|| ||

Puna ca para.m aavuso bhikkhu sabbaso ruupa-sa~n~naana.m samatikkamaa||
pa.tigha-sa~n~naana.m attha'ngamaa||
naanattasa~n~naana.m amanasi-kaaraa 'anatto aakaaso' ti||
aakaasaana~ncaayatana.m upasampajja viharati.|| ||

Ettaavataa pi kho aavuso sambaadhe okaasaadhigamo vutto Bhagavataa pariyaayena,||
tattha p'atthi sambaadho.|| ||

Ki~n ca tattha sambaadho?|| ||

Yad eva tattha aakaasaana~ncaayatanasa~n~naa aniruddhaa hoti.|| ||

Ayamettha sambaadho.|| ||

Puna ca para.m aavuso,||
bhikkhu sabbaso aakaasaana~ncaayatana.m samatikkamma||
'ananta.m vi~n~naa.nan' ti||
vi~n~naa.na~ncaayatana.m [451] upasampajja viharati.|| ||

Ettaavataa pi kho aavuso sambodhe okaasaadhigamo vutto Bhagavataa pariyaayena tattha p'atthi sambaadho.|| ||

Ki~n ca tattha sambaadho?|| ||

Yad eva tattha vi~n~naa.na~ncaayatanasa~n~naa aniruddhaa hoti.|| ||

Ayamettha sambaadho.|| ||

Puna ca para.m aavuso bhikkhu sabbaso vi~n~naa.na~ncaayatana.m samatikkamma||
'n'atthi ki~nci' ti||
aaki~nca~n~naayatana.m upasampajja viharati.|| ||

Ettaavataa pi kho aavuso sambaadhe okaasaadigamo vutto Bhagavataa pariyaayena,||
tattha p'atthi sambaadho.|| ||

Ki~n ca tattha sambaadho?|| ||

Yad eva tattha aaki~nca~n~naayatanasa~n~naa aniruddhaa hoti,||
ayamettha sambaadho.|| ||

Puna ca para.m aavuso bhikkhu sabbaso aaki~nca~n~naayatana.m samatikkamma||
n'eva-sa~n~naa-naasa~n~naayatana.m upasampajja viharati.|| ||

Ettaavataa pi kho aavuso sambaadhe okaasaadhigamo vutto Bhagavataa pariyaayena,||
tatta patthi sambaadho.|| ||

Ki~n ca tattha sambaadho?|| ||

Yad eva tattha n'eva-sa~n~naa-naasa~n~naayatanasa~n~naa aniruddhaa hoti,||
ayamettha sambaadho.|| ||

Puna ca para.m aavuso bhikkhu sabbaso n'eva-sa~n~naa-naasa~n~naayatana.m samatikkamma||
sa~n~naavedayitanirodha.m upasampajja viharati.|| ||

Pa~n~naaya c'assa disvaa aasavaa parikkhii.naa honti.|| ||

Ettaavataa pi kho aavuso sambodhe okaasaadhigamo vutto Bhagavataa nippariyaayenaa ti.|| ||

 


Contact:
E-mail
Copyright Statement