Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 50

Tada'nga-nibbaana.m Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

"Tada'nga-nibbaana.m, tada'nga-nibbaana.m" ti aavuso vuccati,||
kittaavataa nu kho aavuso tada'nga-nibbaana.m vutto Bhagavataa ti.|| ||

Idh'aavuso bhikkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

Yathaa yathaa ca tad aayatana.m tathaa tathaa na.m kaayena phassitvaa viharati,||
pa~n~naaya ca na.m pajaanaati.|| ||

Ettaavataa pi kho aavuso tada'nga-nibbaana.m vutto Bhagavataa pariyaayena.|| ||

Puna ca para.m aavuso bhikkhu vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Yathaa yathaa ca tad aayatana.m tathaa tathaa na.m kaayena phassitvaa viharati,||
pa~n~naaya ca na.m pajaanaati.|| ||

Ettaavataa pi kho aavuso tada'nga-nibbaana.m vutto Bhagavataa pariyaayena.|| ||

Puna ca para.m aavuso piitiyaa ca viraagaa upekkhako ca viharati||
sato ca sampajaano sukha~n ca kaayena pa.tisa'nvedeti||
yan ta.m ariyaa aavikkhanti:||
'upekkhako satimaa sukhavihaarii' ti ta.m||
tatiya.m-jhaana.m upasampajja viharati.|| ||

Yathaa yathaa ca tad aayatana.m tathaa na.m kaayena phassitvaa viharati,||
pa~n~naaya ca na.m pajaanaati.|| ||

Ettaavataa pi kho aavuso tada'nga-nibbaana.m vutto Bhagavataa pariyaayena.|| ||

Puna ca para.m aavuso bhikkhu||
sukhassa ca pahaanaa||
pubb'eva somanassa-domanassaana.m attha'ngamaa||
adukkha-m-asukha.m upekkhaa-sati-paarisuddhi.m||
catuttha.m-jhaana.m upasampajja viharati.|| ||

Yathaa yathaa ca tad aayatana.m tathaa tathaa na.m kaayena phassitvaa viharati,||
pa~n~naaya ca na.m pajaanaati.|| ||

Ettaavataa pi kho aavuso, tada'nga-nibbaana.m vutto Bhagavataa pariyaayena.|| ||

Puna ca para.m aavuso bhikkhu||
sabbaso ruupa-sa~n~naana.m samatikkamaa||
pa.tigha-sa~n~naana.m attha'ngamaa||
naanattasa~n~naana.m amanasi-kaaraa 'anatto aakaaso' ti||
aakaasaana~ncaayatana.m upasampajja viharati.|| ||

Yathaa yathaa ca tad aayatana.m tathaa tathaa na.m kaayena phassitvaa viharati.|| ||

Ettaavataa pi kho aavuso tada'nga-nibbaana.m vutto Bhagavataa pariyaayena.|| ||

Puna ca para.m aavuso, bhikkhu||
sabbaso aakaasaana~ncaayatana.m samatikkamma||
'ananta.m vi~n~naa.nan' ti||
vi~n~naa.na~ncaayatana.m upasampajja viharati.|| ||

Yathaa yathaa ca tad aayatana.m tathaa tathaa na.m kaayena phassitvaa viharati pa~n~naaya ca na.m pajaanaati.|| ||

Ettaavataa pi kho aavuso tada'nga-nibbaana.m vutto Bhagavataa pariyaayena.|| ||

Puna ca para.m aavuso bhikkhu||
sabbaso vi~n~naa.na~ncaayatana.m samatikkamma||
'n'atthi ki~nci' ti aaki~nca~n~naayatana.m upasampajja viharati.|| ||

Yathaa yathaa ca tad aayatana.m tathaa tathaa na.m kaayena phassitvaa viharati pa~n~naaya ca na.m pajaanaati.|| ||

Ettaavataa pi kho aavuso tada'nga-nibbaana.m vutto Bhagavataa pariyaayena.|| ||

Puna ca para.m aavuso bhikkhu||
sabbaso aaki~nca~n~naayatana.m samatikkamma||
n'eva-sa~n~naa-naasa~n~naayatana.m upasampajja viharati.|| ||

Yathaa yathaa ca tad aayatana.m tathaa tathaa na.m kaayena phassitvaa viharati,||
pa~n~naaya ca na.m pajaanaati.|| ||

Ettaavataa pi kho aavuso tada'nga-nibbaana.m vutto Bhagavataa pariyaayena.|| ||

Puna ca para.m aavuso bhikkhu||
sabbaso n'eva-sa~n~naa-naasa~n~naayatana.m samatikkamma||
sa~n~naavedayitanirodha.m upasampajja viharati.|| ||

Pa~n~naaya c'assa disvaa aasavaa parikkhii.naa honti.|| ||

Yathaa yathaa ca tad aayatana.m tathaa tathaa na.m kaayena phassitvaa viharati.|| ||

Pa~n~naaya ca na.m pajaanaati.|| ||

Ettaavataa pi kho aavuso tada'nga-nibbaana.m vutto Bhagavataa nippariyaayenaa ti.|| ||

 


Contact:
E-mail
Copyright Statement